ଭୁବନେଶ୍ୱର : ବେରୋଜଗାରିକୁ ନେଇ ସରକାରଙ୍କୁ ବିରୋଧରେ ସ୍ୱର ଶାଣିତ କରିବ ରାଜ୍ୟରେ ଯୁବ କଂଗ୍ରେସ। ସୋସିଆଲ ମିଡିଆରେ ଗ୍ରାମାଞ୍ଚଳ ବ୍ଲକ ସ୍ତରରୁ ଯୁବକମାନେ ବେକାରୀ ସମସ୍ୟାକୁ ନେଇ ନିଜର ବକ୍ତବ୍ୟ ରଖିବେ ସୋସିଆଲ ମିଡିଆରେ। #VoiceOfOdisha ମାଧ୍ୟମରେ ଯୁବ ବକ୍ତାମାନେ ବଡୁଥିବା ବେରୋଜଗାରିକୁ ନେଇ ନିଜର ବକ୍ତବ୍ୟ ପୋଷ୍ଟ କରିବେ। ଭଲ ବକ୍ତାଙ୍କୁ ଯୁବ କଂଗ୍ରେସର ମୁଖପାତ୍ର ହେବାକୁ ସୁଯୋଗ ମିଳିବ। ଆଜି କଂଗ୍ରେସ ଭବନରେ ଏକ ସାମ୍ବାଦିକ ସମିଳନୀରେ ଏହି କ୍ୟାମ୍ପେନର ଶୁଭାରମ୍ଭ କରିଛନ୍ତି ଜାତୀୟ ଯୁବ କଂଗ୍ରେସର ସଚିବ ରିଆଜ ଅହମ୍ମଦ। ଦେଶରେ ଓ ରାଜ୍ୟରେ ବଢୁଥିବା ବେକାରୀକୁ ନେଇ ସରକାରଙ୍କ ବିରୋଧରେ ସ୍ୱର ଶାଣିତ କରିବା ପାଇଁ ଯୁବକ ମାନଙ୍କୁ ଆଗକୁ ଆଣିବା ଓ ଯୁବକ ମାନଙ୍କୁ ସଂଗଠିତ କରିବାର ଏହା ଏକ ପ୍ରୟାସ ବୋଲି କହିଛନ୍ତି ଯୁବ କଂଗ୍ରେସ ସଭାପତି ସ୍ମୃତି ରଞ୍ଜନ ଲେଙ୍କା। ବେରୋଜଗାରୀ କୁ ନେଇ ରାହୁଲ ଗାନ୍ଧିଙ୍କ ତରଫରୁ #SpeakUpForJob କ୍ୟାମ୍ପେନ ଚାଲିଥିବା ବେଳେ ରାଜ୍ୟରେ ଯୁବ କଂଗ୍ରେସ ପକ୍ଷରୁ #VoiceOfOdisha କୁ ନେଇ କ୍ୟାମ୍ପେନ ଆରମ୍ଭ କରିଛନ୍ତି l
