ସୁକିନ୍ଦା : କରୋନା ମୁକାବିଲା କରିବା ପାଇଁ ରାଜ୍ୟ ସରକାର ପ୍ରତ୍ଯେକ ପଞ୍ଚାୟତ ଠାରୁ ଆରମ୍ଭ କରି ଜିଲ୍ଲା ସଦର ମହକୁମାଠାରେ ନିର୍ମାଣ କରୁଛନ୍ତି ଅସ୍ଥାୟୀ ସଂଯୋଗନିରୋଧୀ ଆଶ୍ରୟ ସ୍ଥଳି । ସେହି କ୍ରମରେ ସୁକିନ୍ଦା ବ୍ଲକ ଅନ୍ତର୍ଗତ ହରିପୁରର ମହାଦେବ ସରକାରୀ ଉଚ୍ଚ ବିଦ୍ୟାଳୟ ଠାରେ ନିର୍ମିତ ହୋଇଛି ଅସ୍ଥାୟୀ କ୍ବାରେଣ୍ଟାଇନ୍ କେନ୍ଦ୍ର । ଏଠାକାର ସରପଞ୍ଚ ଶ୍ରୀ ଅଲେଖ ପ୍ରସାଦ ରାଉତଙ୍କ ତତ୍ତ୍ବାବଧାନରେ ନିର୍ମାଣ କରାଯାଇଛି ଏହି କେନ୍ଦ୍ରରେ ୨୦ଜଣ ରହିବାର ସମସ୍ତ ସୁବିଧା ଉପଲବ୍ଧ ରହିଛି । ମିଳିଥିବା ସୂଚନା ଅନୁଯାୟୀ ସରକାରଙ୍କ ସବୁ ନିୟମକୁ ଏଠାରେ ଅକ୍ଷରେ ଅକ୍ଷରେ ପାଳନ କରାଯାଇଛି । ଯେପରିକି ରହିବା ଖାଇବା ସହ ଚବିଶ ଘଣ୍ଟିଆ ବିଜୁଳି ପାଇଁ ଇନଭଟର୍,ବିଶୁଦ୍ଧ ପାନୀୟ ଜଳ ସକାଶେ ଆକ୍ବାଗାର୍ଡ୍ ଓ ସମସ୍ତ ପ୍ରକାରର ଜରୁରୀକାଳୀନ ସେବା । ଶ୍ରୀ ରାଉତଙ୍କ ତତ୍ତ୍ବାବଧାନରେ ଓ ନିଜ ପ୍ରଚେଷ୍ଟାରେ ଆଜକୁ ଦୀର୍ଘ କୋଡିଏରୁ ଉର୍ଦ୍ଧ୍ବ ଦିନ ହେବ ରନ୍ଧା ଖାଦ୍ୟ ଦରିଦ୍ର ନିଷ୍ପେଶିତ ଅସହାୟ ମାନଙ୍କୁ ବଣ୍ଟନ କରାଯାଉଛି । ଶ୍ରୀ ରାଉତ ନିଜେ ସମସ୍ତ ଅସହାୟଙ୍କ ଘର ଘର ବୁଲି ଏହି ରନ୍ଧା ଖାଦ୍ୟ ବାଣ୍ଟୁଥିବା ଦେଖାଯାଉଛି ।ଏଠାରେ ଉଲ୍ଲେଖ କରାଯାଇପାରେ ରାଜ୍ୟ ସରକାର ସ୍ଥାନୀୟ ବିଭିନ୍ନ ସ୍ବୟଂ ସହାୟିକା ଗୋଷ୍ଠୀ ମାନଙ୍କୁ ଏହି ରନ୍ଧା ଖାଦ୍ୟ ପ୍ରସ୍ତୁତ ଓ ବିତରଣ ଦାୟିତ୍ୱ ଦେଇଥିଲେ ମଧ୍ୟ ଏଠାରେ ଏହାକୁ ଉପେକ୍ଷା କରାଯାଉଥିବା ଅଭିଯୋଗ ହୋଇଛି । ଏ ନେଇ ସରପଞ୍ଚ ଶ୍ରୀ ରାଉତ ବି.ଡି.ଓ ଙ୍କ ଦୃଷ୍ଟି ଆକର୍ଷଣ କରିଛନ୍ତି ।
