୨୦୧୮ ମସିହାର ଦଳର ସଂଗଠନକୁ ସଜାଡ଼ିବା ସହ ତୃଣମୂଳସ୍ତରରେ ସଂଗଠନକୁ ଚଳଞ୍ଚଳ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶରେ ମନ୍ତ୍ରୀପଦ ଛାଡ଼ିଥିଲେ ପ୍ରଣବ । ଆଉ ତାପର ଠାରୁ ମୁଖ୍ୟମନ୍ତ୍ରୀ ନିର୍ଦ୍ଦେଶରେ ଓ ମୁଖ୍ୟମନ୍ତ୍ରୀ ସବୁ ସ୍ୱପ୍ନକୁ ଗ୍ରାଉଣ୍ଡରେ ବାସ୍ତବରୂପ ଦେଉଛନ୍ତି ନବୀନଙ୍କ ଅତି ପ୍ରିୟ ତଥା ବିଜେଡ଼ି ସାଂଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ (ବବି) ।
ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ଼ ମାଲକାନାଗିରି ଆରମ୍ଭ ହୋଇ ଏବେ ଗୋଟିଏ ପରେ ଗୋଟିଏ ଜିଲ୍ଲାର ଲୋକଙ୍କ ପାଖରେ ପହଞ୍ଚାଇବା ପାଇଁ ମୁଖ୍ୟମନ୍ତ୍ରୀ ନିଜେ ଜିଲ୍ଳାଗସ୍ତ କରି ଲୋକଙ୍କୁ ଡ଼ିଜିଟାଲ ହେଲଥ କାର୍ଡ଼ ବାଣ୍ଟୁଛନ୍ତି । ଏହାସହ ସେହି ଜିଲ୍ଲାର ପ୍ରତ୍ୟେକ ଘରେ ଡ଼ିଜିଟାଲ ହେଲଥ କାର୍ଡ଼ ପହଞ୍ଚାଇବା ପାଇଁ ମନ୍ତ୍ରୀ, ବିଧାୟକ , ସାଂସଦ, ଓ ଦଳୀୟ କର୍ମୀଙ୍କୁ ଗୁରୁ ଦାୟିତ୍ୱ ଦିଆଯାଇଛି । ଏସବୁ ପରେ ଗ୍ରାଉଣ୍ଡରେ ଲୋକେ କିପରି ଏହାର ସୁବିଧା ପାଉଛନ୍ତି , ଉପଯୁକ୍ତ ଲୋକ ଏହି କାର୍ଡ଼ ପାଉଛି କି ନାହିଁ । ଡ଼ାକ୍ତରଖାନରେ ସବୁ ସୁବିଧା ମିଳୁଛି କି ନାହିଁ । କଣ କଣ ଅସୁବିଧା ରହୁଛି । ଏସବୁ କଥା ଲୋକଙ୍କ ଠାରୁ ପଚାରି ବୁଝୁଛନ୍ତି ବବି । ନିଜେ ତୋଫାନୀ ଜିଲ୍ଲାଗସ୍ତ କରି ଜଣେ ରାଜନେତା ନୁହେଁ, ବଂର ସାଧାରଣ ଲୋକଙ୍କ ପରି ଲୋକଙ୍କ ସହ ମିଶି ଆଲୋଚନା କରୁଛନ୍ତି । ଫଳରେ ସାଢେ ୩କୋଟି ଲୋକେ ଯେପରି ରାଜ୍ୟ ସରକାର ଏହି ସଫଳତାର ସହ ଯୋଡ଼ିହେବେ ଓ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ଼ର ଲାଭ ଉଠାଇପାରିବେ ସେ କାମରେ ଲାଗିଛନ୍ତି ସେ ।
ସେହିପରି ୫ଟି ଉପକ୍ରମେ ରୂପାନ୍ତରିତ ହୋଇ ରାଜ୍ୟର ବିଭିନ୍ନ ସରକାରୀ ସ୍କୁଲ ଯେପରି ନୂଆରୂପ ନେଉଛି ତାହାର ବି ଭିତ୍ତିଭୂମି ଓ ନିର୍ମାଣ କାର୍ଯ୍ୟକୁ ଅଧିକାଂଶ ସମୟ ଗ୍ରାଉଣ୍ଡକୁ ଯାଇ ସ୍ଥିତି ସମୀକ୍ଷା କରୁଛନ୍ତି ପ୍ରଣବ । ଯାହା ରାଜ୍ୟ ସରକାର ଲକ୍ଷ ରଖିଛନ୍ତି ଓ ସରକାରୀ ସ୍କୁଲକୁ ନେଇ ମୁଖ୍ୟମନ୍ତ୍ରୀ ଯେଉଁ ନକ୍ସା ଆଙ୍କିଛନ୍ତି ତାହା ବାସ୍ତବରୂପ ନେଉଛି କି ନାହିଁ ତାହାର ତନତନ କରି ପରଖୁଛନ୍ତି ପ୍ରଣବ ।
କେବଳ ସେତିକି ନୁହେଁ ସରକାରୀ ଯୋଜନା ଲାଭ ପାଇବାରେ ସାଧାରଣ ଲୋକଙ୍କୁ ତୃଣମୂଳସ୍ତରରେ ବିଜେଡ଼ି ନେତା ଓ କର୍ମୀ, ନିର୍ବାଚିତ ପ୍ରତିନିଧି ସହଯୋଗ କରୁଛନ୍ତି କି ନାହିଁ ତାହାର ବି ତଦାରଖ କରୁଛନ୍ତି ପ୍ରବଣ । ଦଳ ପକ୍ଷରୁ ଲୋକସେବା ନେଇ ଯେଉଁସବୁ ଅଭିଯାନ କରାଯାଇଛି ତାହା ଠିକ ଭାବେ ତୃଣମୂଳ ସ୍ତରରୁ ବିଧାନସଭା କ୍ଷେତ୍ର ଯାଏ କାର୍ଯ୍ୟକାରୀ ହେଉଛି କି ନାହିଁ ତାହାର ବି ସେ ସମୀକ୍ଷା କରୁଛନ୍ତି । ବିଶେଷକରି ରକ୍ତଦାନ ଶିବିର, ସଫେଇ ଅଭିଯାନ, ବୃକ୍ଷରୋପଣ କାର୍ଯ୍ୟକ୍ରମ , ପଂଚାୟତ ଓ ସହରରେ ଲୋକଙ୍କ ନେତାଙ୍କ ସମ୍ପର୍କ କେମିତି ରହୁଛି ତାହା ବି ଟାଇମ ଟୁ ଟାଇମ ମନିଟରିଙ୍ଗ କରୁଛନ୍ତି ପ୍ରଣବ ।
ପଦପଦବୀ ପାଇଁ ନୁହେଁ, ସେବା ମନବୃତ୍ତି ନେଇ ପ୍ରତ୍ୟେକ ଦଳୀୟ କର୍ମୀ ଓ ନେତା କାମ କରିବାକୁ ସେ ଆହ୍ୱାନ ଦେଉଛନ୍ତି । ନିଜେ ଗ୍ରାଉଣ୍ଡଙ୍କକୁ ଯାଇ ପ୍ରଣବ ଅନ୍ୟନେତାଙ୍କ ପାଇଁ ଉଦାହରଣ ସାଜିଛନ୍ତି । ରାଜନୀତିରେ କେବଳ ଆଦେଶ ଦେଲେ ଚଳିବନି । ବଂର ଲୋକଙ୍କ ସହ ରହି ଲୋକଙ୍କ ସମସ୍ୟା ଦୂର କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ତାହାକୁ ସେ ବାସ୍ତବରୂପ ଦେଉଛନ୍ତି ତୃଣମୂଳ ସ୍ତରରେ । ଯେଉଁଥି ପାଇଁ ଆଜି ସାଢେ ଚାରିକୋଟି ଓଡ଼ିଆ ବିଜେଡ଼ି ସହ ରହି ନବୀନଙ୍କ ସାଥ ଦେଉଛନ୍ତି ।
