- ବ୍ୟାସନଗର : ଗରିବ ତଥା ନିରାଶ୍ରୟ ଲୋକଙ୍କ ପାଇଁ ସରକାର ବିଭିନ୍ନ ଯୋଜନା ମାନ କରୁଛନ୍ତି । କେତେବେଳେ ଛତା ତ ପୁଣି କେତେବେଳେ କମ୍ବଳ । ଟ୍ବିନ୍ ସିଟି ତଥା ରାଜ୍ୟର ବିଭିନ୍ନ ସହରରେ ନିରାଶ୍ରୟ ଲୋକଙ୍କ ପାଇଁ ରାତ୍ରି ଯାପନ ନିମନ୍ତେ ରାତ୍ରି ଆଶ୍ରୟ ସ୍ଥଳି ମଧ୍ୟ ନିର୍ମାଣ ହୋଇଛି । କିନ୍ତୁ ବିଡମ୍ବନା ର ବିଷୟ ଇସ୍ପାତ ରାଜଧାନୀର ମୂଖଶାଳା ବୋଲାଉଥିବା ବ୍ୟାସନଗରରେ ରାତ୍ରି ଆଶ୍ରୟ ସ୍ଥଳି ନଥିବାରୁ ନିରାଶ୍ରୟ ଗରିବମାନେ ଖୋଲା ଆକାଶ ତଳେ ରାତି କାଟୁଥିବା ପ୍ରତିଦିନ ନଜରକୁ ଆସୁଛି । ଦିନ ତମାମ ଚାରିଆଡେ ବୁଲି ବୁଲି ମାଗିଯାଚି ରାତିହେଲେ ଚାଲିଆସନ୍ତି ବିଶ୍ରାମ ନେବା ପାଇଁ ସ୍ଥାନୀୟ ରେଳଷ୍ଟେସନ ନିକଟକୁ । ଖରା,ବର୍ଷା, ଶୀତ, କାକରରେ କେବେ ପ୍ଲାଟଫର୍ମରେ ତ କେତେବେଳେ ଖୋଲା ଆକାଶ ତଳେ ବିଛଣା ପାରିଥାନ୍ତି । ବିଭିନ୍ନ ସାମାଜିକ ସଂଗଠନ ପକ୍ଷରୁ କେତେବେଳେ କମ୍ବଳ କେତେବେଳେ ଖାଦ୍ୟ ତ ପୁଣି କେତେବେଳେ କୌଣସି ନିରାଶ୍ରୟକୁ ଡାକ୍ତରଖାନା ନେବା ସହ ଅନ୍ତ୍ୟେଷ୍ଟି କ୍ରିୟା କରୁଥିବା ବେଳେ ଏ ଦିଗ ପ୍ରତି ଦୃଷ୍ଟି ନଦେବା ପରିତାପର ବିଷୟ । ଏହି ନିରାଶ୍ରୟ ଲୋକମାନଙ୍କ ପାଇଁ ପ୍ରଶାସନ ପକ୍ଷରୁ ଏକ ରାତ୍ରି ଆଶ୍ରୟ ସ୍ଥଳି ନିର୍ମାଣ କରାଗଲେ ସେମାନେ ଉପକୃତ ହୁଅନ୍ତେ ।
ଖୋଲା ଆକାଶ ତଳେ ବିତୁଛି କାକର ରାତି ।
- Advertisement -