() ଆଜିଠୁ ମାଆଙ୍କ ଷୋଳପୂଜା ଆରମ୍ଭ। ପୀଠରେ ଦେବୀ ଆରାଧନା ଓ ଉପାସନା ଆରମ୍ଭ ହୋଇଛି l ସମସ୍ତ ଶକ୍ତି ପୀଠ ଚଳଚଞଚଳ ହୋଇଛି l ରୀତିନୀତି ଅନୁସାରେ ବିଭିନ୍ନ ଶକ୍ତି ପୀଠରେ ପୂଜା ଆରମ୍ଭ ହୋଇଛି l ପାର୍ବଣର ମହକ ଏବେ ଚାରିଆଡେ଼ ଖେଳି ଯାଇଛି l ମାଆ କଲ୍ୟାଣିମୟୀ , ଜଗତଜନନୀ ସଭିଙ୍କ ଦୁଃଖ ଦୂରକରେ l ଯାଜପୁର ଅଧିଷ୍ଠାତ୍ରୀ ଦେବୀ ମା ବିରଜା ପୀଠରେ ଆଜିଠାରୁ ଷୋଡ଼ଶ ଉପଚାର ପୂଜା ଆରମ୍ଭ ହେବ l ଆଜି ରାତିରୁ ସମସ୍ତ ରୀତିନୀତି ଅନୁସାରେ ୧୬ଟି କଳସ ବସାଯାଇ ପୂଜା ଆରମ୍ଭ କରାଯିବ l ଭାରତ ବର୍ଷର ଗୋଟାଏ ଦେବୀ ପୀଠ ହେଉଛି ମା ବିରଜାଙ୍କ ପୀଠ, ଯେଉଁଠାରେ ୯ଦିନ ଧରି ମାଙ୍କ ବିଜୟା ରଥ ମନ୍ଦିର ପରିକ୍ରମଣ କରେ ବିଶ୍ଵର ମଙ୍ଗଳ ପାଇଁ l ଅଧିଷ୍ଠାତ୍ରୀ ଦେବୀ ମା ବିରଜା ଙ୍କ ଶାରଦୀୟ ପୂଜା ଉତ୍ସବ ପାଇଁ ଚଳଚଞ୍ଚଳ ହୋଇଛି ବିରଜା କ୍ଷେତ୍ର । ଦୂତିଆ ଠାରୁ ମା’ଙ୍କ ଷୋଡଶ ଉପଚାର ପୂଜା ଆରମ୍ଭ ହୋଇଥାଏ।ମା’ଙ୍କର ଏହି ପୂଜା ୧୬ଦିନ ଧରି ହୋଇଥାଏ । ଆଜି ସନ୍ଧ୍ୟାରେ ମା’ଙ୍କ ମନ୍ଦିର ରେ ରୀତି ନୀତି ଅନୁସାରେ ପୂଜା ଅର୍ଚ୍ଚନା କରି ବିରାଟ ପଟୁଆରରେ ମନ୍ଦିର ରୁ ଛତା ତରାସ ସହ ଘଣ୍ଟ ଘଣ୍ଟା ବଜାଇ ବ୍ରହ୍ମାକୁଣ୍ଡ କୁ ଯାଇ କଳସ ପୂଜା ଅର୍ଚ୍ଚନା କରାଯାଇ ୧୬ କଳସ ମଧ୍ୟରୁ ୧୦ କଳସ ସ୍ଥାପନ କରାଯାଇ ଥାଏ ।ଆଜି ରାତ୍ର ଠାରୁ ମା’ଙ୍କର ଷୋଡ଼ଶ ଉପଚାର ପୂଜା ଆରମ୍ଭ ହୋଇଥାଏ ।ଏହା ସହ ଯଜ୍ଞ ମଣ୍ଡପରେ ଘଟ ସ୍ଥାପନ କରାଯାଇଥାଏ ।
