ପାରଳାଖେମୁଣ୍ଡି,୨୫l୮()-ରାଜ୍ଯ ସରକାର ସାମ୍ବାଦିକ ଙ୍କ ଦାୟିତ୍ବ ନେଇଛନ୍ତି। ନିକଟରେ ମୁଖ୍ଯମନ୍ତ୍ରୀ ଏହି ପ୍ରତିଶ୍ରୁତି ଦେଇଛନ୍ତି। ସଂଘର ଦାବି ଅତି ଜଥାର୍ଥ। ଏଣୁ ସରକାରଙ୍କ ସହ ଆଲୋଚନା କରି ଦାବି ଗୁଡିକର ସମାଧାନ କରାଯିବ। ଗଜପତି ଜିଲ୍ଲା ପାରଳାଖେମୁଣ୍ଡି ଠାରେ ଆଜି ଓଡିଶା ସାମ୍ବାଦିକ ୟୁନିଅନ ର ରାଜ୍ଯ କାର୍ଯ୍ଯକାରିଣୀ ବୈଠକ ଓ ମହା ସମାବେଶରେ ମୁଖ୍ଯ ଅତିଥି ଭାବେ ପରିବହନ ଓ ଖଣି ମନ୍ତ୍ରୀ ବିଭୂତି ଭୂଷଣ ଜେନା, ସମ୍ମାନିତ ଅତିଥି ଭାବେ ଗଣଶିକ୍ଷା ଓ ଅନୂସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ମନ୍ତ୍ରୀ ନିତ୍ଯାନନ୍ଦ ଗଣ୍ଡ, ସାଂସଦ ପ୍ରଦୀପ ପାଣିଗ୍ରାହୀ, ବିଧାୟକ ସିଧାନ୍ତ ମହାପାତ୍ର ଓ ଦାଶରଥି ଗମାଙ୍ଗ ଏଭଳି କହିଥିଲେ। ରାଜ୍ଯ ସଭାପତି ପ୍ରଶନ ମହାନ୍ତି ଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପ୍ରଥମ ଅଧିବେଶନ ରେ ସଂଘର ରାଜ୍ଯ କାର୍ଯ୍ଯକାରିଣୀ ବୈଠକରେ ସାମ୍ବାଦିକମାନଙ୍କ ବିଭିନ୍ନ ସମସ୍ଯା ଓ ସାଙ୍ଗଠନିକ ପ୍ରସଙ୍ଗରେ ଆଲୋଚନା ହୋଇ ଓୟୁଜେ ର ଆନ୍ଦୋଳନ ଅବ୍ ଆହତ ରହିବ ବୋଲି ନିଷ୍ପତ୍ତି ନିଆଯାଇଥିଲା । ଏହି ସମ୍ମିଳନୀ ଉଦଘାଟନି ମଞ୍ଚରେ ଅତିରିକ୍ତ ଜିଲ୍ଲାପାଳ ରାଜେନ୍ଦ୍ର ମିଞ୍ଜ, ଡିଏସପି ଚନ୍ଦ୍ର ଶେଖର ହୋତା ପ୍ରମୁଖ ଉପସ୍ଥିତ ରହି ସଂଘର ସ୍ମାରକପତ୍ର ଗ୍ରହଣ କରିଥିଲେ। ଓୟୁଜେ ଗଜପତି ୟୁନିଟ୍ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ସଂଗୀତ ନିର୍ଦ୍ଦେଶକ ରଘୁନାଥ ପାତ୍ର, ବରିଷ୍ଠ ସାମ୍ବାଦିକ ଲିଙ୍ଗରାଜ ମିଶ୍ର, ଡଃ ରଜତ କୁମାର ସେଠୀଙ୍କ ସମେତ ରାୟଗଡା ଜିଲ୍ଲା ର ସଭାପତି ରାଧାକୃଷ୍ଣ ପଟ୍ଟନାୟକ, ସମ୍ପାଦକ ରଂଜିତ ପାଢି ଓ ବରିଷ୍ଠ ସଦଶ୍ଯ ରାଜେଶ ପଟ୍ଟନାୟକ ଙ୍କୁ ଉପଢୌକନ ଓ ମୁମେଣ୍ଟୋ ଦ୍ବାରା ସମ୍ବର୍ଦ୍ଧନା କରାଯାଇଥିଲା। ସମାବେଶ ପୁର୍ବରୁ ଆଜି ସକାଳେ ସଂଘର ଶତାଧିକ ସଦଶ୍ଯ ସ୍ଥାନୀୟ ଗଜପତି ପ୍ଯାଲେସ୍ ଠାରୁ ବଜାର ଛକ ଯାଏଁ ଶୋଭାଯାତ୍ରା ରେ ଯାଇ ଗଜପତି ମହାରାଜାଙ୍କ ପ୍ରତିମୁର୍ତି ରେ ପୁଷ୍ପମାଲ୍ଯ ଅର୍ପଣ କରିଥିଲେ। ସେଠାରେ ସାମ୍ବାଦିକ ମାନେ ସେମାନଙ୍କ ଦାବି ଗୁଡିକ ଉଲ୍ଲେଖ ଥିବା ପ୍ଲାକାର୍ଡ ଧରି ଧାରଣା ଦେଇଥାଲେ। ଆଜିର ଏହି କାର୍ଯ୍ଯକ୍ରମରେ ଅନ୍ଯ ମାନଙ୍କ ମଧ୍ୟରେ ରାଜ୍ଯ ସାଧାରଣ ସମ୍ପାଦକ କମ୍ବୁପାଣି ମିଶ୍ର, ଉପ ସଭାପତି ରାଜେଶ ପଟ୍ଟନାୟକ, ପ୍ରଶନ ପାଇକରାୟ, ଅଶୋକ ନନ୍ଦ, ଅମୁଲ୍ଯ ସ୍ବାଇଁ, ଅକ୍ଷୟ ସାହୁ, ରାଜିବ ମହାନ୍ତି, ପରିକ୍ଷିତ ବିଶ୍ବାଳ, କିଶାନ ରାଉତ, ପ୍ରଶାନ୍ତ ବେହେରା ଙ୍କ ସମେତ ଗଜପତି ଜିଲ୍ଲା ର ସଭାପତି ବସନ୍ତ ପଣ୍ଡା, କାର୍ଯ୍ଯକାରି ସଭାପତି ରୂପେଶ ସାହୁ, ସାଧାରଣ ସମ୍ପାଦକ ଆଦର୍ଶ ଦାସ, ଉପଦେଷ୍ଟା କେ. ରାମ ସ୍ବାମୀ, ସମ୍ପାଦକ ଗିରିଧାରି ପରିତ୍ସା, ରାମ ଗୋବିନ୍ଦ ଆଚାର୍ଯ୍ୟ, ସତ୍ଯ ନାରାୟଣ ପାଢି, କେଦାରନାଥ ପାତ୍ର, ହରିହର ପଟ୍ଟନାୟକ, ବାସୁଦେବ ଦାସ ପ୍ରମୁଖ ମିଳିତ ଭାବେ ଏହି କାର୍ଯ୍ଯକ୍ରମ ଆୟୋଜନ କରିଥିଲେ। ଏହି କାର୍ଯ୍ୟକ୍ରମରେ ସ୍ଥାନୀୟ ଭକ୍ତି ସଂଗୀତ ସଂସଦ ପକ୍ଷରୁ ପ୍ରାରମ୍ଭିକ ସଂଗୀତ ଗାନ କରାଯାଇ ଥିଲା।
