ଓଡିଶା ସାମ୍ବାଦିକ ସଂଘ (ଓୟୁଜେ) ର ରାଜ୍ୟ କାର୍ଯ୍ୟକାରିଣୀ ବୈଠକ ତଥା ସୁବର୍ଣ୍ଣ ଜୟନ୍ତୀ ସମାରୋହ ଆସନ୍ତା ନଭେମ୍ବର ମାସ ୧୪ତାରିଖରେ ହେବାକୁ ଯାଉଛି । ଏହି ସମାରୋହ ଯାଜପୁର ଜିଲ୍ଲାରେ ପାଳନ ହେବା ନେଇ ଯୋଜନା ଥିବାରୁ ଜିଲ୍ଲାର ସାମ୍ବାଦିକ ମାନଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ଏ ନେଇ ଏକ ପ୍ରସ୍ତୁତି ବୈଠକ ଓ ଆଲୋଚନା ଚକ୍ର ଯାଜପୁର ରୋଡ ଦଳା ସ୍ଥିତ ଜେମ୍ସ୍ ସ୍କୁଲ୍ ପରିସରରେ ଅନୁଷ୍ଠିତ ହୋଇଯାଇଛି । ଯାଜପୁର ଜିଲ୍ଲା ସାମ୍ବାଦିକ ସଂଘ (ଜେୟୁଜେ )ର ସଭାପତି ଆଦିତ୍ଯ ମେକାପଙ୍କ ସଭାପତିତ୍ୱରେ ଆୟୋଜିତ ଏହି ବୈଠକରେ ସଂଘର ସାଧାରଣ ସମ୍ପାଦକ ଦେବପ୍ରସାଦ ସାହୁ, ବରିଷ୍ଠ ସାମ୍ବାଦିକ ଅଭୟ ପତି ଓ ରାଜ୍ୟ ଟ୍ରିବ୍ଯୁନାଲ୍ ଅଧ୍ୟକ୍ଷ ରାଜୀବ୍ ମହାନ୍ତି,ସଂଘର ପୂର୍ବତନ ସଭାପତି ସମରଜିତ୍ ମହାନ୍ତି, ଓ କାର୍ଯ୍ୟକାରୀ ସଭାପତି ରଞ୍ଜିତ କୁମାର ରାଉତ ପ୍ରମୁଖ ଉପସ୍ଥିତ ଥିଲେ । ଏହି ବୈଠକରେ ଆଗାମୀ ଦିନରେ ହେବାକୁ ଥିବା ରାଜ୍ୟ କାର୍ଯ୍ୟକାରୀଣି ବୈଠକ ଓ ସୁବର୍ଣ୍ଣ ଜୟନ୍ତୀ ସମାରୋହ ସମ୍ପର୍କରେ ସବିଶେଷ ଆଲୋଚନା ହୋଇଥିଲ। । ଏଥିସହ ଉକ୍ତ କାର୍ଯ୍ୟକ୍ରମକୁ କିପରି ସରସ ସୁନ୍ଦର ଓ ସଫଳ କରିହେବ ତାର ରୂପରେଖ ପ୍ରସ୍ତୁତ କରାଯାଇଥିଲା । ଏହି ପ୍ରସ୍ତୁତି ବୈଠକରେ ସମଗ୍ର ଜିଲ୍ଲାରୁ ଶତାଧିକ ଅତିଥି ଯୋଗ ଦେବାର କାର୍ଯ୍ୟକ୍ରମ ରହିଥିବାରୁ ସେମାନଙ୍କ ରହଣି ତଥା ଆତିଥ୍ଯ ସେବାରେ ଯେପରି କୌଣସି ତୃଟି ବିଚ୍ଯୁତି ନହୁଏ ସେନେଇ ପ୍ରାଧାନ୍ୟ ଦିଆଯାଇଥିଲା। ଏଥିସହ ସମାଜରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସମଗ୍ର ଯାଜପୁର ଜିଲ୍ଲାର ପ୍ରତିଭାବାନ୍ ବ୍ଯକ୍ତି ବିଶେଷଙ୍କୁ ସମ୍ମାନିତ ଉପରେ ଆଲୋଚନା କରାଯାଇଥିଲା ।ଏହି ପ୍ରସ୍ତୁତି ବୈଠକରେ ଯାଜପୁର ଜିଲ୍ଲାର ପ୍ରତି ବ୍ଲକ୍ ରୁ ବହୁ ସାମ୍ବାଦିକ ଯୋଗଦେଇ ନିଜ ନିଜର ମତାମତ ଉପସ୍ଥାପନ କରିଥିଲେ ।
