- Advertisement -
ଯାଜପୁର : କରୋନା କୁ ନେଇ ସାରା ବିଶ୍ୱ ଚିନ୍ତିତ ଥିବା ସମୟରେ କରୋନା ମୁକାବିଲା ପାଇଁ ଦିନ ରାତି ଏକ କରୁଥିବା କରୋନା ଯୋଦ୍ଧା ଙ୍କ ପାଖରେ ଜିଲ୍ଲା ପ୍ରଶାସନ । କରୋନାକୁ ମୁକାବିଲା ପାଇଁ ସରକାର ପ୍ରସ୍ତୁତ ଥିବା ବେଳେ ଡାକ୍ତର,ନର୍ସ,ସଫେଇ କର୍ମଚାରୀ ଏମାନେ ଦିନ ରାତି ଏକ କରି ଯୁଦ୍ଧର ଯୋଦ୍ଧା ସାଜିଛନ୍ତି। ଆଜି ସକାଳୁ ଯାଜପୁର ଜିଲ୍ଲା ପ୍ରଶାସନ ଯାଜପୁର ଟାଉନ ପୋୖରାଞ୍ଚଳରେ କାର୍ଯ୍ୟ କରୁଥିବା ସଫେଇ କର୍ମଚାରୀ ମାନଙ୍କ ପାଖରେ ପହଂଚି କରୋନା ଯୁଦ୍ଧର ପ୍ରକୃତ ଯୋଦ୍ଧା ବୋଲି ବିବେଚିତ କରି ମନୋବଳ ଦୃଢ କରିବା ସହିତ ସେମାନଙ୍କୁ ମାସ୍କ,ଶୁଖିଲା ଖାଦ୍ୟ ପ୍ରଦାନ କରିଥିଲେ । ଏଥିସହ ଏହି ଯୁଦ୍ଧକୁ ଜିତିବା ପାଇଁ ସହରକୁ ପରିଷ୍କାର ପରିଛନ ରଖିବା ନିତ୍ୟାନ୍ତ ଆବଶ୍ୟକ ଓ ଏହାକୁ ସୁଚାରୁରୂପେ ପାଳନ କରୁଥିବାରୁ ଧନ୍ୟବାଦ ମଧ୍ୟ ପ୍ରଦାନ କରିଥିଲେ ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ ।
