{}ପ୍ରତିଯୋଗିତା ମୂଳକ ଦୁନିଆରେ ମିଛ ଭରଷା । ସବୁଆଡ଼େ ଛଳନା , ପ୍ରତାରଣା । ଆଗକୁ ଯିବା ଲକ୍ଷ ଓ ପାଇବା ଆଶାରେ ଛିଡ଼ା ହେଉଛି ପ୍ରତିଶ୍ରୃତିର ପାହାଡ଼ । ସହର ତ ସହର ଗାଁରେ ଏହି ନିଶା ଲୋକଙ୍କ ମନରେ ଖେଳିଗଲାଣୀ । କମ ପରିଶ୍ରମ ବହୁତ କିଛି ପାଇବାର ଆଶାରେ ଯୁବପିଢି କିମିଆ କରିଛି । ଦେଖାଶିଖା ନୀତିରେ ସମେସ୍ତ ମାତିଛନ୍ତି । କଣ ହେବ ଓ କଣ ହେବାକୁ ଯାଉଛି ସେ ଚିନ୍ତା କାହାର ନାହିଁ । ହେଲେ କର୍ତ୍ତବ୍ୟ ଯାହା ହେଉ ପଛକେ ଲକ୍ଷ କିନ୍ତୁ କିପରି ପୂରଣ ହେବ ସେ ନିଶା ଘାରିଛି ସଭିଁଙ୍କୁ । ଯାହା ସମ୍ଭବ ହୋଇପାରୁଛି ମିଛ ଭରଷା ପାଇଁ ।ହେଲେ ସେଦିନ ମାମି କିନ୍ତୁ ବୁଝିନଥିଲା ଏହି ମିଛ ଭରଷାକୁ । ଗାଁ ଛାଡ଼ି ସେ ଚାଲିଆସିଥିଲା ସହରକୁ । ନୂଆ ଆଶା, ନୂଆ ଆକାଂକ୍ଷା ଓ ନୂଆ ଜୋସରେ କେତେକଣ ସ୍ପପ୍ନ ଦେଖୀଥଲା ସେ । ଶାନ୍ତ,ସରଳ ଓ ଗାଁରେ ପରିବେଶରେ ଚଳିଆସିଥୀବା ମାମିକୁ ପ୍ରଥମେ ପ୍ରଥମେ ସହରର ଚଳନିରେ ଖାପଖୁଆଇ ଚଳିବାକୁ କଷ୍ଟ ହେଉଥିଲା । ହେଲେ ମାମି ସହରରେ କିଛି ବର୍ଷ ରହିବା ପରେ ସେ ବି ସହରିଆ ହୋଇଗଲା । ତାର ଆଚରଣ , ଉଚ୍ଚାରଣ, ସ୍ବଭାବ ସବୁକିଛି ବଦଳିଗଲା କେଇଟା ଦିନରେ । ସହର ମାୟାଜାଲରେ ଶହଶହ ଚରିତ୍ର ସହ ମାମି ବି ମିଶିଗଲା । ସେ ବି ମିଛ ଭରଷାରେ ବଂଚିବାକୁ ଭଲ ପାଇଲା । ସେ ଯାହା ନୁହେଁ, ତା ପ୍ରତିପାଦନ କଲା । ଏହି ମିଛ ଭରଷା ପାଇଁ ତାହାର ଅନେକ ସ୍ବପ୍ନପୂରଣ ହେଲା ଓ ସବୁ କିଛି ନିଦ୍ବନ୍ଦରେ କରିପାରିଲା ସେ । ମିଛରେ ବଂଚିବାବୁ ଭଲ ପାଇଲା ସେ , ହେଲେ ବେଳେବେଳେ ଏକୁଟିଆ ଥିବା ବେଳେ ଚିନ୍ତା କଲା ସେ କଣ କରୁଛି ଓ କୁଆଡେ ଯାଉଛି ସେ । ଗାଁର ମାମି ବଦଳିଛି , ଏକଥା କିଏ କହୁ କି ନକହୁ ମାମି ଯେତେବେଳ ନିଜ ଗାଁକୁ ଗଲା ସେ କଥା ସେ ନିଜେ ଅନୁଭବ କଲା । କାରଣ ତା ମଧ୍ୟରେ ନଥିଲା ପୂର୍ବ ମାମିର ସ୍ବଭାବ । ଭୂଲିଯାଇଥିଲା ଲାଜ , ଭୂଲିଯାଇଥିବା ସମ୍ପର୍କ ଓ ଆପଣାଇଥିଲା ସେ ମିଛ ମାୟା ନୀତି । ଏସବୁ ଭିତରେ ମାମି ଆଉ ଗାଁରେ ରହିବାକୁ ଭଲ ଲାଗିନଥିଲା । ତାହା ଗାଁ ଆଧୁନିକତାରେ ବଦଳିଥଲା ସତ , ହେଲେ ମିଛ ଭରଷା ନଥିଲା ତା ଗାଁ ଲୋକଙ୍କ ପାଖରେ । ଛଳନା କରି ତା ଠାରୁ କେହି ଆଗେଇବାକୁ ଚାହୁନଥିଲେ ତା ଗାଁର , କି କର୍ମ ପରିଶ୍ରମ କରି କେହି ଅଧିକ ସଫଳତା ପାଇବାର ପ୍ରତିଯୋଗିତା ନଥିଲା ତା ଗାଁ ସାଙ୍ଗସାଥିଙ୍କ ଭିତରେ । ଏସବୁ କେତେବେଳେ ନାଁ କେତେବେଳେ ମାମି ମନକୁ ଛୁଇଁଥିଲା ଅଳ୍ପ ସମୟ ପାଇଁ । ଯାହା କି ତାକୁ ସହରର ମୋହମାୟା ଜାଲ ଭିତରୁ ବାହାରକୁ ବାହାରିବା ପାଇଁ ଚିନ୍ତା କରିବାକୁ ବାଧ୍ୟ କଲା । ମାତ୍ର ସପ୍ତାହ ଗାଁରେ ରହି ମାମି ଯେଉଁ ଅନୁଭୂତି ଓ ସତ୍ୟତାକୁ ଜାଣିଲା ତାହା ତାର ଜୀବନଶୈଳୀ ବଦଳାଇବାରେ ବେଶ ସହାୟକ ହେଲା । ହେଲେ ସେତେବେଳେ ସମୟ କିନ୍ତୁ ଗଡ଼ିଯାଇଥିଲା । ସେ ସହର ସଭ୍ୟତାର ମିଛ ଭରଷାରେ ଏେତେ ମାତ୍ରାରେ ପ୍ରଭାବିତ ହୋଇଥିଲା ଯେ ସେଥିରୁ ଆଉ ମୁକୁଳିପାରିବନି ବୋଲି ଭାବିଲା । ଏମିତି କେତେ କଣ ଚିନ୍ତା କରି ଗାଁ ବସରେ ବସି ସହରକୁ ଆସିଲା ମାମି । ନିଜକୁ ବଦଳାଇବା ପାଇଁ ଚେଷ୍ଟା କଲା । ଆଉ ତା ଜୀବନରେ ଆସିଲା କିଛି ପରିବର୍ତ୍ତନ । ହେଲେ ମିଛ ଭରଷାକୁ ନିଜର ଜୀବନର ବ୍ରତ କରି ନୂଆ ଢଙ୍ଗରେ ସେ ମାତିଗଲା । ସମାଜକୁ ମିଛ ଭରଷାର ନୂଆ ଦିଗ ଦେଖାଇଲା । ପଣ କଲା ମିଛ କହିବ ଅନ୍ୟକୁ ଠକିବା ପାଇଁ ନୁହେଁ, ବଂର ଅନ୍ୟର ଉପକାର ପାଇଁ । ମିଛ ଭରଷା ଦେବ କାହାର ଜବୀନ ନେବା ପାଇଁ ନୁହେଁ, ବଂର ନୂଆ ଜୀବନ ଦେବା ପାଇଁ । ଧୀରେ ଧୀରେ ମାମିର ଏହି ନିଶା ତାକୁ ସହରରେ ଭିନ୍ନ ପରିଚୟ ଦେଲା । ମଣିଷ ଚେଷ୍ଟା କଲେ ସ୍ବତନ୍ତ୍ର ହୋଇପାରେ , ସମାଜର ବର୍ତ୍ତମାନ ରୀତିନୀତିରେ ତାହା ସେ ପ୍ରମାଣିତ କରିଦେଲା । ଆଜି ଅନେକ ଗାଁ ଝିଅଙ୍କ ପାଇଁ ମାମି ଉଦାହରଣ ସାଜିଛି । କାହା ରୀତିନୀତି ନୁହେଁ, ସେ ଯେଉଁ ନୀତିରେ ବଂଚିବାକୁ ଚାହୁଛି ସେଥିରେ ବଂଚିବ । ମିଛ ଭରଷାରେ ବଂଚିବ , ହେଲ ତାହା ସତ ସତ ପରି ଲାଗିବ ।
