() ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସ୍ୱଚ୍ଛ , ନିର୍ମଳ ଓ ଦୁର୍ନୀତି ମୁକ୍ତ ସ୍ଥିର ଶାସନ ଦେବାରେ ଦେଶର ରାଜନୀତିର ଜଣେ ପିତାମହ । ଯେଉଁଥି ପାଇଁ ପୁରା ଜନମାନସରେ ରହିଛି ନବୀନଙ୍କ ସ୍ୱତନ୍ତ୍ର ପରିଚୟ । ଦୁୂର୍ନୀତି ,ଅନ୍ୟାୟ ଓ କୌଣସି ଭୂଲ କାର୍ଯ୍ୟରେ ଯଦି କିଏ ବି ସଂପୃକ୍ତ ଥାଆନ୍ତି ସେ ଯେତେ ପ୍ରଭାବଶାଳୀ ହୁଅନ୍ତି ଓ ଦଳ ପାଇଁ ଯେତେ ବଡ଼ ଆସେଟ ଥାଆନ୍ତୁ ନବୀନ କେବେ କାହାକୁ ଛାଡ଼ନ୍ତିନି । କଥା କମ କାମ ଅଧିକରେ ବିଶ୍ୱାସ ରଖନ୍ତି ଓ ଆଇନକୁ ତା ବାଟରେ ଯିବାକୁ ଦିଅନ୍ତି । ଅଫିସରଙ୍କ ଠାରୁ ଆରମ୍ଭ କରି ନେତା ,କେହି ବି ଏଥିରୁ ବାଦ ପଡ଼ନ୍ତିନି । ଯେଉଁଠି ପାଇଁ ରାଜ୍ୟବାସୀଙ୍କ ଆର୍ଶୀବାଦରୁ ୨୧ ବର୍ଷ ଧରି ଓଡ଼ିଶାବାସୀଙ୍କ ପ୍ରିୟପାତ୍ର ସାଜିଛନ୍ତି ।
କଥା କମ କାମରେ ଅଧିକ ବିଶ୍ୱାସ କରନ୍ତି ସେ । ଠିକ ତାଙ୍କ ପରି ନବୀନଙ୍କ ପ୍ରିୟ ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ରାଜନୀତିରେ ଆଲୋଚନା, ସମାଲୋଚନା, ବିରୋଧ ଓ ନେତାଙ୍କ ଅଭିଯୋଗ ଏକ ଗତାନୁଗତି ପ୍ରକ୍ରୀୟା । ଏପରି ପ୍ରକ୍ରୀୟାରେ ସାଧାରଣତ ନବୀନଙ୍କ ପରି ପ୍ରଣବ ବି ଗଣମାଧ୍ୟମ କି ସାମାଜିକ ଗଣମାଧ୍ୟମରେ ସେମିତି କିଛି ମତ ରଖନ୍ତି ନାହିଁ । କାରଣ ତାଙ୍କ ପାଇଁ ରାଜନୀତି ଅର୍ଥ ହେଉଛି କ୍ଷମତା କି ପଦ ପଦବୀ ନୁହେଁ, କେବଳ ଜନସେବା । ଆଉ ଯଦି ଜନସେବାରେ କିଏ ବାଧା ସୃଷ୍ଟି କରେ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତି କୌଣସି ଭିତ୍ତିହୀନ ପ୍ରସଙ୍ଗରେ ଅଙ୍ଗୁଳି ଉଠେ ସେତେବେଳେ ଚୁପ ବସନ୍ତିନି ପ୍ରଣବ । ଦିଅନ୍ତି କଡ଼ା ଜବାବ । ସେ ରାଜ୍ୟରେ ବିରୋଧୀର ହେବିୱଟ ମଙ୍ଗୁଆଳ ହୁଅନ୍ତୁ କି କେନ୍ଦ୍ରମନ୍ତ୍ରୀ । ବହୁଦିନ ପରେ ପୁଣି ଥରେ ମମିତା ପ୍ରସଙ୍ଗକୁ ନେଇ ପ୍ରଣବଙ୍କ ଟ୍ୱିଟ ଏହା ପ୍ରମାଣିତ କରିଛି। କଳାହାଣ୍ଡିର ମମିତା କଥାକୁ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନୈତିକତା ନେଇ ପ୍ରଶ୍ନ କରିବା ପରେ ଏହାର ଦୃଢ ଜବାବ ଦେଇଛନ୍ତି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି) । ଆଉ ଏଥର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ତଥ୍ୟ ସହ ପଢାଇଛନ୍ତି ରାଜନୀତିର ନୈତିକତା ପାଠ । ତାହା ପୁଣି ସୋସିଆଲ ମିଡ଼ିଆରେ ଛୋଟ ଛୋଟ ପାରା କରି ।
ଏବେ ନଜର ପକାନ୍ତୁ କେମିତି ନୈତିକତାର ପାଠ ଧର୍ମେନ୍ଦ୍ରଙ୍କୁ ପଢାଇଛନ୍ତି ବବି
Dharmendra Pradhan ଭାଇ, ଧନ୍ୟବାଦ | ଆପଣଙ୍କ ସରକାର ଚାଷୀ ଆଇନ ପ୍ରତ୍ୟାହାର କରିଛନ୍ତି, କିନ୍ତୁ ଏଠି ପ୍ରଶ୍ନ ଉଠୁଛି ଭାରତବର୍ଷର ଯେଉଁ ୭୫୦ ଜଣ ନିରୀହ ଚାଷୀ ପ୍ରାଣ ହରାଇଲେ, ତାର ନୈତିକ ଦାୟିତ୍ୱ କାହାଉପରେ ?
ଭାଇ,ମାନ୍ୟବର କେନ୍ଦ୍ରଗୃହରାଷ୍ଟ୍ରମନ୍ତ୍ରୀଙ୍କ ପୁଅ ଗାଡି ଚଢାଇ ୭ଜଣ ନିରୀହ ଚାଷୀ ଭାଇଙ୍କୁ ମାରି ଜେଲରେ ଅଛନ୍ତି | ମାନ୍ୟବର ସୁପ୍ରିମକୋର୍ଟଙ୍କ ହସ୍ତକ୍ଷେପ ପରେ ତାଙ୍କ ଉପରେ ମୋକଦ୍ଦମା ହେଲା |ଆପଣ ଆପଣଙ୍କ ମୂଲ୍ୟବାନ ସମୟରୁ କିଛି ସମୟ ବାହାର କରି କେନ୍ଦ୍ର ଗୃହରାଷ୍ଟ୍ରମନ୍ତ୍ରୀଙ୍କୁ ନୈତିକତାର ପାଠ ପଢ଼େଇଲେ ଭଲ ହୁଅନ୍ତା
ଭାଇ,ଟ୍ରେନ ଦୁର୍ଘଟଣାରେ ପୂଜ୍ୟ ଶାସ୍ତ୍ରୀଜୀ ନୈତିକତା ଦୃଷ୍ଟିରୁ ସ୍ୱତଃପ୍ରବୃତ୍ତ ଭାବରେ ନିଜ ପଦରୁ ଇସ୍ତଫା ଦେଇଥିଲେ | ଆପଣଙ୍କ ସରକାର ଶାସନ କାଳରେ ଅନେକ ଟ୍ରେନ ଦୁର୍ଘଟଣା ଘଟିଛି ଏବଂ ଅନେକ ନିରୀହ ଲୋକ ପ୍ରାଣ ହରେଇଛନ୍ତି I ଆପଣଙ୍କ ମନ୍ତ୍ରୀ ମଣ୍ଡଳର କେତେ ଜଣ ମନ୍ତ୍ରୀ ଇସ୍ତଫା ଦେଇଛନ୍ତି ?
ଯଦି ଦମ ଅଛି ଆପଣ ଓ ଆପଣଙ୍କ ଦଳ ଆସି ପୋଲିସ କିମ୍ବା ମାନ୍ୟବର ଉଚ୍ଚନ୍ୟାୟାଳୟରେ ଠୋସ ପ୍ରମାଣ ଦିଅନ୍ତୁ I ଇସ୍ତଫା ଛାଡ଼ନ୍ତୁ ମାନ୍ୟବର ମୁଖ୍ୟମନ୍ତ୍ରୀ ବାନ୍ଧିକି ଜେଲରେ ଭର୍ତ୍ତି କରିବେ |
