() ସମୟ ବଡ଼ ବଳବାନ । ଆଜିର ବ୍ୟସ୍ତ ବହୁଳ ଜୀବନ ଭିତରେ କାହା ପାଖରେ ବି ଟିକେ ସମୟ ନାହିଁ । ପରିବାର ସହ ସମୟ କାଟିବା ତ ଦୂରର କଥା ନିଜ ପାଇଁ ବି ସମୟ ନାହିଁ । ସମୟ ଚକ୍ରରେ ଦୁନିଆ ପରିବର୍ତ୍ତନ ହେଉଛି , ଚେହେରାର ବି ପରିବର୍ତ୍ତନ ହେଉଛି । ଯାହା କେବେ ଭାବିନଥିବ ତାହାର ବି ପରିର୍ତ୍ତନ ଘଟୁଛି । ହେଲେ ପ୍ରକୃତି ପରି କିନ୍ତୁ ମନର ସେତେଟା ପରିବର୍ତ୍ତନ ଘଟୁନାହିଁ । ମନ ଆଜି ବି ଚାହୁଛି ସେ ସମୟ ମୋର ଫେରିଆସନ୍ତାକି , ପୁଣି ସେହି ସମୟର ସ୍କୃତି ଆଜି ତାଜା ହୋଇଯାଆନ୍ତା । ଏମିତି କେତେକଣ ଭାବିଭାବି ସେଦିନ ଅଧରାତି ପର୍ଯ୍ୟନ୍ତ ରଙ୍ଗାର ଆଖିକୁ ନିଦ ଆସୁନାହିଁ । ସେ ଭାବି ଚାଲିଥାଏ ମନେମନେ । ମୁଁ ଓ ଜଗା କଣ କେବେ ପରସ୍ପର ପାଇଁ ଗୋଟିଏ ସହରରେ ଓ ଗୋଟିଏ ଅଫିସରେ ରହି ମଧ୍ୟ ଦୁଇଜଣ ନିଜ ପାଇଁ ଟିକେ ସମୟ କାଢିପାରିବୁନି । କଣ ସମୟ ବଦଳିଛି ନାଁ ଆମେ ଦୁହେଁ ବଦଳିଯାଇଛୁ । ଏକଥା ଯେ ସେଦିନ ରାତିରେ ଏକା ରଙ୍ଗା ଏକଥା ଭାବୁଥାଏ ତାହା ନୁହେଁ, ଜଗା ମଧ୍ୟ ଭାବୁଥାଏ । ଯେମିତି ସେ ରାତି ଏ ସମୟ ଭଭୟଙ୍କୁ ସର୍ମ୍ପକ କଥା ଭାବିବା ପାଇଁ ଏକ ସଂଯୋଗ କରିଥିଲା ।
ପିଲାଦିନରୁ ରଙ୍ଗା ଓ ଜଗା , ଗୋଟିଏ ସ୍କୁଲରେ ପଡ଼ିଛନ୍ତି , ଗୋଟିଏ ଗାଁରେ ଦାଣ୍ଡରେ ଖେଳିଛନ୍ତି । ପ୍ରଥମରୁ କଲେଜ ପାଠ ଶେଷ ଯାଏ ଉଭୟ ଗୋଟିଏ ସ୍ଥାନରେ ପଢି଼ିଛନ୍ତି । ଶେଷରେ ସମୟର ସଂଯୋଗ ଏମିତି ଗୋଟିଏ ଜାଗାରେ ଚାକିରୀ ବି କରିଛନ୍ତି । ରଙ୍ଗା ସବୁବେଳେ ମଜାରେ ଜଗାକୁ କହେ ଭାଇ ଆମେ ଗୋଟେ ଘରେ ବାହାହେବା ଦୁଇ ଉଉଣୀକୁ । ଏମିତି ଜୀବନର ପ୍ରତ୍ୟେକ ମୁହୁର୍ତ୍ତି ପରସ୍ପର କାଟିଛନ୍ତି । ଏହାରି ଭିତରେ ରଙ୍ଗାର ବିବାହ ହୋଇଯାଇଛି । ରଙ୍ଗା ଓ ଜଗାର ଅଫିସ ବି ଅଲଗା ହୋଇଯାଇଛି । ହେଲେ ପରସ୍ପର ପ୍ରତି ଭଲ ପାଇବା କିନ୍ତୁ କମିନାହିଁ । ଉଭୟ ସବୁବେଳେ ଉଭୟଙ୍କ ପାଇଁ ସମୟ ବାହାର କରି କଥା ହେବା ପାଇଁ ଚାହୁଥିବା ବେଳେ ବ୍ୟସ୍ତ ଜୀବନ ଶୈଳୀଭିତରେ ତାହା କିନ୍ତୁ ସମ୍ଭବ ହୋଇପାରିନାହିଁ । ବେଳେବେଳେ ଫୋନ ଓ ୱାଟସପ୍ରେ କଥା ହୋଇ ଉଭୟ ଖୁସ୍ । ହେଲେ ପିଲାଦିନ ପରି ବା କଲେଜ ସମୟ ପରି ଆଉ ପରସ୍ପର ଭିତରେ ଘଣ୍ଟାଘଣ୍ଟା ସୁଖ ଓ ଦୁଃଖର ଆଲୋଚନା ହୋଇପାରୁନାହିଁ । ସବୁବେଳେ ଉଭୟ ଫୋନରେ କହନ୍ତି ଭାଇ ଅଫିସ ଛୁଟିଦିନ ଦେଖା ହେବା ଓ କଥା ହେବା । ହେଲେ କେଜାଣେ କାହିକିଁ ଛୁଟିଦିନରେ ବି ଉଭୟ ବ୍ୟସ୍ତ ରହିଯାଆନ୍ତି । ରାତିରେ ପୁଣି ପରସ୍ପର ପରସ୍ପରକୁ କହିନ୍ତି ଭାଇ ଭୂଲ ହୋଇଗଲା , ଆର ସପ୍ତାହ ନିଶ୍ଚିତ ଦେଖାହେବ ।
ଏମିତି କିଛି ଦିନ ପରେ ହଠାତ ରଙ୍ଗାର ଦେହ ଖରାପ ହୋଇଯାଇଛି । ଜଗା ଏକଥା ଶୁଣି ବ୍ୟସ୍ତ ହୋଇ ହସ୍ପିଟାଲକୁ ଧାଇଲା । ସିଧାଯାଇ ହସ୍ପିଟାଲ ସାଙ୍ଗ ବେଡ଼ ବସିପଡ଼ିଲା । କିଛି ସମୟ ନିରବତା ପରେ ସାଙ୍ଗର ହାତକୁ ଗୋଟେ ହାତରେ ଜାବୁଡ଼ି ଧରି ପଚାରିଲା କେମିତି ଅଛୁ । ସେପଟେ ରଙ୍ଗା ହାଲକା ପଲକ ଉଠାଇ ସ୍ମିତହାସ୍ୟ ଦେଇ କହିଲା ଭଲ ଅଛି । ତାପରେ ଉଭୟ ପୁରୁଣା କଥାକୁ ଆଲୋଚନା କରି ଚାଲିଲେ , ଏହାରି ଭିତରେ ରଙ୍ଗା କହୁଛି ଗୋଟିଏ ସହର ଭିତରେ ରହି ଆମେ ପରସ୍ପର ପାଇଁ ସମୟ ବାହାର କରିପାରିଲେନି । ଏଥିଲାଗି କାହାକୁ ଦୋଷ ଦେବା ଏମିତି କେତେକଣ କଥା ହେଉହେଉ ହଠାତ ରଙ୍ଗା ଅସୁସ୍ଥ ହୋଇ ଶୋଇପଡ଼ିଲା ଯେ ଆଉ ଉଠିଲା ନାହିଁ ।
ସେଦିନ ହୁଏତ ସମୟ ଥିଲା , ମନ ବି ଥିଲା , ହେଲେ ଜଗା ପାଇଁ ରଙ୍ଗା ନଥିଲା ।
