() ବିଜେଡି କାହିଁକି ୨୫ବର୍ଷ ଧରି ଲୋକଙ୍କ ହୃଦୟରେ ଅଛି,, ଦେବଗଡ଼ ଏହି ଷ୍ଟୋରୀ ପଢନ୍ତୁ…..
{} ବିଜୁ ଜନତା ଦଳ, ଓଡ଼ିଶାବାସୀଙ୍କ ବଳ l ସାଢେ଼ ଚାରି କୋଟି ଓଡ଼ିଆ ହେଉଛନ୍ତି ବିଜେଡିର ପରିବାର l ବିଜେଡିର ପ୍ରତ୍ୟେକ କର୍ମୀ ଓ ନେତା ହେଉଛନ୍ତି ଲୋକଙ୍କ ସେବକ l ଲୋକଙ୍କ ସେବକ ହୋଇ କାମ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ଆହ୍ବାନ ଦେଇଛନ୍ତି ତାହାକୁ ନେତା ଓ କର୍ମୀ ମାନେ ଅକ୍ଷର ଅକ୍ଷରେ ପାଳନ କରିଛନ୍ତି l ଦେବଗଡ଼ର ଏହି ଗୋଟିଏ ଉଦାହରଣ ନିଅନ୍ତୁ……
ଗରିବ ମା’ ଛେଉଣ୍ଡ ଝିଅର ଠିକ ହୋଇଥିବା ବିବାହ ଅର୍ଥାଭାବ କାରଣରୁ ଭାଙ୍ଗିବାକୁ ଯାଉଥିବାବେଳେ ବିଜେଡି ଜିଲ୍ଲା ସଭାପତି ରୋମାଞ୍ଚ ରଞ୍ଜନ ବିଶ୍ୱାଳଙ୍କ ଉଦ୍ୟମ ଓ ବିଜେଡି ଯୁବ ଗୋଷ୍ଠୀଙ୍କ ସହଯୋଗରେ ଆଜି ବିବାହ ସମ୍ପର୍ଣ୍ଣ ହୋଇଥିବା ଜଣାପଡ଼ିଛି । ମିଳିଥିବା ରିପୋର୍ଟ ମୁତାବକ, ବାରକୋଟ ବ୍ଲକ ବଲମ ପଞ୍ଚାୟତର କ୍ଷୀରୋଦ ନାୟକ ମାନସିକ ରୋଗୀ ହୋଇଥିବାବେଳେ ଝିଅ ମିନାକ୍ଷୀ ଜନ୍ମ ହେବାର କିଛି ବର୍ଷ ପରେ ମା’ ଆରପାରିକୁ ଚାଲି ଯାଇଥିଲେ। 
ତେବେ ଝିଅ ବିବାହ ବୟସ ହେବାରୁ ସମ୍ପର୍କୀୟମାନେ ତିଳେଇବଣି ବ୍ଲକ କଳାମାଟି ଗ୍ରାମର ମନୋଜ ନାୟକ ନାମକ ଯୁବକଙ୍କ ସହ ବିବାହ ପାଇଁ ଆଜି ଦିନ ଧାର୍ଯ୍ୟ କରିଥିଲେ । ମାତ୍ର ଗତକାଲି ସୁଦ୍ଧା ସମ୍ପର୍କୀୟମାନେ ଅର୍ଥ ଯୋଗାଡ଼ କରିନପାରିବାରୁ ବିବାହ ଭାଙ୍ଗିବା ଏକ ପ୍ରକାର ନିଶ୍ଚିତ ଥିଲା । ତେବେ ବଳମ ଗ୍ରାମର ରଞ୍ଜିତ କୁମାର ପ୍ରଧାନ ଏସମ୍ପର୍କରେ ବାରକୋଟ ବ୍ଲକ ବିଜେଡି ସଭାପତି ହୀରାଧର ସାହୁ ଓ ଜିଲ୍ଲା ବିଜେଡି ସଭାପତି ରୋମାଞ୍ଚ ରଞ୍ଜନ ବିଶ୍ୱାଳଙ୍କୁ ଜଣାଇବା ପରେ ସେ ବିବାହର ସମସ୍ତ ଭାର ବହନ କରିଥିଲେ । ଏହାସହ ଝିଅ ପାଇଁ ଘରୋଇ ଉପକରଣ ଓ ଆସବାବ ପତ୍ର ଯୋଗାଡ଼ କରିଥିଲେ ଏବଂ ବିବାହ ଭୋଜିର ଆୟୋଜନ କରି ପୂର୍ବ ନିର୍ଦ୍ଧାରିତ ତାରିଖରେ ହିଁ ଆଜି ମିନାକ୍ଷୀର ବିବାହ କରାଇଥିଲେ ।
ଏହି ମହତ କାର୍ଯ୍ୟ ସମ୍ପାଦନ କରିବାରେ ବାରକୋଟ ବ୍ଲକ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ବେହେରା, ମୀନକେତନ ପ୍ରଧାନ, ପ୍ରକାଶ ଚନ୍ଦ୍ର ପ୍ରଧାନ, ଶ୍ରୀଧର ଦୀପ, ଦୟାନିଧି ବେହେରା, ରୁଦ୍ରମଣି ବେହେରା ଓ ସିକୁ ପ୍ରଧାନ ପ୍ରମୁଖ ସକ୍ରିୟ ଅଂଶ ଗ୍ରହଣ କରିଥିଲେ।
