ନବୀନଙ୍କ ନେତୃତ୍ୱରେ ଗଢାଯିବ ନୂଆ ଓଡ଼ିଶା ; ପ୍ରଣବ କହିଲେ -ଶୋଷଣ, ଭାଷଣ ନୁହେଁ, ଏବେ ବିକାଶ ହିଁ ବିକାଶ ..,
ସୁନ୍ଦରଗଡ ହେଲା ସବୁଜମୟ…
ସଂଗଠନକୁ ଅଧିକ ଶକ୍ତିଶାଳୀ କରିଛନ୍ତି ପ୍ରଣବ
କର୍ମୀ ଓ ନେତାଙ୍କୁ ଦେଉଛନ୍ତି ନବୀନଙ୍କ ମନ୍ତ୍ର
() ପ୍ରାକୃତିକ ବିପର୍ଯ୍ୟୟ ମୁକାବିଲାର ସଫଳତା, ହକିକୁ ସାରା ବିଶ୍ୱରେ ନୂଆ ପରିଚୟ ଦେଇଛି ଓଡ଼ିଶା । ପୁଣି ମହାମାରୀ କରୋନାର ସଫଳ ମୁକାବିଲା । ନବୀନଙ୍କ ନେତୃତ୍ୱକୁ ରାଜ୍ୟ କି ଦେଶ ନୁହେଁ ପୁରାବିଶ୍ୱ ମାନିଛି । ସବୁ କ୍ଷେତ୍ରରେ ଆଗେଇ ଚାଲିଛି ଓଡ଼ିଶା । ଏବେ ସମୟ ନୂଆ ଓଡ଼ିଶା ଗଢିବା । ରାଜଧାନୀରେ ନୁହେଁ, ଗାଁରେ ଚାଲିବ ସରକାର । ଅନ୍ୟଦଳ ପରି ଭୋଟର ମୂଲ୍ୟକୁ ଜୁମଲା କରିବା ପାଇଁ ନୁହେଁ, ବଂର ପ୍ରତ୍ୟେକ ଭୋଟର ମୂଲ୍ୟବୋଧକୁ ବୁଝି ମୁଖ୍ୟମନ୍ତ୍ରୀ ପରି କାମରେ ପରିଣତ କରିବା । ସବୁବେଳେ ଲୋକଙ୍କ ସହ ରହିବା ସୁଖ ଦୁଃଖର ସାଥି ହୋଇ ନୂଆ ଓଡ଼ିଶା ଗଠନରେ ଜଣେ ଜଣେ ବିନ୍ଧାଣୀ ହେବା । ମୁଖ୍ୟମନ୍ତ୍ରୀ ନେତୃତ୍ୱ ନେବାର ପ୍ରଥମ ଦିନରେ ନିର୍ବାଚନୀ ଇସ୍ତାହାରକୁ କାର୍ଯ୍ୟକାରୀ କରି ଲୋକଙ୍କ ଭୋଟର ଋଣ ସୁଝନ୍ତି l ଠିକ ସେହିପରି ଆପଣମାନେ ଏବେ ମୁଖ୍ୟମନ୍ତ୍ରୀ ନୂଆ ଓଡ଼ିଶା ଗଠନର କାର୍ଯ୍ୟକୁ ପ୍ରଥମ ଦିନରୁ କାମରେ ପରିଣତ କରି ଦେଖାନ୍ତୁ ।
ସୁନ୍ଦରଗଡ଼ର କୋଇଡ଼ାରେ ବିଜେଡ଼ିର ମହାମିଶ୍ରଣ ପର୍ବରେ ଯୋଗଦେଇ ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି) ଉପସ୍ଥିତ ନେତାକୁ ନିଜର ଅଭିଭାଷଣରେ ଏପରି ସଂକଳ୍ପ କରାଇଥିଲେ । ଦୁଇ ଜାତୀୟ ଦଳକୁ ଟାର୍ଗେଟ କରି ପ୍ରଣବ କହିଥିଲେ ଯେ ୫୦ ବର୍ଷ ଧରି ଦେଶରେ ଶୋଷଣର ସରକାର ଚାଲିଥିଲା, ନିର୍ବାଚନ ଜିତିବା ପରେ କେବଳ ନେତାଏ ଶୋଷଣରେ ମାତିଥିଲେ । ଏବେ ୭ବର୍ଷ ଧରି ଦେଶରେ ଚାଲିଛି ଭାଷଣର ସରକାର । ମିଥ୍ୟା ପ୍ରଚାର କରାଯାଉଛି । ଲୋକଙ୍କୁ ନିର୍ବାଚନ ସମୟରେ ଭାଷଣରେ ସ୍ୱପ୍ନର ପାହାଡ଼ ଛିଡ଼ା କରାଯାଉଛି । ୨୦୧୯ରେ ବି ରାଜ୍ୟରେ ଅନେକ କେନ୍ଦ୍ରୀୟ ନେତା ଏହି ସ୍ୱପ୍ନ ଦେଖାଇ ଆପଣର ମୂଲ୍ୟବାନ ଭୋଟ ନେଲେ । ଦିଲ୍ଲୀ ଗାଦିରେ ବସିଲା ପରେ ସେ ସବୁ ଜୁମଲାରେ ପରିଣତ ହେଲା । ମିଥ୍ୟା କଥାରେ ଆପଣମାନେ ଯାହାକୁ ଦିଲ୍ଲୀ ପଠାଇଲେ ସେମାନେ ଚାଷୀଙ୍କ କଥା ତ କହିଲେନି, ବଂର ଆପଣଙ୍କର ଘର ପାଇବା ବାଟ ବନ୍ଦ କରିଦେଲେ । ହେଲେ ନବୀନ ସରକାର ହେଉଛି କଥା କମ , କାମ ଅଧିକ କରିବାର ସରକାର । ଯାହା କହନ୍ତି ତାହା କରନ୍ତି । ଭୋଟର ମୂଲ୍ୟ ବୁଝନ୍ତି, ତେଣୁ ସବୁବେଳେ ମୋ ସରକାର କଥା କହନ୍ତି । ନବୀନ ସରକାର ହେଉଛି ଲୋକଙ୍କ ସରକାର । ସବୁବେଳେ ମୁଖ୍ୟମନ୍ତ୍ରୀ ଆମକୁ କହନ୍ତି ରାଜଧାନୀ ନୁହେଁ, ଗାଁକୁ ଯାଇ ରୁହ । ଗାଁ କଥାରେ ସରକାର ଚାଲିବ । ଯେଉଁମାନେ ଆପଣମାନଙ୍କୁ ଠକିଛନ୍ତି , ଆପଣଙ୍କ ଭୋଟର ମୂଲ୍ୟବୋଧକୁ ବୁଝିନାହାନ୍ତି , ଏବେ ସମୟ ଆସିଛି ସେମାନଙ୍କୁ ଗାଁ ଦାଣ୍ଡରେ , ଛକରେ ଜବାବ ଦେବା ପାଇଁ । ମିଥ୍ୟା ପ୍ରଚାରର ଦୃଢ ଜବାବ ଦିଅ । କାରଣ ଏବେ ୫୦ ବର୍ଷର ଶୋଷଣ, କି ୭ ବର୍ଷର ଭାଷଣ ସରକାର ଚାଲିବନି, କେବଳ ବିକାଶ ହିଁ ବିକାଶର ସରକାର ଚାଲିବ । ଯାହା ନବୀନ ପଟ୍ଟନାୟକ ହିଁ ଦେଇଚାଲିଛନ୍ତି ।
କେବଳ ଏମିତିକିରେ ପ୍ରଣବଙ୍କ ଅଭିଭାଷଣ ସରିନଥିଲା । କୋଇଡ଼ାରେ ବିଜେଡ଼ି ପ୍ରତି ଓ ନବୀନଙ୍କ ପ୍ରତି ଲୋକଙ୍କ ଭଲ ପାଇବା ତାଙ୍କୁ ଅଧିକ ଉତ୍ସାହିତ କରିଥିଲା । ଏହି ଅବସରରେ ପ୍ରଣବ କହିଥିଲେ ଯେ ସୁନ୍ଦରଗଡ଼ର କୋଇଡ଼ାରୁ ପରିବର୍ତ୍ତନର ସ୍ୱର ଆରମ୍ଭ ହୋଇଛି । ଯାହା ପୁରା ଓଡ଼ିଶାକୁ ନୂଆ ଦିଗଦର୍ଶନ ଦେବ । ଏହି ମିଶ୍ରଣ ପର୍ବରେ ବଣେଇ ନିର୍ବାଚନ ମଣ୍ଡଳୀର ବିଜେପି, କଂଗ୍ରେସ, ଓ ସିପିଆଇ (ଏମ) କର୍ମୀ ଓ ନେତମାନେ ସାମିଲ୍ ହୋଇଥିଲେ l
