{ } ବିଧାୟକମାନେ ବହୁତଳ ବିଶିଷ୍ଟ ଅତ୍ୟାଧୂନିକ ପ୍ରାସାଦରେ ରହିବେ । ଏହି ଆବାସିକ ବିଧାୟକଙ୍କ ବାସଗୃହ ସହ କମ୍ୟୁନିଟି ହଲ୍, ଟେନିସ୍ କୋର୍ଟ, ଜିମ୍ ଓ ମାର୍କେଟ କମ୍ପେ୍ଲକ୍ସ ଆଦି ରହିବ । ୨୭୫ କୋଟି ଟଙ୍କା ବ୍ୟୟ ହେବ । ସେଥିପାଇଁ ଦ୍ୱିତୀୟ ପର୍ଯ୍ୟାୟରେ ୧୬ ବିଧାୟକଙ୍କର ପୁରୁଣା ବାସଗୃହକୁ ଉଚ୍ଛେଦ କରାଯିବ । ଏହି ସୂଚନା ଦେଇଛନ୍ତି ବାଚସ୍ପତି ଡଃ ସୂର୍ଯ୍ୟ ନାରାୟଣ ପାତ୍ର ।ଶୁକ୍ରବାର ଡଃ ପାତ୍ରଙ୍କ ନିଜ ପ୍ରକୋଷ୍ଠରେ ଅନୁଷ୍ଠିତ ବିଧାୟକଙ୍କ ପାଇଁ ପ୍ରସ୍ତାବିତ ବହୁତଳ ବିଶିଷ୍ଟ ଆବାସିକ ଗୃହ ନିର୍ମାଣ ସମ୍ପର୍କିତ ଉଚ୍ଚସ୍ତରୀୟ ବୈଠକ ବସିଥିଲା । ଏଥିରେ ଅଧ୍ୟକ୍ଷତାରେ କରି ସେ କହିଥିଲେ, ୨୭୫ କୋଟି ଟଙ୍କା ବ୍ୟୟରେ ଓଡ଼ିଶା ବ୍ରିଜ ଏବଂ କଷ୍ଟ୍ରକସନ କରର୍ପୋରେସନ ଦ୍ୱାରା ନିର୍ମିତ ହେଉଥିବା ଉକ୍ତ ବହୁତ୍ତଳ ବିଶିଷ୍ଟ ଆବାସିକ ଗୃହ ନିର୍ମାଣରେ ସମସ୍ତ ଆନୁସଙ୍ଗିକ ସୁବିଧା ସୁଯୋଗ ଯୋଗାଇ ଦିଆଯିବ । ଏଥିପାଇଁ ୧୬ ଜଣ ସଦସ୍ୟଙ୍କ ବାସଗୃହ ଉଚ୍ଛେଦ ହେବ । ହେଲେ ସେମାନେ ଗୃହ ଛାଡିନଥିବାରୁ ସମସ୍ୟା ସଷ୍ଟି ହୋଇଛି । ତେଣୁ ସେମାନଙ୍କୁ ତୁରନ୍ତ ଉଚ୍ଛେଦ ପାଇଁ ବାଚସ୍ପତି ସମ୍ପୃକ୍ତ କର୍ତ୍ତୃପକ୍ଷଙ୍କୁ ନିର୍ଦେଶ ଦେଇଛନ୍ତି ।
ଉକ୍ତ ବୈଠକରେ ସାଧାରଣ ପ୍ରଶାସନ ବିଭାଗ ପ୍ରମୁଖ ଶାସନ ସଚିବ ଏସ୍ କୁମାର, ବିଧାନସଭା ସଚିବ ଦାଶରଥୀ ଶତପଥୀ, ଅର୍ଥ ବିଭାଗ ଅତିରିକ୍ତ ଶାସନ ସଚିବ ନୃସିଂହ ଚନ୍ଦ୍ର ସ୍ୱାଇଁ, ନିର୍ଦ୍ଦେଶକ ଇଷ୍ଟେସ୍ ଏସ୍ କେ ମହାନ୍ତି, ଓଡ଼ିଶା ବ୍ରିଜ ଏବଂ କନ୍ସଟ୍ରକସନ କର୍ପୋରେସନର ମୁଖ୍ୟ ଯନ୍ତ୍ରୀ ଦୁଃଖ ବନ୍ଧୁ ବେହେରା, ଅତିରିକ୍ତ ମୁଖ୍ୟ ଯନ୍ତ୍ରୀ ଦୁର୍ଗା ପ୍ରଶାନ୍ତ ମିଶ୍ର ପ୍ରମୁଖ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।
