() ମେଡିକାଲ ଆସୋସିଏସନ, ଭୁବନେଶ୍ବର ସଭାଗୃହରେ ସାରା ଓଡ଼ିଶାର ଘରୋଇ ଡାକ୍ତରଖାନା ଓ କର୍ପୋରେଟ ଡାକ୍ତରଖାନାର ଉଦ୍ୟୋକ୍ତା ଓ ସିଇଓମାନଙ୍କ ଏକ ଜରୁରୀ ବୈଠକ ବସିଥିଲା । ସଦ୍ୟ କରାଯାଇଥିବା ଗୋପବନ୍ଧୁ ଓ ଆୟୁଷ୍ମାନ ଭାରତର କାର୍ଯ୍ୟକାରିତା ନେଇ ଘୋର ଉଦ୍ବେଗ ପ୍ରକାଶ କରାଯାଇଛି । ପ୍ରତି ଘରୋଇ ଚିକିତ୍ସାଳୟ ରୋଗୀ ଚିକିତ୍ସା ପାଇଁ ଉଦ୍ଦିଷ୍ଟ ସପ୍ଟୱେରରେ ଗୁରୁତର ସମସ୍ୟାର ସମ୍ମୁଖୀନ ହେଉଛନ୍ତି । ବାରମ୍ବାର ୧୦ଟି ଓଟିପି, କ୍ଷୁଦ୍ରଡାଟା ସାଇଜ, ରୋଗୀର ଅର୍ଥ ପରିମାଣ ଜଣା ପଡୁନଥିବା ଓ ପ୍ରିଣ୍ଟ ହୋଇ ନ ପାରିବା ଭଳି ଅନ୍ଧା ପ୍ୟାକେଜ ଜଣେ ମେଡିକାଲ ସୁପରିଡେଣ୍ଟଙ୍କର ୨୪ ଘଣ୍ଟା ଓଟିପି ଉପରେ ଓଟିପି ବଖାଣିବା ଅସମ୍ଭବ କାର୍ଯ୍ୟ । ଖୁବ ମନ୍ଥର କାର୍ଯ୍ୟ ଏହି ପ୍ୟାକେଜ । ପୁଣି ପ୍ୟାକେଜ୍ଗୁଡ଼ିକ ରୋଗୀ ବିଷୟରେ ସ୍ୱୀକୃତି ନେବାରେ ବିଳମ୍ବ ହେଉଥିବାରୁ ଜରୁରୀ ରୋଗୀ ସମୟରେ ସ୍ୱୀକୃତି ନ ପାଇ ହଟହଟା ହେଉଛି । ଅନେକ ଅନାବଶ୍ୟକ ଫଟୋ, ରିପୋର୍ଟ, ବାଧ୍ୟତାମୂଳକ ହେବାରୁ ଏବଂ ନିର୍ଦ୍ଦିଷ୍ଟ ପରିମାଣର ଅର୍ଥ ନେଇ ମଧ୍ୟ ବିଲ୍ ମାଗିବାର ଯଥାର୍ଥ ନୁହେଁ । ଜଣେ ରୋଗୀ ଡାକ୍ତରଖାନାରୁ ଡିସଚାର୍ଜ ହୋଇ ପୁଣି ଦିନେ ଦୁଇ ଦିନରେ ଗୁରୁତର ହୋଇ ବି ଏହି ସ୍କମିରେ ଭର୍ତ୍ତିହେବା ଅସମ୍ଭବ ମନେହୁଏ । ସବୁଠାରୁ ଦୁଃଖର ବିଷୟ ପ୍ରତ୍ୟେକ ରୋଗୀ ପାଇଁ ଯେଉଁ ପ୍ୟାକେଜ୍ ଦେୟ ରହିଛି, ତାହା ନିକଟ ଅତୀତରେ ପରିମାଣ ଠାରୁ ବହୁତ କମ୍ । ପୁଣି ଜୀବନରକ୍ଷାକାରୀ ଅସ୍ଥିଶଲ୍ୟ, ସ୍ନାୟୁଶଲ୍ୟ, ସ୍ତ୍ରୀ ବିଭାଗର ଇମ୍ଲାଣ୍ଟ ପରିମାଣ ନଗଣ୍ୟ ରହିଛି । ହୃଦ୍ପିଣ୍ଡର ପେସ୍ମେକର ନିମ୍ନତମ ମୂଲ୍ୟ ଦେଢ଼ଲକ୍ଷ ହେଲେ ହେଁ ଆୟୁଷ୍ମାନ ଭାରତର ୭୫ ହଜାର, ଏହା ଅସମ୍ଭବ । ଉପସ୍ଥିତ ଥିବା ଘରୋଇ ଡାକ୍ତରଖାନାରେ ପ୍ରତିନିଧିମାନେ ଏହି ସଫ୍ଟୱେୟାର ରୋଗୀ ଆଡ୍ମିସନ ପଦ୍ଧତି ଓ ପ୍ୟାକେଜ୍ ରେଟ୍ ନେଇ ଘୋର ଅସନ୍ତୋଷ ପ୍ରକାଶ କରିଛନ୍ତି । ପ୍ରତିନିଧିମାନଙ୍କ ପୂର୍ବରୁ ଉନ୍ନତମାନର ପ୍ୟାକେଜ୍ ଓ ପରିବର୍ଦ୍ଧିତ ମୂଲ୍ୟ ଦେବା ଆଶା ଦେଇ ଅସମ୍ଭବ ପରିମାଣ ନିର୍ଦ୍ଧାରଣ କରାଯାଇଛି । ସମସ୍ତେ ମତପ୍ରକାଶ କରିଛନ୍ତି ଯେ ଆସନ୍ତା ୧୫ ଦିନରେ ଏଗୁଡ଼ିକରେ ସଂଶୋଧନ କରାନଗଲେ ଏହି ସ୍ୱାସ୍ଥ୍ୟ ଯୋଜନାରୁ ଓହରିଯିବେ ବୋଲି ରାଜ୍ୟ ଘରୋଇ ଚିକିତ୍ସାଳୟ ଫୋରମ୍ ର ସମ୍ପାଦକ ଡାଃ ଇନ୍ଦ୍ରମଣି ଜେନା କହିଛନ୍ତି
