ବ୍ଯୁରୋ : ଆଜି ଅପରାହ୍ନ ୩ଟା ୦୮ ମିନିଟ୍ ରେ ହରିୟାଣା ର ଅମ୍ବାଲା ଏୟାର୍ ବେସ୍ ରେ ଭାରତ ମାଟିକୁ ଛୁଇଁଲା ବହୁ ପ୍ରତୀକ୍ଷିତ ରଫାଲ୍ ବିମାନ । ଆବୁଧାବିର ମେରିନେକ୍ ରୁ ଭାରତୀୟ ସମୟ ୧ଟା ୦୨ମିନିଟ୍ ରୁ ଉଡାଣ ଆରମ୍ଭ କରି ଅମ୍ବାଲା ଏୟାର୍ ବେସ୍ ରେ ପହଞ୍ଚିଛି ପାଞ୍ଚ ରଫାଲ୍ ବିମାନ। ଯେଉଁ ରଫାଲ୍ ବିମାନ କିଣାକୁ ନେଇ ବିଗତ କିଛି ବର୍ଷ ତଳେ ରାଜନୈତିକ ତୁମ୍ବି ତୂଫାନ ହୋଇଥିଲା। ତାହାର ଆଜି ଅନ୍ତ ଘଟିଛି । ପ୍ରଥମ ପର୍ଯ୍ୟାୟରେ ଭାରତକୁ ପାଞ୍ଚୋଟି ବିମାନ ଆସିଥିବା ବେଳେ ଆଗାମୀ ଦିନରେ ଚୁକ୍ତି ଅନୁଯାୟୀ ବାକି ୩୧ଟି ବିମାନ ଆସିବାକୁ ଅଛି। ଯାହାଦ୍ବାରା ଭାରତୀୟ ବାୟୁ ସେନା ଅଧିକ ଶକ୍ତିଶାଳୀ ହୋଇପାରିବ । ଏହି ପରିପ୍ରେକ୍ଷୀରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ସମସ୍ତ ପାଇଲା ଙ୍କ ସହ ସମଗ୍ର ବାୟୁସେନା ଓ ଦେଶ ବାସୀଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । ଏହି ଅବସରରେ ପ୍ରତିରକ୍ଷା ମନ୍ତ୍ରୀ ଟୁଇଟ୍ କରି ଶତୃ ଦେଶ ମାନଙ୍କୁ ଚେତାବନୀ ମଧ୍ୟ ଦେଇଛନ୍ତି। ଏଠାରେ ଉଲ୍ଲେଖ କରାଯାଇପାରେ ଯେ ଦୀର୍ଘ ୪୧ ବର୍ଷ ପୂର୍ବେ ୧୯୭୯ ମସିହା ଜୁଲାଇ ୨୭ ତାରିଖରେ ଏହି ଅମ୍ବାଲା ଏୟାର୍ ବେସ୍ ରେ ଜାଗୁଆର୍ ନାମକ ଯୁଦ୍ଧ ବିମାନ ଅବତରଣ କରି ବାୟୁସେନାରେ ସାମିଲ୍ ହୋଇଥିଲା।
