() ଭଲ ପାଇବା ବିଶ୍ଵାସ ଓ ଭରଷାର ବଡ ସେତୁ l ସବୁ ସମ୍ଫର୍କକୁ ଅଧିକ ଶକ୍ତିଶାଳୀ କରିଥାଏ ପରସ୍ପରର ପ୍ରତି ଥିବା ଭଲ ପାଇବା l ଭଲ ପାଇବାରେ ଆଶା, ବିଶ୍ଵାସ, ଭରଷା ସବୁ କିଛି ଥାଏ ସତ, ହେଲେ ପାଇବା ଓ ହରାଇବାର କେବେ ନଥାଏ ଅଭିଳାଷ l ଆଜିର ଦୁନିଆରେ ଭଲ ପାଇବା କେବଳ ପାଇବାର ଆଶା ବନ୍ଧନ ଭିତରେ ବାନ୍ଧି ହୋଇଯାଉଛନ୍ତି l ବର୍ଷ ବର୍ଷ ଭଲ ପାଇବା କେଈ ମିନିଟ୍ ରେ କିଛି ଅଭିଳାଷା ପାଇଁ ପାଣିଚିଆ ହୋଇ ଯାଉଛି l କାରଣ ଆଜିର ସ୍ବାର୍ଥ ପର ଦୁନିଆରେ ସବୁଠି ମଣିଷ ନିଜର ସ୍ବାର୍ଥ ହାସଲ କରିବାର ଆଶା ବଢ଼ିଯାଇଛି l ଆଉ ଯେଉଁଠି ଆଶା ରହିଲା, ଏଠି କିଏ ସଫଳତା ପାଇବ ତ କିଏ ନିରାଶ ହେବ l ବାପା ମା କି ଗୁରୁଜନ ଅବା ସାଙ୍ଗ ସାଥୀ କି ପ୍ରେମିକ ପ୍ରେମିକା ହୁଅନ୍ତୁ , ସଭିଙ୍କ ଭଲ ପାଇବା ଏବେ ଯେ ଲୋକ ଦେଖାଣୀଆ ହୋଇଗଲାଣି ତାହା ସମାଜର କେତେ ଗୁଡ଼ିଏ ଘଟଣାକୁ ଆଖି ସାମ୍ନାକୁ ନେଲେ ଆପଣ ଅନୁଭବ କରିପାରିବେ l ନିକଟରେ ଉତ୍ତର ପ୍ରଦେଶରେ ଜଣେ ସ୍ବାମୀ ସ୍ତ୍ରୀକୁ ପାଠ ପଢ଼ାଇ ଉଚ୍ଚଶିକ୍ଷିତା କଲା ପରେ ସ୍ତ୍ରୀ ସ୍ବାମୀକୁ ନପଚାରିବା ଓ ଅନ୍ୟ ଜଣକୁ ଭଲ ପାଇବା ପୁରା ଦେଶରେ ଚର୍ଚ୍ଚାର ବିଷୟ l ଏ ଘଟଣା କେବଳ ଦେଶର ଗୋଟିଏ ଘଟଣା ନୁହେଁ, ବରଂ ଅନ୍ୟ ରାଜ୍ୟରେ ମଧ୍ୟ ଏହିପରି ଘଟଣା ସାମ୍ନାକୁ ଆସିଛି l ଠିକ୍ ସେହିପରି ପ୍ରତ୍ୟେକ ଦିନ ଖବର କାଗଜମାନଙ୍କରେ ଓ ଟିଭିରେ ପ୍ରେମ ପ୍ରତାରଣାର ଖବର କଥା ନକହିବା ଭଲ l ଆଉ ରହିଲା ପରିବାର କଥା, ଛାଡ଼ନ୍ତୁ, l ଚାରି ଚାରି ଟା ପୁଅର ମା ରାସ୍ତା କଢ଼ରେ ଖାଇବାକୁ ନପାଇ ଜୀବନ ସହ ସଂଗ୍ରାମ କରିବା ଓ ବହୁ ବାପା, ମା ଅନାଥ ଆଶ୍ରମରେ ଦୁଃଖ କଷ୍ଟରେ ଜୀବନ କଟାଇବା କିଏ ବା ନ ଜାଣିଛି l ଏସବୁ ତ ସମାଜର ଯେମିତି ଗୋଟେ ଅଙ୍ଗ ହୋଇ ଯାଇଛି l ହେଲେ ବିଡ଼ମ୍ବନାର ବିଷୟ ଟି ହେଲା ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ତମକୁ ଦେଖାଣିଆ ଭଲ ପାଆନ୍ତି l ସବୁଦିନ ସାଥିରେ ଥିବେ, ହେଲେ ଠିକ୍ ସମୟରେ ସାଥ ଦେଉନଥିବେ l ସେ ଚରିତ୍ର ଆଜି ଭଲ ପାଇବା ସୁନ୍ଦର ବଗିଚାରେ ବିଷାକ୍ତ ପୋକ ପରି ମାଡ଼ି ଚାଲିଛି l ଆଉ ଏହି ଲୋକ ଦେଖଣିଆ ଭଲ ପାଇବାର ଯେଉଁମାନେ ପ୍ରେମିକ ଓ ପ୍ରେମିକା ସାଜୁଛନ୍ତି ସେମାନେ ଏବେ ନା କିଛି କହିପାରୁଛନ୍ତି ନା କିଛି ସହି ପାରୁଛନ୍ତି l କେବଳ ସମୟକୁ ଦୋଷ ଦେଇ ସବୁ କିଛି ଭୁଲିଯିବାକୁ ଚେଷ୍ଟା କରୁଛନ୍ତି l ଜୀବନଟା ବହୁତ୍ ସୁନ୍ଦର, ତାକୁ ସୁନ୍ଦର ଭାବେ କଟାଇବା ଉଚିତ୍। ଚାଲ ଲୋକ ଦେଖାଣିଆ ନୁହେଁ,ପୁରା ଦିଲ ସେ ଭଲ ପାଇବା l ନା ସେଥିରେ ଥିବ କିଛି ପାଇବାର ଆଶା ନା କିଛି ହରାଇବାର…
