ବ୍ୟାସନଗର : ଯାଜପୁର ରୋଡ ସ୍ଥିତ ବ୍ୟାସନଗର ପ୍ରେସ ଫୋରମ ପରିସରରେ ଆୟୋଜିତ ଏକ ଶ୍ରଦ୍ଧାଞ୍ଜଳି ସଭାରେ ଯାଜପୁର ଜିଲ୍ଲା ଏୟାରଫୋର୍ସ ଆସୋସିଏସନ୍ ର ଅନେକ ଭେଟେରାନ ସୈନିକ, ରୋଟାରୀ କ୍ଲବ ଅଫ୍ ଯାଜପୁର ରୋଡର ରୋଟାରିଆନ ସଭ୍ୟ ଏବଂ ବ୍ୟାସନଗର ପ୍ରେସ ଫୋରମର ବହୁ ସଦସ୍ୟଙ୍କୁ ନେଇ ଆୟୋଜିତ ହୋଇଥିଲା ଏକ ଶ୍ରଦ୍ଧାଞ୍ଜଳି ସଭା। ଏଥିରେ ସହିଦ ମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ ସହ ଚାଇନା ଉତ୍ପାଦିତ ବିଭିନ୍ନ ସାମଗ୍ରୀକୁ ପୋଡା ଯାଇଥିଲା। ଚୀନ ର ଦୋମୁହାଁ ନୀତିକୁ ସମାଲୋଚନା କରାଯିବା ସହ ଆଗାମୀ ଦିନରେ ଚୀନ ରୁ ଆମଦାନୀ ହେଉଥିବା ସମସ୍ତ ଜିନିଷକୁ ବର୍ଜ୍ଜନ କରିବା ନିମନ୍ତେ ସମସ୍ତେ ଶପଥ ଗ୍ରହଣ କରିଥିଲେ। ବ୍ୟାସନଗର ପ୍ରେସ୍ ଫୋରମ୍ ତଥା ରୋଟାରୀ କ୍ଲବ୍ ଅଫ୍ ଯାଜପୁର ରୋଡ ର ସଭାପତି ଅଭୟ ପତି ଙ୍କ ଆବାହନରେ ଶ୍ରଦ୍ଧାଞ୍ଜଳି ସଭା ଆରମ୍ଭରେ ଜାତୀୟ ସଙ୍ଗୀତ ଗାନ ସହ ବୀର ଜୱାନ୍ ଙ୍କ ଅମର ଆତ୍ମାର ସଦଗତି ପାଇଁ ଦୁଇ ମିନିଟ୍ ନିରବ ପ୍ରାର୍ଥନା କରାଯାଇଥିଲା । ଏୟାର ଭେଟେରାନ ଅଶୋକ ପତି, ବିକ୍ରମଦିତ୍ୟ ପଢ଼ିଆରୀ, ପ୍ରେସ ଫୋରମର ସମ୍ପାଦକ ଉଦୟନାଥ ଖଣ୍ଡାଇ, ଆଶୁତୋଷ ମିଶ୍ର, ଜ୍ଞାନରଞ୍ଜନ ଓଝା, ପ୍ରକାଶ ରାଉତ, ଦୀପକ ଦାଶ,ସଞ୍ଜୟ ସରକାର,ମାନସ ଆଇଚ, ରୋଟାରିଆନ ଅଜୟ ସାହୁ, ଚିତ୍ତରଞ୍ଜନ ବୋଇତାଇ,ବିରେଶ୍ୱର ପତି, ଅଭିଳାଷ ବୋଇତାଇ ପ୍ରମୁଖ ଯୋଗ ଦେଇଥିଲେ।
