ବୃହତ ସ୍ୱୟଂ ସହାୟକ ଗୋଷ୍ଠୀ ଋଣ ମେଳା କାର୍ଯ୍ୟକ୍ରମ ।
ଭାରତୀୟ ଷ୍ଟେଟବ୍ୟାଙ୍କ, ଯାଜପୁର ରୋଡ଼ ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବୃହତ ସ୍ୱୟଂ ସହାୟକ ଗୋଷ୍ଠୀ ଋଣ ମେଳା କାର୍ଯ୍ୟକ୍ରମ ସ୍ଥାନୀୟ କ୍ରିଷ୍ଣା ଗାର୍ଡେନ୍ ଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ SBI ଭୁବନେଶ୍ୱର ମଣ୍ଡଳ ମୁଖ୍ୟ ଶ୍ରୀମତୀ ବିଦ୍ୟା କ୍ରିଷ୍ଣନ୍, ଭୁବନେଶ୍ୱର ନେଟୱର୍କ ମୁଖ୍ୟ ଶ୍ରୀ ଅଭୟ କୁମାର ପାଣ୍ଡେ, ମଣ୍ଡଳ ମୁଖ୍ୟ ଶ୍ରୀ କୁନ୍ଦନ ଜ୍ୟୋତି ଏବଂ ଯାଜପୁର ଜିଲ୍ଲାପାଳ ଶ୍ରୀ ଚକ୍ରବର୍ତ୍ତୀ ସିଂ ରାଠୋର ଯୋଗଦେଇ ଆନୁଷ୍ଠାନିକ ଭାବରେ ଉଦଘାଟନ କରିଥିଲେ । ଅତିଥି ମାନଙ୍କ ଉପସ୍ଥିତିରେ ବହୁ ହିତାଧିକାରୀମାନଙ୍କୁ ଋଣ ମଞ୍ଜୁରୀ ପତ୍ର ପ୍ରଦାନ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ଶ୍ରୀମତୀ କ୍ରିଷ୍ଣନ୍ ସ୍ୱୟଂ ସହାୟକ ଗୋଷ୍ଠୀମାନଙ୍କୁ ଅଧିକରୁ ଅଧିକ ପରିମାଣରେ ସ୍ୱାବଲମ୍ବୀ ହେବାପାଇଁ ପରାମର୍ଶ ଦେଇଥିଲେ। ଯାଜପୁର ଜିଲ୍ଲାପାଳ ଶ୍ରୀ ରାଠୋର ଜାତୀୟ ଅର୍ଥନୀତିରେ ନାରୀ ସଶକ୍ତିକରଣ ଜରୁରୀ ଏବଂ SBIର ସହଯୋଗରେ ସେମାନେ ତାଙ୍କ ଆର୍ଥିକ ସ୍ଥିତିରେ ସୁଧାର ଆଣିପାରିବେ ବୋଲି ମତବ୍ୟକ୍ତ କରିଥିଲେ। ଏହି ଅବସରରେ ଯାଜପୁର ଆଞ୍ଚଳିକ କାର୍ଯ୍ୟାଳୟ ମୁଖ୍ୟ ଶ୍ରୀ ପ୍ରବୀର ଚନ୍ଦ୍ର ସାହୁ SHGଙ୍କୁ ଡିଜିଟାଲ ମାଧ୍ୟମରେ ଦେଣନେଣ କରିବାପାଇଁ 1000 QR Code ପ୍ରଦାନ ତଥା ନୂତନ ଋଣ ପ୍ରଦାନ କରିବା କଥା ସୂଚନା ଦେଇଥିଲେ। ଏଥିରେ ଯାଜପୁର ରୋଡ଼ ଅଂଚଳର ଏକ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନକୁ Solar Panel ପ୍ରଦାନ କରାଯାଇଥିଲା। ଏହା ଶ୍ରୀମତୀ ବିଦ୍ୟ କ୍ରିଷ୍ଣନଙ୍କର ଯାଜପୁର ଜିଲ୍ଲାକୁ ପ୍ରଥମ ପରିଦର୍ଶନ ହୋଇଥିବାରୁ ଯାଜପୁର ରୋଡ଼ ଶାଖାର ଭୂମିପୂଜନ, ଜିନ୍ଦଲ କ୍ୟାମ୍ପସ ଶାଖାର ଉଦଘାଟନ କାର୍ଯ୍ୟ ସମ୍ପର୍ଣ୍ଣ କରାଯାଇଥିଲା। ଯାଜପୁର ରୋଡ଼ର ଦାନଗଦିରେ ଏକ society connect କାର୍ଯ୍ୟକ୍ରମରେ ଷ୍ଟେଟ ବ୍ୟାଙ୍କ ପକ୍ଷରୁ ଏକ ରଙ୍ଗୋଲି ଓ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏହି ସମସ୍ତ କାର୍ଯ୍ୟକ୍ରମରେ ଆଞ୍ଚଳିକ କାର୍ଯ୍ୟାଳୟ,LDM ଓ ଯାଜପୁର region ର ଶାଖା ଅଧିକାରୀମାନେ ସହଯୋଗ କରିଥିଲେ।
