ଆନନ୍ଦପୁର : ଘଷିପୁରା ବ୍ଲକ୍ ଜଳସର ପାଟଣା ଗାଁ ରେ ଘଟିଛି ଏକ ଦୁଃଖଦ ଘଟଣା । ସେହି ଗାଁ ର କୈଳାଶ ଚନ୍ଦ୍ର ସାହୁଙ୍କ ପୁଅ ପଦ୍ମନାଭ ସାହୁ ଓ ତାଙ୍କ ସାନ ଝିଅ ଘରପାଖ କୁଶେଇ ନଇକୁ ଗାଧୋଇବାକୁ ଯାଇଥିଲେ । ଝିଅଟି କୁଳରେ ଗାଧୋଉଥିବା ବେଳେ ହଠାତ୍ ଗୋଡ ଖସି ଗଭୀର ଜଳରାଶିକୁ ଚାଲିଯାଇଥିଲା । ବାପା ପଦ୍ମନାଭ ଏହା ଦେଖି ନଇଁ ମଧ୍ୟକୁ ଡେଇଁପଡି ଝିଅକୁ ବଞ୍ଚାଇଥିଲେ । ହେଲେ ଭାଗ୍ଯର ବିଡମ୍ବନା କୌଣସି କାରଣ ବଶତଃ ସେ ଅଥଳ ଜଳରାଶିରେ ବୁଡିଜାଇଥିଲେ । ଗାଁ ଲୋକମାନେ ବହୁ ଖୋଜାଖୋଜି କରିବା ପରେ ମୃତଦେହ ଉଦ୍ଧାର କରି ସ୍ଥାନୀୟ ଘଷିପୁରା ମେଡିକାଲ କୁ ନେଇଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିବା ପରେ ବ୍ଯବେଚ୍ଛଦ ପାଇଁ ପଠାଇବା ସହ ଥାନାକୁ ଖବର ଦିଆଯାଇଥିଲା । ବ୍ଯବେଚ୍ଛଦ ପରେ ପାର୍ଥିବ ଶରୀରକୁ ପରିବାର ସଦସ୍ୟଙ୍କୁ ହସ୍ତାନ୍ତର କରାଯାଇଥିଲା । ଏଠାରେ ଉଲ୍ଲେଖ କରାଯାଇପାରେ କି ପଦ୍ମନାଭ ଜଣେ ଦକ୍ଷ ସନ୍ତରଣକାରୀ ଭାବେ ଗାଁ ରେ ପରିଚିତ । ପହଁରିବାରେ ଦକ୍ଷ ଥିବା ପଦ୍ମନାଭକୁ ହରାଇ ଗାଁ ରେ ଏକ ଶୋକର ବାତାବରଣ ସୃଷ୍ଟି ହୋଇଛି ।
