ବ୍ୟାସନଗର : ରୋଟାରୀ କ୍ଲବ ଯାଜପୁର ରୋଡ ପକ୍ଷରୁ ସରକାରୀ ଅଫିସରେ ସାନିଟାଇଜ ମେସିନ ପ୍ରଦାନ କରାଯାଇଛି।
ଆଜି କ୍ଲବର ସଭାପତି ରୋଟାରିଆନ ଅଭୟ ପତିଙ୍କ ସଭାପତିତ୍ୱରେ ଯାଜପୁରରୋଡ୍ ର ଧବଳଗିରି ସ୍ଥିତ କମରସିଆଲ୍ ଟାକ୍ସ୍ , ଜି.ଏସ୍.ଟି ଅଫିସ୍ ଏବଂ ଦଳା ଛକ ସ୍ଥିିତ ଇନକମ୍ ଟ୍ୟାକ୍ସ୍ ଅଫିସ୍ ରେ ଗୋଡ ଦ୍ବାରା ପରିଚାଳିତ ସାନିଟାଇଜ ମେସିନ ପ୍ରଦାନ କରାଯାଇଛି ।ଏଥିରେ CT & GST ଅତିରିକ୍ତ କମିଶନର ଶ୍ରୀଯୁକ୍ତ ସୌର ମିଶ୍ର ଏବଂ ଆଇଟିଓ ଯାଜପୁର ରୋଡ ଶ୍ରୀଯୁକ୍ତ ସୁଶାନ୍ତ ସାମଲ ଯୋଗଦେଇ ମେସିନ ଗୁଡିକୁ ଲୋକାର୍ପଣ କରିଥିଲେ।ଗୋଡଦ୍ୱାରା ପରିଚାଳିତ ଏହି ମେସିନ ଦ୍ୱାରା ହାତକୁ ସାନିଟାଇଜ କରିବା ଦ୍ୱାରା କୋବିଡ଼ ସଂକ୍ରମଣ ଅନେକାଂଶରେ କମିଯାଇପାରିବ ବୋଲି ସେମାନେ କହିଥିଲେ।
ଏହି ଅବସରରେ ରୋଟାରିଆନ ଅସ୍ମିତା ପତି, ଅଜୟ କୁମାର ସାହୁ, କଳ୍ପତରୁ ସାହୁ, ଆଶୁତୋଷ ମିଶ୍ର, ସରୋଜ ସାହୁ, ଅଶୋକ ପତି, ଜ୍ଞାନରଞ୍ଜନ ଓଝା, ରବୀନ୍ଦ୍ର ଦାଶ, ଦୀପକ ଦାଶ, ବିରେଶ୍ୱର ପତି ପ୍ରମୁଖ ଉପସ୍ଥିତ ରହି ଏହାକୁ ସଫଳ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ।
ଏହି ଅବସରରେ କ୍ଲବ ପକ୍ଷରୁ ରୋଟାରୀ କ୍ଲବ ବ୍ରହ୍ମପୁର, ଡିଜିଇ ସୌମ୍ୟ ମିଶ୍ର, ଡିଜି ଦେବାଶିଷ ମିଶ୍ରଙ୍କୁ ସେମାନଙ୍କ ସହଯୋଗ ପାଇଁ କୃତଜ୍ଞତା ଜ୍ଞାପନ କରାଯାଇଥିଲା।
ଆଗାମୀ ଦିନରେ ଆହୁରି ଅନେକ ସ୍ଥାନରେ ଏହିପରି ସାନିଟାଇଜ ମେସିନ ପ୍ରଦାନ କରାଯିବ ବୋଲି ରୋଟାରୀ କ୍ଲବ ଯାଜପୁର ରୋଡ ପକ୍ଷରୁ ସୂଚନା ଦିଆଯାଇଛି।
ଅଜୟ କୁମାର ସାହୁ ବିଗ୍ ନିଉଜ୍ ଓଡିଶା
