ବ୍ୟାସନଗର : ବ୍ୟାସନଗର ପ୍ରେସ ଫୋରମର ବାର୍ଷିକ ଉତ୍ସବ
ନାରୀର ଅଧିକାର ପାଇଁ ସଂଗ୍ରାମ ଜରୁରୀ: କମିଶନ
ବ୍ୟାସନଗର :- ଯାଜପୁର ରୋଡ ଟାଉନହଲ ପରିସରରେ ଆୟୋଜିତ ବ୍ୟାସନଗର ପ୍ରେସ ଫୋରମର ୧୧ତମ ପ୍ରତିଷ୍ଠା ଦିବସ ତଥା ବାର୍ଷିକ ଉତ୍ସବକୁ ରାଜ୍ୟ ସୁଚନା କମିଶନ ଶଶିପ୍ରଭା ବିନ୍ଧାଣୀ ଉଦଘାଟନ କରିଥିଲେ । ମହିଳାଙ୍କୁୁ ସମର୍ପିତ କରିଥିବା ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇ ରାଜ୍ୟ ମହିଳା କମିଶନ ଅଧ୍ୟକ୍ଷା ଡଃ ମିନତୀ ବେହେରା ନାରୀକୁ ଅର୍ଥନୈତିକ ସ୍ୱାଧିନତା ଆବଶ୍ୟକ । ନାରୀର ଅଧିକାର ପାଇଁ ସଂଗ୍ରାମ ଜରୁରି । ସେଥିରେ ଆମ ସମସ୍ତଙ୍କୁ ସାମିଲ ହେବାକୁ ପଡିବ ବୋଲି ପ୍ରକାଶ କରିଥିଲେ ।
ଫୋରମର ସଭାପତି ଅଭୟ ପତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ମୁଖା ବକ୍ତା ଭାବେ ଓଡିଶା ଭାଷା ପ୍ରତିଷ୍ଠାନର ନିର୍ଦ୍ଦେଶିକା ଡଃ ତମସା ରାଣୀ ମହାପାତ୍ର ଯୋଗଦେଇଥିବାବେଳେ ସମ୍ମାନିତ ଅତିଥିଭାବେ ଓଡିଶା ସାହିତ୍ୟ ଏକାଡେମିର ସଚିବ ଡଃ ଜୟନ୍ତି ରଥ,ରାଜ୍ୟ ମହିଳା ଓ ଶିଶୁ ବିକାଶ ବିଭାଗର ଉପଦେଷ୍ଠା ସୁଲତା ଦେଓ, ଦାନଗଦୀ ତହସିଲଦାର ବୁଲବୁଲ ବେହେରା ଏବଂ ବରିଷ୍ଠ ସାମ୍ବାଦିକା ଜାଗୃତି ମହାନ୍ତି ପ୍ରମୁଖ ଯୋଗଦେଇ ନାରୀ ସୁରକ୍ଷା, କନ୍ୟାଭୃଣ ହତ୍ୟା ଏବଂ ନାବାଳିକା ନିର୍ଯାତନାକୁ ନେଇ ଗଭୀର ଉଦବେଗ ପ୍ରକାଶ କରିବା ସହିତ ନିଜେ ନିଜକୁ ସଚେତନ କରିବା ନିମନ୍ତେ ଆହ୍ୱାନ ଜଣାଇଥିଲେ । ଏହି ଅବସରରେ ବ୍ୟାସନଗର ପ୍ରେସ ଫୋରମର ମୁଖପତ୍ର ବ୍ୟାସଜ୍ୟୋତିକୁ ଅତିଥି ଉନ୍ମୋଚନ କରିଥିଲେ । ଫୋରମର ସମ୍ପାଦକ ଉଦୟ ନାଥ ଖଣ୍ଡାଇ ବାର୍ଷିକ ବିବରଣୀ ପ୍ରଦାନ କରିଥିବା ବେଳେ କାର୍ଯ୍ୟକାରୀ ସଭାପତି ପ୍ରକାଶ ଧନ୍ୟବାଦ ଅର୍ପଣ କରିଥିଲେ ।
ବାର୍ଷିକ ଉତ୍ସବ ଅବସରରେ ଯାଜପୁର ଜିଲ୍ଲାର ପ୍ରତିଷ୍ଠିତ କିଛି ପ୍ରତିଭାଙ୍କୁ ସମ୍ବର୍ଦ୍ଧିତ କରାଯାଇଥିଲା । ଯେଉଁଥିରେ ସାହିତ୍ୟିକା ସଂଯୁକ୍ତା ମହାପାତ୍ର,ଶିକ୍ଷାବିତ ବିଦୁଲତା ପାତ୍ର,ସଂଗଠିକା ବନ୍ଦିତା ପରିଡା ଓ ସବିତା ରାଉତ,ସମାଜସେବିକା ସରୋଜିନୀ ରାଜ,ଶିଳ୍ପଦ୍ୱୋଗୀ ଅସ୍ମିତା ପତି,ଚିକିତ୍ସକ ଡଃ ସରିତା ବେହେରା,ସାମ୍ବାଦିକା ଜାଗୃତି ମହାନ୍ତି,ସୁଗୃହିଣୀ ମଧୁସ୍ମିତା ରାଜ, କ୍ରୀଡାବିତ ଭାଲେନା ଭାଲେଣ୍ଟିନା ଏବଂ ଶିଶୁ କଳାକାର ଆୟେସା ସାମଲଙ୍କ ସମେତ ନବଉକ୍ରଳ ମହିଳା ସମିତି,ଯାଜପୁରରୋଡ ଇନରହ୍ୱିଲ କ୍ଲବ,କଳିଙ୍ଗନଗର ଇନରହ୍ୱିଲ କ୍ଲବ,ଲେଡିଜ କ୍ଲବ ଏବଂ ମାରୱାଡି ମହିଳା ସମିତିଙ୍କୁ ସମ୍ବର୍ଦ୍ଧିତ କରାଯାଇଥିଲା । ସେହିପରି ଗତ ଡିସେମ୍ବର ୧୫ ତାରିଖ ଦିନ ଫୋରମ ପକ୍ଷରୁ ଆୟୋଜିତ ପ୍ରତିଭା ଅନ୍ୱେଷଣ ଓ ପାରମ୍ପରିକ ଖାଦ୍ୟ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ଏବଂ ମହିଳା ମାନଙ୍କୁ ପୁରସ୍କୃତ ମଧ୍ୟ କରାଯାଇଥିଲା । ଯାଜପୁର ରୋଡର ଅନ୍ୟତମ ଶିକ୍ଷାନୁଷ୍ଠାନ ବ୍ଲାକ ପନ୍ଥର କୁ ବିଶେଷ ପୁରସ୍କୃତ କରାଯାଇଥିଲା । କାର୍ଯ୍ୟକ୍ରମକୁ ପୂନମ କାବ୍ରା,ସୁଚିସ୍ମିତା ସାହୁ ଓ ସବିତା ବେହେରା ପରିଚାଳନା କରିଥିଲେ । କାର୍ଯ୍ୟକ୍ରମ ସଂଚାଳନରେ ଆଶୁତୋଷ ମିଶ୍ର,ନିତ୍ୟାନନ୍ଦ ମହାଳିକ,ଅଜୟ ସାହୁ,ଗ୍ୟାନରଞ୍ଜନ ଓଝା,ଦୟାନିଧି ନାୟକ,ବାଇଧର ମାଝି,ମଳୟ ମଲ୍ଲିିକ,ପିତବାସ ଭୁୟାଁ,ଅଶୋକ ସାମନ୍ତ ସିଂହାର,ଦୀପକ ଦାସ,ସଞ୍ଜୟ ସରକାର,ଚିତରଞ୍ଜନ ବୋଇତେଇ,ସଞ୍ଜୟ ବୋଇତେଇ,ସନ୍ତୋଷ କୁମାର ସାହୁ,ଆଶିଷ ରାଉତ, ମାନସ ଆଇଚ ପ୍ରମୁଖ ସହଯୋଗ କରିଥିଲେ ।
