କୋରାପୁଟ: ସ୍ଥାନୀୟ ସେମିଳିଗୁଡାର ସରସ୍ବତୀ ନଗରରେ ରୁହନ୍ତି ୨୮ ବର୍ଷୀୟ ବାଦଲ କୁମାର ବେହେରା । ସେ କିଛି ଦିନ ଆଗରୁ ଜଣେ ଅନ୍ୟ ଜାତିର ଯୁବତୀ ସହ ପ୍ରେମ ବିବାହ କରିଥିଲେ । ଯେଉଁ ବିବାହକୁ ନେଇ ଯୁବତୀଙ୍କ ପରିବାର ତରଫରୁ ବିରୋଧର ସମ୍ମୁଖିନ ହୋଇଥିଲେ । କିନ୍ତୁ ସେ ସବୁକୁ ଖାତିର ନକରି ଯୁବତୀଙ୍କ ସହ ବୈବାହିକ ଜୀବନ ଆରମ୍ଭ କରିଥିଲେ । କିଛି ଦିନ ହେବ କୌଣସି କାରଣରୁ ଉଭୟଙ୍କ ମଧ୍ୟରେ ମନମାଳିନ୍ଯ ଦେଖାଦେଇଥିଲା । ସେହି କାରଣରୁ ଉଭୟେ ଅଲଗା ଅଲଗା ରହୁଥିବା ବେଳେ ଯୁବକ ଜଣକ ମାନସିକ ଚାପରେ ରହୁଥିଲେ । ଆଜି ହଠାତ୍ ବେକରେ ରଶି ଲଗାଇ ଆତ୍ମହତ୍ୟା କରିଥିଲେ । ଆତ୍ମହତ୍ୟା କରିବା ପୂର୍ବରୁ ବାଦଲ ସାତପୃଷ୍ଠା ବିଶିଷ୍ଟ ଏକ ଚିଠି ଲେଖି ଯାଇଛି । ଯେଉଁ ଚିଠିରେ ସେ ତା ମୃତ୍ୟୁ ପାଇଁ କେହି ଦାୟୀ ନୁହନ୍ତି ଉଲ୍ଲେଖ କରିଥିବା ବେଳେ ନିଜର ଶେଷ ଇଚ୍ଛା, ନିଜ ସ୍ତ୍ରୀ ବାଦଲର ମୃତଦେହକୁ ଆସି ଦେଖିଲେ ତା ଆତ୍ମାକୁ ଶାନ୍ତି ମିଳିବ ବୋଲି ଅନୁରୋଧ କରିଛି । ସ୍ଥାନୀୟ ପୋଲିସ ଏକ ଅପମୃତ୍ଯୁ ମାମଲା ରୁଜ୍ଜୁ କରି ମୃତଦେହକୁ ବ୍ଯବେଚ୍ଛଦ ପାଇଁ ପଠାଇବା ସହ ତଦନ୍ତ ଚାଲୁରଖିଛି ।
