ବ୍ୟାସନଗର : ସରକାର ମହିଳା ମାନଙ୍କ ବିକାଶ ପାଇଁ ବିଭିନ୍ନ ଯୋଜନା ମାନ କରୁଛନ୍ତି । ମହିଳା ମାନଙ୍କୁ ସ୍ବାବଲମ୍ବି କରିବା ପାଇଁ ପଞ୍ଚାୟତ ସ୍ତରରୁ ଆରମ୍ଭ କରି ସହରାଞ୍ଚଳର ମହିଳାଙ୍କ ଦ୍ବାରା ଆରମ୍ଭ ହୋଇଛି ସ୍ବୟଂ ସହାୟକ ଗୋଷ୍ଠୀ । ସେହିପରି ଏକ ଗୋଷ୍ଠୀ ହେଉଛି ନିଳାଦ୍ରୀ ସ୍ବୟଂ ସହାୟକ ଗୋଷ୍ଠୀ । ଏହି ଗୋଷ୍ଠୀର ମହିଳା ମାନଙ୍କ ଦ୍ଵାରା ସ୍ଥାନୀୟ ଉମାପଦାଠାରେ ଆୟୋଜନ କରାଯାଇଥିଲା ଏକ ମିନି ମାର୍କେଟ । ଯେଉଁଥାରେ ମହିଳାଙ୍କ ଦ୍ବାରା ପ୍ରସ୍ତୁତ ବିଭିନ୍ନ ଖାଦ୍ୟ ପଦାର୍ଥ ସହ ଶାଢୀ, ଡ୍ରେସ୍, ତଥା ବିଭିନ୍ନ ସାମଗ୍ରୀ ବିକ୍ରି କରାଯାଇଥିଲା । ବ୍ୟାସନଗର ଅଞ୍ଚଳରେ ବହୁ ସ୍ବୟଂ ସହାୟକ ଗୋଷ୍ଠୀ ଥିଲେ ମଧ୍ୟ, ନିଳାଦ୍ରୀ ସ୍ବୟଂ ସହାୟକ ଗୋଷ୍ଠୀର ଏପରି ଏକ ପ୍ରୟାସ ସାଧାରଣରେ ଚର୍ଚ୍ଚାର ବିଷୟ ହୋଇଛି । ଏଭଳି ଏକ ପ୍ରୟାସ ବିଷୟରେ ଗୋଷ୍ଠୀର ସଭାପତି ଶ୍ରୀମତୀ ନିଳିମା ସାହୁଙ୍କ ମତ ବଜାରରେ ମିଳୁଥିବା ଖାଦ୍ୟ ପଦାର୍ଥ ଅସ୍ବାସ୍ଥ୍ୟକର ପରିବେଶ , ହାନିକାରକ ତେଲ ଓ ଅତ୍ଯାଧିକ ମୂଲ୍ୟ ହେତୁ ବହୁ ଲୋକ ଏହାକୁ ପସନ୍ଦ କରନ୍ତି ନାହିଁ । ତେଣୁ ଜନସାଧାରଣଙ୍କୁ ସ୍ବଳ୍ପ ମୂଲ୍ୟରେ ଘରୋଇ ଖାଦ୍ୟ ଯୋଗାଇ ଦେବା ପାଇଁ ପ୍ରୟାସ । ଏହି ଅବସରରେ ଗୋଷ୍ଠୀର ସମ୍ପାଦିକା ମମତା ଥାଟୋଇଙ୍କ ସମେତ ବନସ୍ମିତା ସାମଲ,ରତ୍ନପ୍ରଭା ଓଝା, ଚମ୍ପା ଚୌହାନ୍, ଅଳକା ଚୌହାନ୍, ମନୋରମା ବେହୁରା, ମନୋରମା ମିଶ୍ର, ଦୀପ୍ତିରେଖା ଦାଶ ଓ ମମତା ସାହୁ ନିଜ ନିଜର ସାମଗ୍ରୀ ବିକ୍ରି କରିଥିଲେ । ଏହି ମିନି ମାର୍କେଟ ରେ ସ୍ଥାନୀୟ ଅଞ୍ଚଳବାସୀଙ୍କ ଭିଡ ଦେଖିବାକୁ ମିଳିଛି । ଆଗାମୀ ଦିନରେ ଏହାକୁ ବ୍ୟାପକ କରିବାକୁ ଲକ୍ଷ୍ୟ ରଖାଯାଇଛି ବୋଲି ସଂପୃକ୍ତ ସମ୍ପାଦିକା କହିଛନ୍ତି ।
