ଭୁବନେଶ୍ୱର : ଆସୁଛି ବାତ୍ୟା ‘ୟାସ’ l ଏହାର ମୁକବଲା ପାଇଁ ସରକାରୀ ସ୍ତରରେ ବ୍ୟାପକ ପ୍ରସ୍ତୁତ କରାଯାଇଛି l ପ୍ରଭାବିତ ହେବାକୁ ଥିବା ମୟୂରଭଞ୍ଜ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଶେଷ ପର୍ଯ୍ୟାୟରେ। ଜିଲ୍ଲାପାଳ ବିନୀତ ଭରଦ୍ୱାଜ ନିଜେ ବାତ୍ୟା ଆଶ୍ରୟସ୍ଥଳୀ ଗସ୍ତ କରି ସ୍ଥିତି ଅନୁଧ୍ୟାନ କରିଛନ୍ତି। ଜିଲ୍ଲାରେ ଦଶଟି ବାତ୍ୟା ଆଶ୍ରୟସ୍ଥଳୀ ରହିଥିବା ବେଳେ ୪୧୪ଟି ଅସ୍ଥାୟୀ ବାତ୍ୟା ଆଶ୍ରୟସ୍ଥଳୀକୁ ପ୍ରସ୍ତୁତ ରଖାଯାଇଛି। ଜିଲ୍ଲାରେ ଦୁଇଟି ଓଡ୍ରାଫ ଟିମ ସହିତ ଗୋଟିଏ ଏନଡିଆରଏଫ ଟିମ ବାତ୍ୟାର ମୁକାବିଲା ପାଇଁ ପ୍ରସ୍ତୁତ ରହିଛିନ୍ତି। ଜିଲ୍ଲାର ସମସ୍ତ ଉଚ୍ଚପଦସ୍ଥ ଅଧିକାରୀ ମାନଙ୍କ ସହିତ ବ୍ଲକ ସ୍ତରୀୟ ଅଧିକାରୀ ମାନଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି। କୋଭିଡ ନିୟମ ପାଳନ କରି ବାତ୍ୟା ପ୍ରଭାବିତ ଲୋକ ମାନଙ୍କୁ ସ୍ଥାନାନ୍ତରିତ କରିବା ସହ ଆଣ୍ଟିଜେନ ଟେଷ୍ଟ ବାଧ୍ୟତାମୂଳକ କରାଯାଇଛି। ଜିଲ୍ଲାର ସମସ୍ତ ଉପଖଣ୍ଡ ଓ ଗ୍ରାମାଞ୍ଚଳରେ ଜେନେରେଟର ର ବ୍ୟବସ୍ଥା କରାଯାଇଛି। ପ୍ରଭାବିତ ମାନଙ୍କ ପାଇଁ ଶୁଖିଲା ଓ ରନ୍ଧା ଖାଦ୍ୟର ବ୍ୟବସ୍ଥା କରାଯାଇଛି l
ତେବେ ବାତ୍ୟା ପୂର୍ବରୁ ଓ ପରେ ଯେପରି କୌଣସି ସାଧାରଣ ଲୋକ ହଇରାଣ ନହୁଅନ୍ତି ତାହା ଉପରେ ଗୁତୁତ୍ୱ୍ ଦେବା ପାଇଁ ଦଳୀୟ ନେତା ଓ କର୍ମୀଙ୍କୁ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ(ବବି ) ପରାମର୍ଶ ଦେଇଛନ୍ତି l ଏହାସହ ତୁରନ୍ତ ଲୋକଙ୍କୁ କିପରି ବାତ୍ୟା ପୂର୍ବରୁ ସୁରକ୍ଷିତ ସ୍ଥାନକୁ ନିଆଯିବ ସେ ବ୍ୟବସ୍ଥା ଜିଲ୍ଲା ପ୍ରଶାସନ ସହ ଯୋଗାଯୋଗ କରି କରିବାକୁ ନିର୍ଦେଶ ଦେଇଛନ୍ତି l ଏହା କୋଭିଡ ସମୟରେ ବାତ୍ୟା ମୁକାବିଲାକୁ ସତର୍କର ସହ କରିବାକୁ ପରାମର୍ଶ ଦେଇଛନ୍ତି l ମୟୁରଭଞ୍ଜ ଜିଲ୍ଲାବାସୀ ଯେପରି କୌଣସି ବାତ୍ୟା ପୂର୍ବରୁ ଓ ପରେ ସମ୍ମୁଖୀନ ନହେବେ ତା ଉପରେ ବିଶେଷ ଧ୍ୟାନ ଦେବାକୁ ପ୍ରଣବ ଦଳୀୟ ବିଧାୟକ ଓ ନେତାଂକୁ କହିଛନ୍ତି l ଏନେଇ ମୟୂରଭଞ୍ଜ ବିଜେଡି ନେତାଙ୍କ ସହ VC ଜରିଆରେ ଆଲୋଚନା କରିଛନ୍ତି l ମୟୁରଭଞ୍ଜ ଜିଲ୍ଲା ବିଜେଡି ପର୍ଯ୍ୟବେକ୍ଷକ ଅଛନ୍ତି ବବି l ସବୁବେଳେ ଜିଲ୍ଲାବାସୀଙ୍କ ଦୁଃଖ ସୁଖ ସାଥି ହୋଇ ସେ ଛିଡା ହୋଇଛନ୍ତି l
