() କଥାରେ କାମରେ ବିଶ୍ୱାସ କରନ୍ତି ରାଜ୍ୟର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ତେଣୁ ସବୁବେଳେ ସେ ବିଧାୟକମାନଙ୍କୁ ଭୁବନେଶ୍ୱର ନୁହେ ଗାଁକୁ ଯିବାକୁ କହିଥାନ୍ତି। ଭୋଟ ଦେଇ ଜିତେଇଥିବା ଭୋଟରଙ୍କୁ ଦୁଃଖ ସୁଖରେ ସାମିଲ ହେବାକୁ କହିଥାନ୍ତି। ଏହି କଥାକୁ ପାଥେୟ କରି ଆଠମଲ୍ଲିକ ବିଧାୟକ ସବୁବେଳେ ନିର୍ବାଚନ ମଣ୍ଡଳୀର ବିକାଶ ପାଇଁ ଦିନରାତି ଏକ କରି କାମ କରୁଛନ୍ତି। ଯେଉଁଠି କିଛି ବିପଦ ଆସିଲେ ସେ ପହଞ୍ଚି ଯାଆନ୍ତି। କେମିତି କେହି ହଇରାଣ ନ ହେଉ।
ଆଠମଲ୍ଲିକ ନିର୍ବାଚନ ମଣ୍ଡଳୀ ଅନ୍ତର୍ଗତ କନ୍ତପଡା ଗ୍ରାମପଞ୍ଚାୟତର ବେଲବଣିଆ ସାହିରେ ମଙ୍ଗଳବାର ଅପରାହ୍ନ ସମୟରେ ଏକ ବଡ଼ ଧରଣର ଅଗ୍ନିକାଣ୍ଡ ହୋଇଥିଲା।ଯେଉଁଥିରେ ୭ଟି ପରିବାରର ୧୨ବଖରା ଘର ସହ ଆସବାବପତ୍ର ଓ ବହୁମୂଲ୍ୟ ସମ୍ପତ୍ତି ନଷ୍ଟ ହୋଇଯାଇଛି । ଖବର ପାଇବା ମାତ୍ରକେ ବିଧାୟକ ପାଇଲା ପରେ ଆଠମଲ୍ଲିକ ବିଧାୟକ ରମେଶ ସାଏ ତୁରନ୍ତ ସମ୍ପୁକ୍ତ ପରିବାରକୁ ଭେଟିଛନ୍ତି।ଏହାସହ ବିପନ୍ନଙ୍କୁ ଶୁଖିଲା ଖାଦ୍ୟ ଓ ବସ୍ତ୍ର ପ୍ରଦାନ କରିଛି । ତେବେ ସେମାନଙ୍କୁ କିପରି ଖୁବଶୀଘ୍ର ସରକାରୀ ସହୟତା ଯୋଗାଇଦେବାକୁ ତହସିଲଦାର,ବିଡିଓ ଓ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
