() ଏମିତି ତ କହିବାକୁ କିଛି ନାହିଁ l ଦେଖା ହେଲେ କଣ କଥା ହେବି l ଖାଲି ଭଲ ଅଛ କି ନାହିଁ ପଚାରିଦେବି l ଆଉ ତା ପରେ ଯାହା ମନକୁ ଆସିବ l ଆରେ ପଚାରିଲେ କଣ ସେ ମତେ ଖରାପ ଭାବିବ ? କଣ ଭଲ ଅଛ ପଚାରିବି ଏଥିରେ ଖରାପ କଣ ଅଛି ଯେ , ଭାବୁଛି ପ୍ରଥମେ ପଚାରିବି ତମ ନା କ’ଣ l ତା ପରେ ଘର କଥା, ଆଉ ଏବେ କଣ କରୁଛ l ହେ ଏସବୁ କଥା ପଚାରିବା ଅପେକ୍ଷା ସିଧା ସିଧା କହିବି ଯାହା ମନକୁ ଆସିବ l ଏପରି ଅନେକ ପ୍ରଶ୍ନ ସେଦିନ ନବ ମନକୁ ଆସିଥିଲା l ପ୍ରଥମେ କଣ କହିବ କିନ୍ତୁ ସ୍ଥିର କରିପାରିନଥିଲା ନବ l କେବଳ ଭାବିଭାବି ଚିନ୍ତା ରାଇଜରେ ହଜିଗଲା l
ତାପର ଦିନ ହଠାତ୍ ସାହସ ଜୁଟାଇ ରୋଜି ପାଖକୁ ଯିବାକୁ ବାହାରିଲା l ସିଧା ହଷ୍ଟେଲ ପାଖରେ ପହଞ୍ଚିଗଲା l କେଜାଣେ କାହିଁକି ରୋଜି ହଷ୍ଟେଲ ଗେଟ୍ ପାଖରେ ଏମିତି ବୁଲୁଥିଲା l ନବକୁ ଦେଖି ପଚାରିଲା, ତମେ କଣ ଏଠି ? କାହାକୁ ଦେଖା କରିବାକୁ ଆସିଛନ୍ତି ନା ଆଉ କଣ? ରୋଜି ଠାରୁ ଏକଥା ଶୁଣି ନବ ପ୍ରଥମେ କଣ ଉତ୍ତର ଦେବ ପୁରା ଚିନ୍ତାରେ ପଡ଼ିଗଲା l ମନ ଭିତରେ ଭୟ ରଖି ପଚାରିଲା ରୋଜି କେମିତି ଅଛୁ , ନାଇ ମୁଁ ଏମିତି ଆସିଥିଲି l ପୁଣି ରୋଜି ପଚାରିଲା କାହା ପାଖକୁ ଯେ ? ନବ ସେଠୁ କଣ କହିବ କିଛି ଚିନ୍ତା କରିପାରିଲା ନାହିଁ l ଡରି ଡରି ନବ କହିଲା….
