ଦେବଗଡ଼ — ଦେବଗଡ଼ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରକୁ ଆଜି ବ୍ରଜରାଜନଗର ବାସୁ ଫାଉଣ୍ଡେସନ ଓ ଓୟୁଜେ ଦେବଗଡ ଜିଲ୍ଲା ସାମ୍ବାଦିକ ୟୁନିୟନ ର ମିଳିତ ସହାୟତା ରେ ଏକ ଅକ୍ସିଜେନ କନସେଷ୍ଟ୍ରେଟର ,ଥାର୍ମଲ ସ୍କେନିଂ ଓ ଅକ୍ସୀମିଟର ପ୍ରଦାନ କରାଯାଇଅଛି ।,ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡାକ୍ତର ମନୋଜ କୁମାର ଉପାଧ୍ୟାୟ ଙ୍କୁ ଏହି ଅକ୍ସିଜେନ କନସେଷ୍ଟ୍ରେଟର ପ୍ରଦାନ କରାଯାଇଥିଲା । ଓଡିଶା ସାମ୍ବାଦିକ ୟୁନିୟନ ର ରାଜ୍ୟ ସାଧାରଣ ସଂପାଦକ ଅଶୋକ କୁମାର ନନ୍ଦ ଉପସ୍ଥିତ ରହି କରୋନା ମହାମାରୀ ସମୟରେ ବାସୁ ଫାଉଣ୍ଡେସନ ସହାୟତାର ହାତ ବଢାଇଥିବାରୁ ବାସୁ ଫାଉଣ୍ଡେସନକୁ ଧନ୍ୟବାଦ ଅର୍ପଣ କରିଥିଲେ ।ସେହିପରି ସାମ୍ବାଦିକ ସଦ୍ଧେଶ୍ୱର ଗୁରୁ ସ୍ୱାଗତ ଭାଷଣ ଦେବା ସହ ଉକ୍ତ କଂସେଣ୍ଟରେଟର କୁ ବାରକୋଟ ଏବଂ ଅନ୍ୟାନ୍ୟ ସାମଗ୍ରୀ ଆବଶ୍ୟକତା ସ୍ଥାନରେ ଉପଯୋଗ ପାଇଁ ଚିକିତ୍ସା ଅଧିକାରୀଙ୍କୁ ଅନୁରୋଧ କରିଥିଲେ ଏବଂ ସାମ୍ବାଦିକ ବ୍ରିଜେଶ ରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ୟରେ ସାମ୍ବାଦିକ ସିଧାର୍ଥ ଗୁରୁ, ସତ୍ୟନାରାୟଣ ମିଶ୍ର, ନିରଞ୍ଜନ ନନ୍ଦ, ପ୍ରତାପ ନାୟକ, ଗଣ ନାଥ ମହାପାତ୍ର, ଶକ୍ତି ସୌରଭ ନନ୍ଦ, ସଞ୍ଜିବ କୁମାର ପାଣିଗ୍ରାହୀ ପ୍ରମୂଖ ଉପସ୍ଥିତ ଥିଲେ ।ଏଠାରେ ସୂଚନାଯୋଗ୍ୟ ଯେ, ଓୟୁଜେ ର ପୂର୍ବତନ ଉପସଭାପତି ସ୍ବର୍ଗତ ବାସୁଦେବ ପଣ୍ଡା ଙ୍କ ନାମରେ ଗଠିତ ବାସୁ ଫାଉଣ୍ଡେସନ ର ମୁଖ୍ୟ ତଥା ତାଙ୍କର ପୁଅ ପ୍ରତ୍ୟୁଷ ପଣ୍ଡା ଏହା ଯୋଗାଇ ଦେଇଛନ୍ତି । ଏହା ପୂର୍ବରୁ ଓୟୁଜେ ଦେବଗଡ଼ ଶାଖା ପକ୍ଷରୁ ଛତାବର ସ୍ୱାସ୍ଥ୍ୟ କେନ୍ଦ୍ର କୁ ଏକ ଅକ୍ସିଜେନ କଂସେଣ୍ଟରେଟର ପ୍ରଦାନ କରାଯାଇଥିଲା ।
