କୋରାପୁଟ : କଥାରେ ଅଛି ବିପଦ ବେଳର ବନ୍ଧୁ ପ୍ରକୃତ ବନ୍ଧୁ। କିନ୍ତୁ ଯଦି ଜଣେ ଅପରିଚିତ ବ୍ୟକ୍ତିଙ୍କ ଜୀବନ ବଞ୍ଚାଇବାକୁ ଚେଷ୍ଟା କରେ ତେବେ ତାହାର ତ କୌଣସି ସଙ୍ଗ୍ଯା ନାହିଁ । ଏହିପରି ଏକ ଅନନ୍ୟ ପରିଚୟ ସୃଷ୍ଟି କରିଛନ୍ତି ମହିଳା । ଖବର ଅନୁଯାୟୀ କୋରାପୁଟ ଜିଲ୍ଲା ଦାମନଯୋଡି ଠାରେ ନିଜ ପରିବାର ସହ ରୁହନ୍ତି ବବିତା ନାୟକ । ଜିଲ୍ଲା ରକ୍ତଦାତା ସଂଘର ସଦସ୍ୟ ଥିବା ସ୍ବରାଜ କୁମାର ରାୟ ଙ୍କ ଠାରୁ ଏକ ଖବର ପାଇଥିଲେ। ପଡୋଶୀ ମାଲକାନଗିରି ଜିଲ୍ଲାର ଜଗଦୀଶ ନାୟକ ନାମକ ବ୍ଯକ୍ତି କୋରାପୁଟ ଜିଲ୍ଲାର ସହୀଦ୍ ଲକ୍ଷ୍ମଣ ନାୟକ ମେଡିକାଲ କଲେଜ ରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ। ଚିକିତ୍ସା କରୁଥିବା ଡାକ୍ତର , ବ୍ଯକ୍ତି ଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ଥିବା ଓ ହିମୋଗ୍ଲୋବିନ୍ ୩.୦ ଯାହାକି ଜୀବନ ପ୍ରତି ବିପଦ ବୋଲି କହିଥିଲେ । ଏଥିସହିତ ସିଘ୍ର ଉପଯୁକ୍ତ ଗୃପ୍ ର ରକ୍ତ ଯୋଗାଡ଼ କରିବା ପାଇଁ ପରିବାର ସଦସ୍ୟଙ୍କୁ କହିଥିଲେ । ଚିକିତ୍ସିତ ହେଉଥିବା ବ୍ଯକ୍ତି ଜଣଙ୍କର ଏକ ବିରଳ A(-ve) ରକ୍ତ ହୋଇଥିବାରୁ ପରିବାର ଲୋକେ ବ୍ଯସ୍ତ ବିବ୍ରତ ହୋଇ ପଡିଥିଲେ । ଏହି ସମୟରେ ଖବର ପାଇ ଶ୍ରୀ ରାୟ ଶ୍ରୀମତୀ ବବିତା ନାୟକଙ୍କୁ ଜଣାଇଥିଲେ । ଏହା ଶୁଣିବା ପରେ ତତକ୍ଷଣାତ୍ ରକ୍ତ ଦାନ ପାଇଁ ରାଜି ହୋଇଥିଲେ । ଲଘୁଚାପ ଜନିତ ବର୍ଷା ଲାଗି ରହିଥିବା ସ୍ଥଳେ ମଧ୍ୟ ବର୍ଷାକୁ ଖାତିର ନକରି ରାତିରେ ଦୀର୍ଘ ୪୦ କିଲୋମିଟର ଦୂର ଅତିକ୍ରମ କରି ରକ୍ତ ଦାନ କରିଥିଲେ । ଏଠାରେ ଉଲ୍ଲେଖ କରାଯାଇପାରେ ଯେ , ଯେଉଁ ବ୍ୟକ୍ତିକୁ ଶ୍ରୀମତୀ ନାୟକ ଚିହ୍ନି ନାହାନ୍ତି କି ଜାଣିନାହାନ୍ତି ତାଙ୍କ ଜୀବନ ବଞ୍ଚାଇବାକୁ ଚେଷ୍ଟା କରିଛନ୍ତି । ଦାମନଯୋଡିର ଏକ ଘରୋଇ ଶିକ୍ଷା ଅନୁଷ୍ଠାନରେ ଶିକ୍ଷକତା କରୁଥିବା ଶ୍ରୀମତୀ ନାୟକଙ୍କ ଏପରି ଏକ ପ୍ରୟାସ ଏଠାରେ ଚର୍ଚ୍ଚା ର ବିଷୟ ପାଲଟିଛି । ଏଥିସହିତ ସ୍ଥାନୀୟ ବିଭିନ୍ନ ମହଲରେ ତାଙ୍କର ଅନନ୍ୟ ପ୍ରୟାସକୁ ପ୍ରସଂଶା କରାଯାଇଛି ।
