ଭୁବନେଶ୍ୱର : ଏବେ ଦେଶରେ ପଙ୍ଗପାଳ ନାମକ ଏକ ପୋକ ଅନେକ ଫସଲ ଉଜାଡୁଛି। ମଧ୍ୟପ୍ରଦେଶ, ଉତ୍ତର ପ୍ରଦେଶ ଛତିଶଗଡ଼ ଆଦି ରାଜ୍ୟରେ ପଙ୍ଗପାଳ ଅନେକ ଫସଲ ନଷ୍ଟ ସାରିଲାଣି। ଏହା ନିକଟ ଅତୀତରେ ଓଡ଼ିଶା ଆସିବାର ଅନେକ ସମ୍ଭାବନା ରହିଛି । ତେଣୁ ଆଜି କୃଷି ମନ୍ତ୍ରୀ ଅରୁଣ ସାହୁ କହିଛନ୍ତି ଓଡ଼ିଶାକୁ ପଙ୍ଗପାଳ ବିପଦ ନାହିଁ ବୋଲି କହି ହେବନି।ସେମାନେ ଏବେ ମଧ୍ୟ ପ୍ରଦେଶ ଓ ଛତିଶଗଡ଼ ସୀମାନ୍ତରେ ଅଛନ୍ତି।
ଏହାସହ ସରକାରଙ୍କ ତରଫରୁ ପଙ୍ଗପାଳ ଦ୍ଵାରା ପ୍ରଭାବିତ ଆଶଙ୍କା ଥିବା ଅଞ୍ଚଳରେ କେମିକାଲ ଛିଞ୍ଚନର ବ୍ୟବସ୍ଥା କରାଯାଇଛି। ସେଥିପାଇଁ ଅଗ୍ନିଶମ ବିଭାଗଠାରୁ ବଡ଼ ସ୍ପେୟର ପାଇଁ ବନ୍ଦୋବସ୍ତ କରାଯାଇଛି। ପ୍ରତି ଜିଲ୍ଲାରେ ଓ କୃଷି ଭବନ ଭୁବନେଶ୍ବରରେ କଂଟ୍ରୋଲ ରୁମ ଖୋଲାଯାଇଛି। ପଙ୍ଗପାଳ ମୁକାବିଲା ପାଇଁ ରାଜ୍ୟକୁ ତିନୋଟି ଜୋନରେ ବିଭକ୍ତ କରାଯାଇଛି ବୋଲି କହିଛନ୍ତି କୃଷି ମନ୍ତ୍ରୀ ଅରୁଣ ସାହୁ । ସେହି ତିନି ଜୋନ ଗୁଡିକ ଯଥା –
ହାଏ ରିସ୍କ – ଦୁଇ ଦିନ ତଳେ ୯ଟି ଜିଲ୍ଲାକୁ ସତର୍କ ସୂଚନା ଦିଆଯାଇଥିଲା
ମୋଡେରେଟ ରିସ୍କ – ବାକି ୯ ଜିଲ୍ଲା
ଲୋ ରିସ୍କ – ଉପକୂଳର ୧୨ଟି ଜିଲ୍ଲା
