ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ସ୍ୱପ୍ନକୁ ବାସ୍ତବ ରୂପ ଦେବା ପାଇଁ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ଓ 5 -T ର ସଚିବ ଭି.କାର୍ତିକେୟନ ପାଣ୍ଡିଆନ ଅଂଟା ଭିଡିଛନ୍ତି I ସବୁବେଳେ ଗଣମାଧ୍ୟମ ଠାରୁ ଦୁରେଇ ରହୁଥିବା ପାଣ୍ଡିଆନ ଏବେ ଗଣମାଧ୍ୟମ ସାମ୍ନାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଓଡିଶାକୁ ନେଇ ଲକ୍ଷ ଓ ସରକାର କରୁଥିବା ବିଭିନ୍ନ ଯୋଜନା କିଭଳି ଭାବେ ସଫଳ ହୋଇ ପାରିବ ତାହା ବଖାଣିଛନ୍ତି I ‘ମୋ ସରକାର’ ଯୋଜନା ଓ 5 -T ଉପରେ ସଚିବାଳୟର ତୃତୀୟ ମହଲରେ ବରିଷ୍ଠ ପ୍ରଶାସନିକ ଅଧିକାରୀଙ୍କୁ ବହୁ ଗୁଡିଏ ସଫଳ ଟିପ୍ସ ଦେଇଛନ୍ତି I ପାଣ୍ଡିଆନ କହିଛନ୍ତିଯେ, ମୁଖ୍ୟମନ୍ତ୍ରୀ ସବୁବେଳେ କୁହନ୍ତି ଏସରକାର ହେଉଛି ଲୋକଙ୍କ ସରକାର I ଗଣତନ୍ତ୍ରରେ ଲୋକେ ହେଉଛନ୍ତି ମାଲିକ I ତେଣୁ ଲୋକଙ୍କ ସୁବିଧା ଅସୁବିଧା ବୁଝିବା ପାଇଁ ମୁଖ୍ୟମନ୍ତ୍ରୀ ସବୁବେଳେ ଗୁରୁତ୍ୱ ଦିଅନ୍ତି I ଏଥିପାଇଁ ନବୀନ ସରକାରର ଅନ୍ୟ ନାମ ‘ଜନତାର ସରକାର’ I ତେଣୁ
ଅକ୍ଟୋବର୨ ତାରିଖରୁ ଆରମ୍ଭ ହେଉଥିବା “ମୋ ସରକାର” ଯୋଜାନା ଓ 5 -T କାର୍ଯ୍ୟକ୍ରମର ଆଭିମୁଖ୍ୟ କଣ ତାହା ଉଦାହରଣ ଦେଇ ବୁଝାଇଥିଲେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କେ ପାଣ୍ଡିଆନ I
ତେବେ କଣ କହିଥିଲେ ପାଣ୍ଡିଆନ ନଜର ପକାନ୍ତୁ….
୧. ମୋ ସରକାର ଯୋଜନାରେ ଥାନାକୁ ଆସୁଥିବା ଲୋକଙ୍କ ଫୋନ ନମ୍ବର ପ୍ରଥମେ ପଞ୍ଜିକୃତ କରାଯିବ I
୨. ମୋ ସରକାର ପୋର୍ଟାଲ ସହ ଏହାକୁ ସଂଯୋଗ କରାଯିବ I
୩.୨୪ ଘଣ୍ଟା ମଧ୍ୟରେ ଅଭିଯୋଗକାରୀଙ୍କ ପାଖକୁ ଯିବ ମେସେଯ I
୪. ପଞ୍ଜିକୃତ ନହେଲେ ଟୋଲଫ୍ରି ନମ୍ବରରେ କଲ କରିପାରିବେ ଲୋକେ I
୫. ରେଜିଷ୍ଟର ହୋଇଥିବା ସମସ୍ତ ନମ୍ବର ମଧ୍ୟରୁ ଲକି ଡ୍ରରେ ୧୦ଟି ନମ୍ବରକୁ ଫୋନ କଲ ଯିବ I
୬.ଭଲ କାମ କରୁଥିବା ଅଧିକାରୀଙ୍କୁ ପୁରସ୍କାର ଦିଆଯିବ ଓ ଖରାପ କଲେ କାର୍ଯ୍ୟାନୁଷ୍ଠାନ I
୭. ଥାନା ଓ ହସ୍ପିଟାଲ ଅଧିକାରୀମାନଙ୍କୁ ଲୋକଙ୍କ ସେବା କରିବା ପାଇଁ ନିର୍ଦ୍ଧେଶ I
୮. 5 -T କୁ ଗୁରୁତ୍ୱ ଦେବା ପାଇଁ ଦେଲେ ପରାମର୍ଶ I
ସାଧାରଣ ଲୋକମାନେ ଡାକ୍ତରଖାନା ଓ ଥାନାରେ ବହୁ ଅସୁବିଧା ଭୋଗୁଥିବାରୁ ମୁଖ୍ୟମନ୍ତ୍ରୀ ‘ମୋ ସରକାର’ କାର୍ଯ୍ୟକ୍ରମ ଆରମ୍ଭ କରିଛନ୍ତି I ଏହା କିପରି ଲୋକଙ୍କ ସହିତ ଯୋଡି ହେବ ସେ ନେଇ ଏକ ଉଦାହରଣ ଦେଇଥିଲେ କାର୍ତିକେୟନ ପାଣ୍ଡିଆନ I
ଉଦାହରଣଟି ଥିଲା ଏପରି … 5 -T ର ସଚିବ ପାଣ୍ଡିଆନ କହିଥିଲେଯେ, ଆମେ ଯେତେବେଳେ କୌଣସି ବଡ ହୋଟେଲକୁ ଖାଇବାକୁ ଯାନ୍ତି ଖାଇସାରିଲାପରେ ହୋଟେଲ ପକ୍ଷରୁ ଏକ ଫିଡବ୍ୟାକ ଫର୍ମ ଦିଆଯାଏ ସେହି ଫିଡବ୍ୟାକ ଫର୍ମରେ ହୋଟେଲର ସର୍ଭିସ କିପରିଥିଲା , ହୋଟେଲର ଖାଇବା ଆପଣଙ୍କୁ କେମିତି ଲାଗିଲା , ଖାଦ୍ୟରେ ଲୁଣ ଠିକ ଥିଲା କି ନାହିଁ ଓ ହୋଟେଲ ପାଇଁ କଣ ପରାମର୍ଶ ଦେବେ ତାହା ପୁରାଣ କରିବା ପାଇଁ ଗ୍ରାହକଙ୍କୁ ଦିଆଯାଏ I ଠିକ ସେହିପରି ସେବା ମନବୃତି ନେଇ ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ ଯେଉଁ ସେବା ଯୋଗାଉଛନ୍ତି ତାହା ଲୋକେମାନେ ଠିକ ରୂପରେ ପାଉଛନ୍ତି କି ନାହିଁ ତାହାର ଫିଡବ୍ୟାକ ନିଆଯିବ I ଭଲ କାମ କରିଥିବା ବ୍ୟକ୍ତିଙ୍କୁ ମିଳିବ ପୁରସ୍କାର ଓ ପଦୋଉର୍ନତି ଏବଂ ଖରାପ କାମ କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଖୋଲା ଖୋଲି ଭାବେ ଜଣାଇଥିଲେ ପାଣ୍ଡିଆନ I
5t ସଚିବ ହେଵା ପରେ ଭି. କେ. ପାଣ୍ଡିଆନ ବେଶ ଆଗଭର ହୋଇଛନ୍ତି l 5ମ ପାଳିରେ ନବୀନ ଓଡ଼ିଶାବାସୀଙ୍କୁ ଯେଉଁ ପ୍ରତିଶୁତି ଦେଇଛନ୍ତି ତାହା ପାଳନ କରିବା ପାଇଁ ସେ ଅଣ୍ଟା ଭିଡିଛନ୍ତି l
