- ବ୍ୟାସନଗର : ଗତ ୨୦୧୮ ମସିହା ଅପ୍ରେଲ ମାସରେ ଅଙ୍ଗ ଦାନ ଆଧାରିତ ଏକ ପ୍ରୟାସ ଗିନିଜ୍ ବିଶ୍ବ ରେକର୍ଡ କରିଥିଲା । ଏହି କାର୍ଯ୍ୟକ୍ରମଟିକୁ ରୋଟ୍ରାକ୍ଟ୍ ବ୍ଯାସଭୂମୀ ଦ୍ବାରା ଚାରି ହଜାର ଛାତ୍ରଛାତ୍ରୀଙ୍କ ସହାୟତାରେ ସ୍ଥାନୀୟ ମଧୁସୂଦନ ନଗର ସରସ୍ବତୀ ଶିଶୁ ବିଦ୍ୟା ମନ୍ଦିର ଖେଳ ପଡ଼ିଆଠାରେ ଅନୁଷ୍ଠିତ ହୋଇଥିଲା । ସେହିପରି ପୁଣି ଥରେ ଏକ ବିଶ୍ବ ରେକର୍ଡ ଚିନ୍ତାଧାରା ନେଇ ଅନୁଷ୍ଠିତ ହୋଇଯାଇଛି ଏକ ବୈଠକ । ମିଳିଥିବା ସୂଚନା ଅନୁଯାୟୀ ଆଜି ପୂର୍ବାହ୍ନ ଏଗାରଟା ସମୟରେ ଜେମ୍ସ୍ ସ୍କୁଲ ପରିସରରେ ଥିବା ରୋଟାରୀ ଭବନ ସଭାଗୃହରେ କ୍ଲବ୍ ର ସଭାପତି ଅଭୟ ପତିଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି । ନିୟମ ଅନୁଯାୟୀ ସଭା ଆରମ୍ଭରେ ଜାତୀୟ ସଙ୍ଗୀତ ଗାନ କରାଯାଇଥିଲା । ଏହି ବୈଠକରେ ରୋଟାରୀଆନ୍ ଉଦୟ ନାଥ ଖଣ୍ଡାଇ , ଅଭିଳାଷ ବୋଇତାଇ ଓ ବୀରେଶ୍ବର ପତିଙ୍କ ମିଳିତ ଆଗତ ଅଙ୍ଗଦାନ ବିଶ୍ଵ ରେକର୍ଡ ସମ୍ପର୍କିତ ପ୍ରସ୍ତାବ ଉପରେ ଆଲୋଚନା ହୋଇଥିଲା । ଏଥିସହ ଅସହାୟ ବୃଦ୍ଧ ଓ ବୃଦ୍ଧାଙ୍କ ନିମନ୍ତେ ଦୀର୍ଘମିୟାଦି ସୂତ୍ରରେ ଏକ ଜରାନିବାସ କରିବାକୁ ପ୍ରସ୍ତାବ ଦିଆଯାଇଥିଲା । ଆସିଥିବା ପ୍ରସ୍ତାବକୁ ବିଚାରକୁ ନେଇ ଆଗାମୀ ଦିନରେ ଏହାକୁ କିପରି ରୂପରେଖ ଦିଆଯାଇ ପାରିବ ସେ ନେଇ ବିସ୍ତୃତ ଆଲୋଚନା ହୋଇଥିଲା । ବିଗତ ବର୍ଷଠାରୁ ଏ ବର୍ଷ ଆଉ ଅଧିକ ଚାରି ହଜାର ଅର୍ଥାତ୍ ଆଠ ହଜାର ଛାତ୍ରଛାତ୍ରୀଙ୍କୁ ନେଇ ଆଉ ଏକ ବିଶ୍ବ ରେକର୍ଡ କରିବା ପାଇଁ ଲକ୍ଷ ରଖାଯାଇଛି । ଏଥିସହ ବ୍ୟାସନଗର ସହରାଞ୍ଚଳରେ ସ୍ଥାୟୀ ଭାବେ ଏକ ଚକ୍ଷୁ ପରୀକ୍ଷା କେନ୍ଦ୍ର କରିବା ପାଇଁ ପ୍ରସ୍ତାବ ଗୃହିତ ହୋଇଛି । ଏହି ଅବସରରେ ଆଗାମୀ ୨୦୨୦-୨୧ ବର୍ଷ ନିମନ୍ତେ କର୍ମକର୍ତ୍ତା ଚୟନ ହୋଇଥିଲା । ସର୍ବସମ୍ମତିକ୍ରମେ ସଭାପତି ଭାବେ ରୋଟାରୀଆନ ଅଭୟ ପତି ଓ ସମ୍ପାଦକ ଭାବେ ରୋଟାରୀଆନ ଅଜୟ କୁମାର ସାହୁ ଚୟନ ହୋଇଥିବା ବେଳେ କୋଷାଧ୍ୟକ୍ଷ ଭାବେ ରୋଟାରୀଆନ ପ୍ରବିର ବିଶ୍ବାଳଙ୍କୁ ଚୟନ କରାଯାଇଛି । ଅନ୍ଯ ସମସ୍ତ ପଦ ପଦବୀ ଗୁଡିକ ଅପରିବର୍ତ୍ତିତ ଥିବାବେଳେ , କିଛି ପଦବୀରେ ଆଉ କିଛି ସଦସ୍ୟଙ୍କୁ ସାମିଲ୍ କରାଯାଇଛି । ଏହି କାର୍ଯ୍ୟକ୍ରମରେ ଶ୍ରୀମତୀ ଅସ୍ମିତା ପତି, କଳ୍ପତରୁ ସାହୁ , ଆଷୁତୋଶ ମିଶ୍ର , ମାନଶ ଆଏଚ, ଦୀପକ୍ ଦାଶ , ସଞ୍ଜୟ ସରକାର୍ , ଚିତ୍ତରଞ୍ଜନ ବୋଇତାଇ , ବିଜୟ ରାଜ୍, ଜ୍ଞାନରଞ୍ଜନ ଓଝା, ବିମଳା ମିଶ୍ର, ବିଶ୍ବରଞ୍ଜନ ଜେନା,ଶ୍ରିକାନ୍ତ ପାତ୍ର, ରବୀନ୍ଦ୍ର ଦାଶ,ବିରଞ୍ଚି ଖୁଣ୍ଟିଆ, ରଞ୍ଜନ ନାୟକ ଓ ସରୋଜ ସାହୁ ପ୍ରମୁଖ ଯୋଗଦେଇଥିଲେ ।
ଇତିହାସ ରଚିବା ଲକ୍ଷରେ ରୋଟାରୀ କ୍ଲବ୍ ଅଫ୍ ଯାଜପୁର ରୋଡ୍
- Advertisement -