ବ୍ୟାସନଗର : କରୋନା ମୁକାବିଲା ପାଇଁ ସାରା ରାଜ୍ୟରେ ଚାଲିଛି ତୃତୀୟ ପର୍ଯ୍ୟାୟ ଲକଡାଉନ୍ ।ଏହି ପରିସ୍ଥିତିରେ ବିଭିନ୍ନ ବର୍ଗର ଲୋକେ ନାନା ଅସୁବିଧାର ସମ୍ମୁଖୀନ ହେଉଛନ୍ତି ।ଲକଡାଉନ୍ ହେବା ଦିନଠାରୁ ବ୍ୟାସନଗର ସହରାଞ୍ଚଳର ଜରିଗୋଟାଳି, ଭିକାରି, ଏବଂ ଶ୍ରମିକମାନେ ଦି ଓଳି ଖାଇବାକୁ ପାଉନାହାନ୍ତି ।କାରଣ ସରକାରଙ୍କ ନିର୍ଦ୍ଦେଶ ଅନୁସାରେ କୌଣସି ହୋଟେଲ୍ ଖୋଲିବାକୁ ମନା ।ଏହି କଥାକୁ ହୃଦୟଙ୍ଗମ କରି ଯାଜପୁର ରୋଡର ଭଗତସିଂ ଯୁବକ ସଙ୍ଘର ପ୍ରୟାସରେ ଲକଡାଉନ୍ ପରଠାରୁ ଦୈନିକ ସଖାଳେ,ମଧ୍ୟାହ୍ନରେ ଏବଂ ରାତିବେଳା ଯୁବକ ସଂଘର କର୍ମକର୍ତ୍ତା ମାନେ ଯାଜପୁର ରୋଡ ରେଳ ଷ୍ଟେସନ,ବସଷ୍ଟାଣ୍ଡ,ମେଡିକାଲ ଛକ ଆଦି ସ୍ଥାନରେ ଶତାଧିକ ଅସହାୟ ଲୋକଙ୍କୁ ରନ୍ଧା ଖାଦ୍ୟ ଯୋଗାଇଦେଇ ଆସୁଛନ୍ତି।ଏହି ମହତ୍ କାର୍ଯ୍ୟରେ ଯାଜପୁର ରୋଡ ରୋଟାରୀ କ୍ଲବ ଏବଂ ବିଭିନ୍ନ ବ୍ୟକ୍ତିମାନଙ୍କର ସହଯୋଗରେ ଦୈନିକ ଏହି ଖାଦ୍ୟ ଯୋଗାଣ କରାଯାଉଛି। ସବୁଆଡେ ଦୋକାନ ବଜାର ବନ୍ଦ ରହିଥିବା ବେଳେ ଏହି ଅସହାୟ ଲୋକଙ୍କୁ ଖାଦ୍ୟ ଯୋଗାଇ ଆନନ୍ଦ ଅନୁଭବ କରୁଛନ୍ତି ବୋଲି ସଂଘର ସଭାପତି ପ୍ରକାଶ କରିଛନ୍ତି। ଆଜି ରୋଟାରୀ କ୍ଲବ୍ଅଫ୍ ଯାଜପୁର ରୋଡ୍ ର ସଭାପତି ଶ୍ରୀ ଅଭୟ ପତି ନିଜେ ସାମିଲ୍ ହୋଇ ଷ୍ଟେସନରେ ଖାଦ୍ୟ ପରସିଥିଲେ ।ନିଜ ସାମ୍ବାଦିକ ଜୀବିକାର ବ୍ଯସ୍ତତା ମଧ୍ୟରୁ କିଛି ସମୟ କାଢି ନିଜକୁ ଯୁବକ ସଂଘର କର୍ମକର୍ତ୍ତାଙ୍କ ସହ ସାମିଲ କରଥିଲେ ।ଏଥି ସକାଶେ ସଂଘର କର୍ମକର୍ତ୍ତାଙ୍କ ମଧ୍ୟରେ ଏକ ଉତ୍ସାହ ପରିଲକ୍ଷିତ ହୋଇଥିଲା ।
ବ୍ୟାସନଗରରୁ ଅଜୟ ସାହୁ (ବିଗ୍ ନିଉଜ୍ ଓଡିଶା)
