ଭୁବନେଶ୍ୱର : କିଏ ଯିବ ରାଜ୍ୟସଭା । କାହା ମୁଣ୍ଡରେ ହାଇକମାଣ୍ଡ ଢାଳିବେ ସୁନା କଳସ । ରାଜ୍ୟସଭା ପାଇଁ ି ବିଗୁଲ ବାଜିଲା ପରେ ଏହି ଚର୍ଚ୍ଚା ପାୱାର କରିଡ଼ର ଠାରୁ ଆରମ୍ଭ କରି ଚା ଖଟି ଯାଏ ଜୋରଦାର ହୋଇଛି । ଏପ୍ରିଲ ୨ରେ ଓଡ଼ିଶାର ୪ଟି ରାଜ୍ୟସଭା ଆସନ ଖାଲିପଡ଼ୁଛି । ରାଜ୍ୟସଭା ସାଂସଦ ସରସ୍ୱତୀ ହ୍ରେମରମ,ନରେନ୍ଦ୍ର ସ୍ୱାଇଁ, ରଞ୍ଜୀବ ବିଶ୍ୱାଳ ଓ ଲୋକସଭା ନିର୍ବାତି ହେବା ପରେ ଅନୁଭବ ମହାନ୍ତିଙ୍କ ଆସନ । ଏହି ୪ଟି ଆସନରୁ ଓଡ଼ିଶାରୁ କିଏ ଯିବ । ତାହାକୁ ନେଇ କଳ୍ପନା ଜଳ୍ପନା ଜାରୀ ରହିଥିବା ବେଳେ ସାମ୍ନାକୁ ଆସିଛି ଲବିରେ ଆଗରେ ଥିବା କିଛି ଚର୍ଚ୍ଚିତ ବ୍ୟକ୍ତିଙ୍କ ନାଁ । ରାଜ୍ୟସଭା ପାଇଁ ବରିଷ୍ଠ ବିଜେଡ଼ି ନେତା ଅରୂପ ପଟ୍ଟନାୟକଙ୍କୁ ପଠାଇବାକୁ ନିଷ୍ପତି ନେଇପାରେ । ମୁମ୍ବାଇ ପୋଲିସ କମିଶନ ଥିବା ବେଳେ ଅରୂପଙ୍କ ଦକ୍ଷତା ଓ ଏବେ ବିଜେଡ଼ିର ସାଂଗଠନିକ ଦାୟିତ୍ୱ ତୁଳାଉଥିବା ଅରୂପକୁ ନବୀନ ରାଜ୍ୟସଭା ପଠାଇବାର ଯଥେଷ୍ଟ ସମ୍ଭାବନା ରହିଛି । ସେହିପରି ଶ୍ରୀମୟୀ ମିଶ୍ରଙ୍କୁ ରାଜ୍ୟସଭା ପଠାଇବା ପାଇଁ ବିଜେଡ଼ି ଚିନ୍ତା କରଉଛି । ଶ୍ରୀମୟୀଙ୍କୁ ରାଜ୍ୟସଭା ପଠାଇଳେ ୩୩ପ୍ରତିଶତ ମହିଳା ସଂରକ୍ଷଣ ଓ ରାଜ୍ୟସଭାରେ ବିଜେଡ଼ିର ମହିଳା ନେତୃତ୍ୱ ମିିଳିବ । ଶ୍ରୀମୟୀ ଏବେ ରାଜ୍ୟ ଓଟିଡ଼ିସିର ଅଧ୍ୟକ୍ଷ ଅଛନ୍ତି । ଏହାସହ ମହିଳା ସଂଗଠନକୁ ସଂଗଠିତ କରିବା ସହ ଦଳର ଭୋଟବ୍ୟାଙ୍କ ସୃଷ୍ଟି କରିବାରେ ତାଙ୍କର ଭୂମିକା ରହିଛି । ଦିଲ୍ଲୀପ ରାୟ । ବିଜୁବାବୁଙ୍କ ଅତି ଘନିଷ୍ଠ । ଏଥର ନିର୍ବାଚନ ଲଢିନାହାନ୍ତି । ସେ ବିଜେପି ଓ ବିଜେଡ଼ି ମଧ୍ୟରେ ଏକ ସେତୁ ହେବେ ଯଦି ସେ ରାଜ୍ୟସଭା ଯାଆନ୍ତି । ତେଣୁ ବିଜେଡ଼ି ଦିଲ୍ଲୀପ ରାୟଙ୍କ ରାଜ୍ୟସଭା ପଠାଇବା ପାଇଁ ଚିନ୍ତା କରୁଛି । ଏହାସହ ଆଡ଼ଭୋକେଟ ଜେନେରାଲ ଅଶୋକ ପରିଜାଙ୍କୁ ନବୀନ ରାଜ୍ୟସଭା ପଠାଇବାରର ଯଥେଷ୍ଟ ସମ୍ଭାବନା ରହିଛି । ଏହାସହ ସିନେ ଅଭିନେତା ତଥା ବିଜେଡ଼ି ଯୁବନେତା ଅରିନ୍ଦମ ରାୟଙ୍କୁ ବିଜେଡ଼ି ଲଥର ରାଜ୍ୟସଭା ପଠାଇବାର ସମ୍ଭାବନା ରହିଛି । ବିଜେପୁର ଉପନିର୍ବାଚନ, ୨୦୧୯ ସାଧାରଣ ନିର୍ବାଚନ , ବିଜେପୁର ଓ ପାଟକୁରା ନିର୍ବାଚନ ଓ କଟକରେ ଦଳର ସାଂଗଠନିକ ଶକ୍ତି ଭୂମିକାରେ ଅରିନ୍ଦମଙ୍କ ଭୂମିକା ବେଶ ଭଲ । ଯେଉଁଥି ପାଇଁ ନବୀନଙ୍କ ଗୁଡ଼ ବ୍ୁକରେ ସେ ଅଛନ୍ତି । ଓଡ଼ିଆ ସିନେ ଜଗତନର ଏହି ଅଭିନେତାଙ୍କୁ ନବୀନ ରାଜ୍ୟସଭା ପଠାଇ ତାଙ୍କର ଦଳ ପ୍ରତି ଥିବା ଆନୁଗତ୍ୟ ପାଇଁ ପୁରସ୍କାର ଦେବେ ବୋଲି ଚର୍ଚ୍ଚା ହେଉଛି । କାରଣ ଓଡ଼ିଅ ସିନେମା ଜଗତରେ ଆସିଥିବା ସବୁ ଅଭିନେତାଙ୍କୁ ନବୀନ ପୁରସ୍କାର ଦେଇଛନ୍ତି । ଅନୁଭବ ମହାନ୍ତିଙ୍କୁ ପ୍ରଥମେ ରାଜ୍ୟସଭା ଓ ପରେ ଲୋକସଭା , ଆକାଶ ଦାସଙ୍କୁ ବିଧାୟକ ହେବାର ସୁଯୋଗ, ସିଦ୍ଧାନ୍ତ ମହାପାତ୍ରଙ୍କୁ ୨ଥର ସାଂସଦ ସୁଯୋଗ , କୁନା ତ୍ରୀପାଠୀଙ୍କୁ ଚଳଚିତ୍ର ନିଗର ଅଧ୍ୟକ୍ଷ , ଏହାସହ ପପୁଙ୍କୁ ବିଧାୟକ ଟକେଟ ଦେଇଛନ୍ତି । ଏସବୁକୁ ଯଦି ବିଚାର କରାଯାଏ ତେବେ ଅରିନ୍ଦମଙ୍କୁ କୌଣସି ସୁଯୋଗ ଦେଇନାହାନ୍ତି ନବୀନ । ତେଣୁ ଏଥର ରାଜ୍ୟସଭା ପଠାଇ ଅରିନ୍ଦମଙ୍କୁ ନବୀନ ପୁରସ୍କାର ଦେଇପାରନ୍ତି ବୋଲି ଚର୍ଚ୍ଚା ହେଉଛି ।
