() ସ୍ୱାତିି ଶୋଇଛି । ନିଘୋଡ଼ ନିଦରେ । ନିଦରେ ତାର ସ୍ୱପ୍ନ ଆସିଛି । ଘର, ଗାଁ, ସାଙ୍ଗ ସାଥି ଏକଥା ସେ ସ୍ୱପ୍ନରେ ଦେଖୁଛୁ । ଏହି କରୋନା ସମୟରେ ଯେମିତି ତା ଆଖିକୁ ଆସିଛି କଳା ସ୍ୱପ୍ନ । ପ୍ରତ୍ୟେକ ଦିନ କରୋନା ସହ ଲଢୁଥିବା ସ୍ୱାତି ମନରେ କିନ୍ତୁ ହଠାତ ସ୍ୱପ୍ନରେ ଭୟ ସୃଷ୍ଟି ହୋଇଛି । ଆଉ ସେ ଭୟ ତା ସ୍ୱପ୍ନ ଭାବନାକୁ ଦୁଇଗୁଣିତ କରିଛି । କାହିକିଁ ସେ ଦେଖିଲା ଏମିତି ସ୍ୱପ୍ନ । ସତରେ କଣ ଯାହା ଘଟିଛୁ ତା ଗାଁରେ ତାହା ସେ ସ୍ୱପ୍ନରେ ଦେଖୁଛି । ନାଁ ତାହାର ସ୍ୱପ୍ନଟା ସେମିତି ସ୍ୱପ୍ନ ।
ସ୍ୱାତି ଶତପଥିୀ । ଏକ ଘରୋଇ ଡ଼ାକ୍ତରଖାନାରେ ସେବିକା ଭାବେ କାମ କରୁଛି । ଏହି କରୋନା ସମୟରେ ସେ ହେଉଛି ପୁରା ସମ୍ମୁଖଯୋଦ୍ଧା । ତାର ନିଷ୍ଠା, ପରିଶ୍ରମ ଯୋଗୁଁ ପ୍ରତ୍ୟେକ ଦିନ ସେ ମହାମାରୀ ଯୁଦ୍ଧରେ ବିଜୟ ହୋଇ ବହୁ ଲୋକଙ୍କୁ ନୂଆ ଜୀବନ ଦେଉଛି । ସାରା ବିଶ୍ୱ ଯେଉଁ ଅଦୃଶ୍ୟ ଭୂତାଣୁକୁ ଡ଼ରୁଛି , ସ୍ୱାତି କିନ୍ତୁ ତାହାକୁ ଭୟ କରୁନାହିଁ । ତା ସହ ପ୍ରତି ମିନିଟ ଲଢୁଛି ଓ ନିଜର କର୍ତ୍ତବ୍ୟ ସମ୍ପାଦନ କରେ । ଆରେ ଛାଡ଼ନ୍ତୁ ସେ କଥା , ଚାଲନ୍ତୁ ସ୍ୱାତି କଣ ସ୍ୱପ୍ନ ଦେଖିଲା ଜାଣିବା ଟିକେ । ବେଳେବେଳେ ମଣିଷ ଯାହା ଦେଖେ ଯାହା ଭାବେ ତାହା ସ୍ୱପ୍ନରେ ଆସେ । ୨ବର୍ଷ ହେବ ସ୍ୱାତି କରୋନା ରୋଗର ଭୟାଭୟ ଓ ଆକ୍ରାନ୍ତ ହେଉଥିବା ରୋଗୀଙ୍କୁ ଦେଖିୁଛି ଓ ଜାଣୁଛି । କେତେବେଳେ ଖୁସି ହେଉଛି ତ ଆଉ କେତେବେଳେ ଦୁଃଖୀ । କାରଣ ତା ସେବାରେ ଯଦି କିଏ ନୂଆ ଜୀବନ ପାଉଛି ସେ ଖୁସି ..ଅନେକଙ୍କ ତ ମୃତ୍ୟୁ ହେଲାଣି ।ଆଉ ସେହି କଥା ଭାବି ବେଳେ ବେଳେ ସେ ଭାଙ୍ଗି ମଧ୍ୟ ପଡେ । ସହର ଛାଡ଼ି କରୋନା ସଂକ୍ରମଣ ଗାଁ ମୁହାଁ ହୋଇଛି । ଏକଥା ସ୍ୱାତି ଜାଣିବା ପରେ ଚିନ୍ତାରେ ପଡ଼ିଗଲା । ସେଦିନ ସ୍ୱପ୍ନରେ ଦେଖୁଛି , କରୋନା ସଂକ୍ରମଣ ବ୍ୟାପିବା ପରେ କିପରି ଅଛି ତା ଗାଁ , କେମିତି ଅଛନ୍ତି ତା ବାପା,ମାଆ,ଭାଇ, ଉଉଣୀ । ସେ ଚିନ୍ତା ତାକୁ ଘାରିଛି । ନିଜର ପରିବାର ଓ ଗାଁ କଥା ସେ ଜାଣିଛି ଓ ସ୍ୱାସ୍ଥ୍ୟ ଭିତ୍ତିଭୂମି ବି । ଏହାରି ଭିତରେ ତା ପ୍ରେମିକ ବାପି କଥା ବି ସେ ସ୍ୱପ୍ନରେ ଦେଖିଛି । ବାପି ଗାଁର ବଡ଼ ହୋଲସେଲ ବ୍ୟବସାୟୀ । ସ୍ୱାତି ମନର ପ୍ରିୟ ମଣିଷ । ସ୍ୱାତି ସିନା ନର୍ସଭାବେ ସହରରେ କାମ କରୁଛି , ହେଲେ ତା ମନ ଅଛି ଗାଁର ବାପି ପାଖରେ । ବାପିକୁ ଭଲଭାବେ ଜାଣେ ସ୍ୱାତି । ସେ ଭାରିି ବେଫିକର । କୌଣସି କଥାକୁ ଗୁରୁତ୍ୱର ସହ ନିଏ ନି । ସବୁ କଥାକୁ ହଲକା ଭାବେ ନିଏ । କରୋନା ରୋଗ ସମ୍ପର୍କରେ ସ୍ୱାତି ଯେତେବେଳେ ବାପିକୁ କହେ ଓ ତାର ଭୟାଭୟତା ବୁଝାଏ ବାପି କିନ୍ତୁ ଶୁଣେ ନାହିଁ । ହସରେ ଉଡ଼ାଇ ଦିଏ । କହେ ସେଟା ବଡ଼ବଡ଼ିଆ ଓ ସହରୀ ରୋଗ । ଆମେ ଗାଁ ଟୋକା ଆମର କିଛି ହେବ ନାହିଁ । ବେଳେବେଳେ କହେ ସ୍ୱାତି ଆମେ ଯେମିତି ପରିଶ୍ରମ କରୁଛି ସେ ଥଣ୍ଡା, ଜ୍ୱର ଓ କାଶ ରୋଗ ଆମକୁ କିଛି କରିବ ନାହିଁ । ଏମିତି କେତେ କଣ ସେ ଗପିଚାଲେ ସ୍ୱାତିକୁ ଫୋନରେ । ହଁ ଶେଷରେ କହେ ତୁ ଦେଖିକି ଥିବୁ । କଣ ଦରକାର ଆମର ସେ ଚାକିର କରିବା , ବାପା କହୁଥିଲେ ଏ ସିଜିନରେ ଆମ ବାହାଘର କରିବା ପାଇଁ । ଏମିତି ସ୍ୱପ୍ୱରେ କେତେକଣ ଦେଖିଚାଲିଥାଏ ସ୍ୱାତି । ହଠାତ ସ୍ୱପ୍ନ ଭାଙ୍ଗିଲା ବେଳକୁ ସକାଳ ୭ଟା । କାହିକିଁ କେଜାଣେ ସେ ହଠାତ ନ୍ୟୁଜ ଚ୍ୟାନେଲ ଲଗାଇଦେଲା … ଆଉ ତାପରେ ପୁଣି ଘୋର ନିଦରେ ଶୋଇପଡ଼ିଲା । କାରଣ ତାର ସେଦିନ ରାତି ଡ଼୍ୟୁଟି ଥାଏ । ….
