ଭୁବନେଶ୍ୱର : ଜୟପୁର ବିଧାୟକ ତାରା ବାହିନୀ ହେବେ ପିସିସି ସଭାପତି । ଏ ନେଇ ଜୋରଦାର ଚର୍ଚ୍ଚା ଆରମ୍ଭ ହୋଇଛି। ଦିଲ୍ଲୀରୁ ଭୁବନେଶ୍ୱର ଯାଏଁ । ମୋକିମଙ୍କ ବଳଦରେ ତାରାଙ୍କୁ ସଭାପତି କରିବାକୁ ହାଇ କମାଣ୍ଡ ଚାଂହୁଥିବା ବିଶେଷ ସୂତ୍ରରୁ ଜଣାପଡ଼ିଛି। ତାରାଙ୍କୁ ନେଇ ଅନେକ ବିଧାୟକ ଓ ବରିଷ୍ଠ ନେତାଙ୍କ ସହମତି ଥିବା ଚର୍ଚ୍ଚା ହେଉଛି।
ଗୁଜୁରାଟରେ ପିସିସି ପରିବର୍ତ୍ତନ ହେବା ପରେ ରାଜ୍ୟ କଂଗ୍ରେସ ଶିବିର ହଲଚଲ ହୋଇଛି l ପିସିସି ସଭାପତି ପରିବର୍ତ୍ତନ ନେଇ ବିଧାୟକ ଓ ବରିଷ୍ଠ ନେତାମାନେ ଇସାରା ଦେଇଛନ୍ତି l ସୁର ପାଦେ ଆଗେଇ ଯାଇ ରେସରେ ୧୩ରୁ ଅଧିକ ନେତା ପିସିସି ସଭାପତି ଦୌଡ଼ରେ ଥିବା କହିଛନ୍ତି l ଯାହାକୁ ନେଇ ସରଗରମ ହୋଇଛି।
ଗୁଜୁରାଟରେ ସଭାପତି ମଙ୍ଗ ହାର୍ଦ୍ଧିକ ପଟେଲ ହେବା ପରେ ଓଡିଶା କଂଗ୍ରେସରେ ଉଠିଲା ନେତୃତ୍ୱ ପରିବର୍ତ୍ତନ ସ୍ୱର l ବହୁଦିନ ନୀରବତା ପରେ ଦଳର ବରିଷ୍ଠ ଓ ବିଧାୟକମାନେ ନେତୃତ୍ୱ ପରିବର୍ତନ ନେଇ ଗଣମାଧ୍ୟମରେ ମତ ରଖୁଛନ୍ତି l ବର୍ତମାନ ପରିସ୍ଥିତିକୁ ଦେଖି ହାଇକମାଣ୍ଡ ରାଜ୍ୟ କଂଗ୍ରେସ ନେତୃତ୍ୱ ଦେବାକୁ ବିଚାର ବିମର୍ଶ କରୁଥିବା ଦଳର ବରିଷ୍ଠ ନେତାମାନେ ସିଧାସିଧା କହିଛନ୍ତି l ସେପଟେ ବିଧାୟକମାନେ ତୁରନ୍ତ ବ୍ଲକ, ଜିଲ୍ଲା ଓ ରାଜ୍ୟ ଟିମ ଗଠନ କରିବାକୁ ଦାବି କରିଛନ୍ତି l ପିସିସି ସଭାପତି ପରିଵର୍ତନ କରିବା ଚର୍ଚ୍ଚା ନେଇ ମଧ୍ୟ ନେତା ଆଭାସ ଦେଇଛନ୍ତି ନିଜ ନିଜ ଢଙ୍ଗରେ l ପୂର୍ବତନ ପିସିସି ସଭାପତି ଜୟଦେବ ଜେନା କହିଛନ୍ତି ଯେ ସୋନିଆ ଗାନ୍ଧୀ ଓ ରାହୁଲ ଗାନ୍ଧି ଓଡିଶା କଂଗ୍ରେସ ନେଇ ସବୁ ଜାଣିଛନ୍ତି l ସେପଟେ ଏଆଇସିସି ସଦସ୍ୟ ଶରତ ରାଉତ ସିଧା ସଳଖ ନେତୃତ୍ୱ ପରିବର୍ତ୍ତନ ହେବା ନେଇ ଦିଲ୍ଲୀରେ ଆଲୋଚନା ଆରମ୍ଭ ହୋଇଛି ବୋଲି କହିଛନ୍ତି l
ସେପଟେ ପିସିସି ସଭାପତି ରେସରେ ଦାବିଦାରଙ୍କ ଲମ୍ବା ତାଲିକା ଗଣ ମଧ୍ୟମରେ ପ୍ରକାଶ କରିଛନ୍ତି ବରିଷ୍ଠ କଂଗ୍ରେସ ବିଧାୟକ ସୁର ରାଉତରାୟ l ସଭାପତି ହେବା ପାଇଁ ୧୩ଜଣ ଆଶାୟୀ ଥିବା ସୁର କହିଛନ୍ତି l ତେବେ ସେ ପିସିସି ସଭାପତି ରେସରେ ନାହାନ୍ତି ବୋଲି ଖୋଲାଖୋଲି କହିଛନ୍ତି l ସୁରଙ୍କ ମତରେ ଜଣେ ଯୁବ ନେତାଙ୍କୁ ପିସିସି ସଭାପତି ଦାୟିତ୍ୱ ମିଳିବା ଦରକାର l ଠିକ୍ ସେହିପରି କିଛି ଦିନ ପୂର୍ବରୁ ମଧ୍ୟ ସଭାପତି ପରିବର୍ତନ ଚର୍ଚ୍ଚା ଜୋର ଧରିଥିଲା l ନିରଞ୍ଜନ ବଦଳରେ ମହମଦ ମୋକିମ ସଭାପତି ହେବା ଚର୍ଚ୍ଚା ହେଲେ l ହେଲେ ଏବେ ଏହି ପରିବର୍ତନ ଚର୍ଚ୍ଚାରେ ମୋକିମ ନା ଉଠୁନାହିଁ l ଏବେ ପିସିସି ରେସରେ ଆଗରେ ଅଛନ୍ତି ବିଧାୟକ ତାର ବାହିନୀପାତି ଶରତ ପଟ୍ଟନାୟକ, ପ୍ରଦୀପ ମାଝୀ, ରଞ୍ଜୀବ ବିଶ୍ୱାଳଙ୍କ ପରି ନେତାଙ୍କୁ ନା ଚର୍ଚ୍ଚାକୁ ଆସିଛି ଳ ତେବେ କଂଗ୍ରେସ କୌଣସି କମିଟିକୁ ମୋହର ମାରିନଥିବା ହାଇକମାଣ୍ଡ ପିସିସି ପରିବର୍ତନ ଚର୍ଚ୍ଚାରେ କି ନିଷ୍ପତି ନେଉଛନ୍ତି ତାକୁ ଅପେକ୍ଷା l 2019 ନିର୍ବାଚନ ପରାଜୟ ପରେ ନିରଞ୍ଜନ ପଟ୍ଟନାୟକ ପୂର୍ବରୁ ପିସିସି ସଭାପତି ପଦରୁ ଇସ୍ତଫା ଦେଇଥିଲେ ମଧ୍ୟ ହାଇକମାଣ୍ଡ ତାଙ୍କ ଇସ୍ତଫାକୁ ଗ୍ରହଣ କରିନଥିଲେ l ତେବେ ଏବେ ପିସିସି ସଭାପତି ନେଇ ଜୋରଦାର ଆଲୋଚନା ପୁଣି କଂଗ୍ରେସରେ ଆରମ୍ଭ ହୋଇଛି l ତେବେ ସୋନିଆ ଓ ରାହୁଲ କି ନିଷ୍ପତି ନେଉଛନ୍ତି ତାହା ଦେଖିବାର କଥା l
