()ଧାମନଗର ଉପ ନିର୍ବାଚନ ପାଇଁ ମଙ୍ଗଳବାର ସରିବ ପ୍ରଚାର । ରାଜ୍ୟର ୩ ପ୍ରମୁଖ ରାଜନୈତିକ ଦଳ ଗଡ଼ ଦଖଲ କରିବାକୁ ଜୋରଦାର କସରତ ଆରମ୍ଭ କରିଦେଇଛନ୍ତି ।ମତଦାନ ତାରିଖ ଯେତିକି ପାଖେଇ ଆସୁଛି ଧାମନଗରରେ ପ୍ରଚାର ଉଷ୍ମତା ମଧ୍ୟ ସେତେ ମାତ୍ରାରେ ବଢିବଢି ଚାଲିଛି । ଭୋଟରଙ୍କ ମନ ଜିଣିବା ପାଇଁ ବିଜେଡ଼ି-ବିଜେପି ଓ କଂଗ୍ରେସ ମଧ୍ୟରେ ବିଭିନ୍ନ ପ୍ରସଙ୍ଗକୁ ନେଇ ଗ୍ରାଉଣ୍ଡରେ ଲଢେଇ ହେଉଛି । ସ୍ୱାଧିନ ପ୍ରାର୍ଥୀ କିନ୍ତୁ ପ୍ରସଙ୍ଗ ନୁହେଁ, ଅନୁକମ୍ପାକୁ ମୁଖ୍ୟ ନିର୍ବାଚନୀ ସାହାରା କରିଛି । ୨୦୧୯ ସାଧାରଣ ନିର୍ବାଚନରେ ବିଜେଡି ଓ ବିଜେପି ମଧ୍ୟରେ ଭୋଟ ବ୍ୟବଧାନ ୪ହଜାର ୬୨୫ ଖଣ୍ଡ ଭୋଟ । ଉପ ନିର୍ବାଚନ ଏହି ବ୍ୟବଧାନକୁ ହଟାଇବା ପାଇଁ ଉଭୟ ବିଜେଡ଼ି ଓ ବିଜେପି ନୂଆ ନୂଆ ରଣନୀତିକୁ ଆପଣାଇଛନ୍ତି । 
ଧାମନଗରର ମୋଟ ୪୪ ପଂଚାୟତ ଓ ୧୧ଟି ୱାର୍ଡର ଭୋଟର ମୁଡ଼ କାହା ସପକ୍ଷରେ କେତେ ରହୁଛି ତାହା ନିର୍ବାଚନ ତାରିଖ ଯେତେ ପାଖେଇ ଆସୁଛି ସେତେ ମନରେ ଉତ୍ସାହ ବଢ଼ି ବଢ଼ି ଚାଲିଛି ।
ଏବେ ଆସନ୍ତୁ ଗ୍ରାଉଣ୍ଡର ସ୍ଥିତିକୁ ପରଖିବା । ପ୍ରକୃତରେ ଧାମନଗରରେ ରାଜନୈତିକ ପ୍ରସଙ୍ଗ କାମ କରୁଛି କି ନାହିଁ ନା ଚତୁର ଧାମନଗରବାସୀ ଅଢେଇ ବର୍ଷ ପାଇଁ କାହାକୁ ବିଧାନସଭାକୁ ପଠାଇବେ ତାହା ମନସ୍ଥ କରି ସାରିଛନ୍ତି । ଧାମନଗରରେ ଏବେ ମାଳମାଳ ନେତା, ମନ୍ତ୍ରୀ, ବିଧାୟକ, ସାମ୍ବାଦିକ, ରାଜନୈତିକ ସମୀକ୍ଷକ, ବୃଦ୍ଦିଜୀବିଙ୍କ ଭିଡ଼ ଜମୁଛି । ସଭିଁଙ୍କ ଆକଳନ କିନ୍ତୁ ଭିନ୍ନ ଭିନ୍ନ । କିଏ କିଏ କହୁଛନ୍ତି ଧାମନଗର ବାସୀ ସ୍ୱାଭିମାନୀ । 
ସେମାନେ କାହା କଥାରେ ଭାସିବେ ନାହିଁ କି ଅନୁକମ୍ପା ପ୍ରେମରେ ପଡ଼ିବେ ନାହିଁ । ଯାହା ଏଯାଏ ଧାମନଗର ପ୍ରଚାରରୁ ସ୍ପଷ୍ଟ ସଙ୍କେତ ମିଳିଛି । ମୁଖ୍ୟତ ବିଜେଡ଼ି ଓ ବିଜେପି ଧାମନଗରରେ ଟକ୍କର ହେବାକୁ ଯାଉଛି । ଉଭୟ ଦଳ ପାଇଁ ରାଜୁ ଦାସ ମୁଖ୍ୟ ଫ୍ୟାକ୍ଟର । ଯାହାର ବେଶୀ ଫାଇଦା ନିର୍ବାଚନ ମଇଦାନରେ ଉଠାଉଛନ୍ତି ସ୍ୱାଧୀନ ପ୍ରାର୍ଥୀ ରାଜୁ ଦାସ । ଧାମନଗର ଉପ ନିର୍ବାଚନରେ ବିରୋଧୀ ଅପପ୍ରଚାରକୁ ମୁଖ୍ୟ ମାଧ୍ୟମ କରି ବିଜେଡ଼ିକୁ ଚେକ୍ ଦେବାକୁ ଅଣ୍ଟା ଭିଡ଼ିଛନ୍ତି । ଅନ୍ୟପଟେ ବିଜେଡ଼ି କିନ୍ତୁ ବିକାଶ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତା ସହ ସାଂଗଠନିକ ମାଇକ୍ରୋ ମ୍ୟାନେଜମେଣ୍ଟ ଜରିଆରେ ଗଡ଼ ଦଖଲ କରିବାକୁ ଲକ୍ଷ୍ୟ ରଖିଛି । 
ଯାହାକୁ ନେଇ ସରଗରମ ହୋଇଛି ଧାମନଗର ରାଜନୀତି l ଭୋଟ ସମୟରେ ବିଭିନ୍ନ ମିଛ ପ୍ରଚାର ହେବା ସ୍ୱାଭାବିକ l ତାହା ମଧ୍ୟ ଧାମନଗର ର ବିଭିନ୍ନ ପଂଚାୟତ ଓ ପୌର ପରିଷଦ ରେ ଜୋରଦାର ହେଉଛି l ହେଲେ ଏ ସବୁ କେବଳ ଦଳୀୟ ସମର୍ଥକ ଓ ଗଣ ମାଧ୍ୟମରେ ଚର୍ଚ୍ଚା l ହେଲେ ଧାମନଗର ଭୋଟରଙ୍କ ମତ କିନ୍ତୁ ଅନ୍ୟଆଡ଼େ l
ଉପ ନିର୍ବାଚନରେ କାହାକୁ ଭୋଟ ଦେଲେ ଧାମନଗର ଉନ୍ନତି ଓ ବିକାଶ ହେବ ତାହା ଏବେ ଧାମନଗର ଭୋଟର ଆକଳନ କରି ମନସ୍ଥ କଲେଣି l ଧୀରେ ଧୀରେ ଧାମନଗରେ ଅପପ୍ରଚାର ଫମ୍ଫା ସ୍ଵର ଭୋଟର ଜାଣି ସାରିଲେଣି l ଯେଉଁଥିପାଇଁ ଧାମନଗରର ରାଜନୈତିକ ପାଣିପାଗରେ ବହୁତ ପରିବର୍ତ୍ତନ ହୋଇଛି l ଆସନ୍ତା ୩୧ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇବେ l 
ଏହାପରେ ଧାମ ନଗର ରାଜନୀତି ଆହୁରି ଅଧିକ ବଦଳିବ ବୋଲି ରାଜନୈତିକ ସମୀକ୍ଷକ ମାନେ କହିଛନ୍ତି l ବିଜେପି ପକ୍ଷରୁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ
ଦୁଇ ଦିନ ଧରି ମାରାଥନ ପ୍ରଚାର କରିଥିବା ବେଳେ ପିସିସି ସଭାପତି ଶରତ ପଟ୍ଟନାୟକ, କଂଗ୍ରେସ୍ ବିଧାୟକ ସୁରେଶ ରାଉତରାୟ ଦଳୀୟ ପ୍ରାର୍ଥୀଙ୍କ ପାଇଁ ଜୋରଦାର ପ୍ରଚାର କରିଛନ୍ତି l 
ଆସନ୍ତା ୩ ତାରିଖରେ ଧାମ ନଗର ବାସୀ ଭୋଟ ଦେଇ ନିଜ ନେତା ବାଛିବେ l ୬ତାରିଖରେ ଫଳାଫଳ ପ୍ରକାଶ କରିବ ଧାମନଗର ବାସୀ କାହାକୁ ବାଛିଛନ୍ତି l
