ବ୍ୟାସନଗର: ଯାଜପୁର ଜିଲ୍ଲା ତଥା ଜିଲ୍ଲା ବାହାରେ ଖ୍ଯାତି ଅର୍ଜନ କରିଥିବା ଗଣମାଧ୍ୟମ ସଂଗଠନ ବ୍ୟାସନଗର ପ୍ରେସ୍ ଫୋରମ୍ ଦ୍ୱାରା ଷଷ୍ଠ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଅଞ୍ଚଳରେ ଥିବା ୧୫ଗୋଟି ଶିକ୍ଷା ଅନୁଷ୍ଠାନର ଛାତ୍ର ଛାତ୍ରୀଙ୍କୁ ଏହି କାର୍ଯ୍ୟକ୍ରମରେ ସାମିଲ କରାଯାଇଥିଲା । ଦଳାଠାରେ ଥିବା ଗ୍ଲୋରିୟଶ୍ ଇଂଲିସ୍ ମିଡିଅମ୍ ସ୍କୁଲ୍ ରେ ଆୟୋଜିତ କାର୍ଯ୍ୟକ୍ରମରେ ଫୋରମ୍ ର ସଭାପତି ଅଭୟ ପତି ସଭାପତିତ୍ବ କରିଥିଲେ । ଯାଜପୁର ରୋଡ ଥାନା ଅଧିକାରୀ ଅନିଲ୍ କୁମାର ମହାନ୍ତି ମୂଖ୍ୟ ଅତିଥି ଭାବେ ଯୋଗଦେଇଥିବା ବେଳେ ଅନ୍ୟତମ ଅତିଥି ଭାବେ ସ୍କୁଲ୍ ର ପ୍ରିନ୍ସିପାଲ୍ କଳ୍ପତରୁ ସାହୁ ଯୋଗ ଦେଇଥିଲେ । ଫୋରମ୍ ର କାର୍ଯ୍ୟକାରୀ ସଭାପତି ପ୍ରକାଶ ରାଉତ ଅତିଥି ପରିଚୟ ପ୍ରଦାନ କରିଥିଲେ,ସମ୍ପାଦକ ଉଦୟନାଥ ଖଣ୍ଡାଇ ସ୍ବାଗତ ଭାଷଣ ଦେଇଥିଲେ । ବିଭିନ୍ନ ସମୟରେ ସମାଜରେ ଉନ୍ନତି ମୂଳକ କାର୍ଯ୍ୟ କରୁଥିବା ଏହି ସଂଗଠନ ଛାତ୍ର ଛାତ୍ରୀଙ୍କ ଜ୍ଞାନ ଓ ଅନ୍ତର୍ନିହିତ କଳାର ବିକାଶ ପାଇଁ ଆଜିକୁ ଛଅ ବର୍ଷ ପୂର୍ବେ ଏହି ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ ଆୟୋଜନ କରିଥିଲା । ଏହି ପରିପ୍ରେକ୍ଷୀରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଯଥା ଚିତ୍ରାଙ୍କନ,ସାଧାରଣଜ୍ଞାନ ଓ ନୃତ୍ୟ ହେଉଥିବା ବେଳେ ଗୃହିଣୀ ମାନଙ୍କୁ ନେଇ ପାରମ୍ପାରିକ ଖାଦ୍ୟ ପ୍ରତିଯୋଗୀତା ହୁଏ । ଏହି କ୍ରମରେ ଆଜି ଅନୁଷ୍ଠିତ ପ୍ରତିଯୋଗିତାରେ ସାଧାରଣଜ୍ଞାନ ରେ ମୋନାଲି ପଣ୍ଡା(ଏନ୍ ସି ହାଇସ୍କୁଲ)ପ୍ରଥମ, ସୌମ୍ଯରଞ୍ଜନ ପରିଡା (କ୍ରୋମନଗର ବିଦ୍ଯାପୀଠ)ଓ ପ୍ରିୟାଂଶୁ ପ୍ରିୟଦର୍ଶନ (ସେଣ୍ଟ ଜାଭିଅର)ଯୁଗ୍ମ ଦ୍ବିତୀୟ ଏବଂ ସ୍ବେତାଲିନ୍ ଓଝା (ଏନ୍ ସି ହାଇସ୍କୁଲ୍)ତୃତୀୟ ସ୍ଥାନ ଅଧିକାର କରିଛନ୍ତି । ଚିତ୍ରାଙ୍କନରେ ସ୍ବପ୍ନା ସାଗରିକା ଧଳ(ଜେମ୍ସ୍),ସେଣ୍ଟ ଜାଭିଅର ସ୍କୁଲ୍ ର ଋତୁପର୍ଣ୍ଣା ମହାନ୍ତି ଓ ସତ୍ୟଦର୍ଶି ରାଉତ ପ୍ରଥମ ସ୍ଥାନ ଅଧିକାର କରିଥିବା ବେଳେ ସେହି ସ୍କୁଲର ପ୍ରାଣେନ୍ଦୁ ବିକାଶ ଖୁଣ୍ଟିଆ,ସୁଶ୍ରୀ ସୋହାନି ଧିର,ସତ୍ୟଦର୍ଶି ରାଉତ ଦ୍ବିତୀୟ ତଥା ବୈଷ୍ଣବୀ ତିହ୍ବାରୀ,ଚିନ୍ମୟୀ ସାମନ୍ତରାୟ ଓ ସୁଲଗ୍ନା ଶୁଭଦର୍ଶିନି ତୃତୀୟ ସ୍ଥାନ ହାସଲ କରିଛନ୍ତି । ନୃତ୍ୟ ବିଭାଗକୁ ପାଞ୍ଚୋଟି ସ୍ତରରେ ଭାଗ କରାଯାଇଥିଲା । ଓଡ଼ିଶୀ ବିଭାଗରେ ଜେମ୍ସ୍ ସ୍କୁଲର ସିମରନ୍ ସାହୁ ପ୍ରଥମ ଓ ସ୍ବର୍ଣ୍ଣଲକ୍ଷ୍ମୀ ମିଶ୍ର ଦ୍ବିତୀୟ ହୋଇଥିବା ସ୍ଥଳେ ମନିସ୍ ରଞ୍ଜନ ମଲ୍ଲିକ(ସେଣ୍ଟ ଜାଭିଅର)ତୃତୀୟ ହୋଇଛନ୍ତି । ସବ୍ ଜୁନିୟର ବିଭାଗରେ ବ୍ଯାଶଶ୍ରୀ କଳା ନିକେତନର ତେଜସ୍ଵୀନି ରାଉତ ପ୍ରଥମ,ଶୁଭଲକ୍ଷ୍ମୀ ଖୁଣ୍ଟିଆ ଦ୍ବିତୀୟ ଓ ରାଣୀ ମହାପାତ୍ର ତୃତୀୟ ସ୍ଥାନ ଅଧିକାର କରିଛନ୍ତି । ଜୁନିୟର ବିଭାଗରେ ଜେମ୍ସ୍ ସ୍କୁଲର ଭାବନା କୁମାରୀ ଓ ବୈଷ୍ଣବୀ ନାୟକ ପ୍ରଥମ ଓ ତୃତୀୟ ଏବଂ ବ୍ଯାଶଶ୍ରୀ କଳା ନିକେତନର ଅଭିଲିପସା ଦ୍ବିବେଦୀ ଦ୍ବିତୀୟ ସ୍ଥାନ ହାସଲ କରିଛନ୍ତି ।ସେହିପରି ସିନିଅର ରେ ସେଣ୍ଟ ଜାଭିଅର ସ୍କୁଲ୍ ର ହର୍ଷିତା ଖଟୁଆ,ବିଶ୍ବଜିତା ମହାନ୍ତି ଓ ଅନନ୍ଯାରଶ୍ମି ରାଉତ ଯଥାକ୍ରମେ ପ୍ରଥମ, ଦ୍ବିତୀୟ ଓ ତୃତୀୟ ହୋଇଥିବା ବେଳେ ଜୋତିର୍ମୟୀ ସ୍ବାଇଁ(ସରସ୍ବତୀ ଶିଶୁ ବିଦ୍ୟା ମନ୍ଦିର ମୁଣ୍ଡମାଳ)ଯୁଗ୍ମ ତୃତୀୟ ହୋଇଥିଲେ ।ଡୁଏଟ୍ ରେ ଗାୟତ୍ରୀ ବଳବନ୍ତରାୟ ଓ ଜାଜ୍ଞସେନି ନାୟକଙ୍କୁ ସ୍ବତନ୍ତ୍ର ପୁରସ୍କୃତ କରାଯିବ ।ନୃତ୍ୟ ପରିବେଷଣରେ ବିଚାରକ ଭାବେ ବିରଞ୍ଚି ମହାନ୍ତି ଓ ମନୋରଞ୍ଜନ ଦାସ ଯୋଗ ଦେଇଥିଲେ । ଗୃହିଣୀ ମାନଙ୍କୁ ନେଇ ଆୟୋଜିତ ପାରମ୍ପାରିକ ଖାଦ୍ୟ ପ୍ରତିଯୋଗୀତାରେ ରେସ୍ମା ସାଇଫି ଓ ଜଳ୍ପନା ପଣ୍ଡା ଯୁଗ୍ମ ପ୍ରଥମ, ମଧୁସ୍ମିତା ଲେଙ୍କାଙ୍କ ସମେତ ମାଧୁରି କାବ୍ରା ଯୁଗ୍ମ ଦ୍ବିତୀୟ ଏବଂ ସୁମନ୍ କାବ୍ରା, ନସ୍ରିନ୍ ବାନୁ,ସାଇଲି ଓସ୍ବାଲ୍ ତୃତୀୟ ସ୍ଥାନ ଅଧିକାର କରିଛନ୍ତି ।ଗୃହିଣୀ ମାନଙ୍କ ଖାଦ୍ୟ ପ୍ରତିଯୋଗୀତାକୁ ସୂର୍ଯ୍ୟାଂସ ହୋଟେଲ୍ ର ବରିଷ୍ଠ ଶେଫ୍ ଦେବେନ୍ଦ୍ର ବେହେରା ବିଚାରକ ଭାବେ ଅଂଶଗ୍ରହଣ କରିଥିଲେ । କୃତି ଛାତ୍ର ଛାତ୍ରୀ ତଥା ଗୃହିଣୀ ମାନଙ୍କୁ ଆସନ୍ତା ଜାନୁଆରୀ ମାସ ୧୦ତାରିଖରେ ହେବାକୁ ଥିବା ଫୋରମ୍ ର ବାର୍ଷିକ ଉତ୍ସବରେ ପୁରସ୍କୃତ କରାଯିବ । ଛାତ୍ର ଛାତ୍ରୀ ମାନଙ୍କ ପ୍ରତିଯୋଗିତାକୁ ସଞ୍ଚାଳନରେ ଜେମ୍ସ୍ ସ୍କୁଲର ଶିକ୍ଷକ ଶିକ୍ଷତ୍ରୀ ମାନେ ସହାୟତା କରିଥିବା ବେଳେ ବ୍ୟାସନଗର ପ୍ରେସ୍ ଫୋରମ୍ ର ସମସ୍ତ ସଦସ୍ୟ ସହାୟତା କରିଥିଲେ ।
