ପୁରୀ: ଆସନ୍ତା ପୁରୀର ବିଶ୍ୱ ପ୍ରସିଦ୍ଧ ରଥଯାତ୍ରା ହେଲା ବଡ଼ ଦାଣ୍ଡରେ ରଥ ଗାଡିବନା ନାଇଁ ।ତାକୁ ନେଇ ଏଯାଏଁ ଦ୍ୱନ୍ଦ ତୁଟିନାହିଁ। ଏଥିମଧ୍ୟରୁ ଭୁବନେଶ୍ୱରଠାରୁ ଆରମ୍ଭ କରି ଦିଲ୍ଲୀ ଯାଏଁ ସବୁଠି ଦେଖାଦେଇଛି ତତ୍ପରତା। ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଆଜି ପୁରୀ ଗଜପତିଙ୍କ ସହ କଥା ହୋଇଛନ୍ତି ଗୃହମନ୍ତ୍ରୀ ଅମିତ ଶାହା।ଏ ନେଇ ବିଜେପି ରାଜ୍ୟ ସଭାପତି ସମୀର ମହାନ୍ତି ସୂଚନା ଦେଇଛନ୍ତି। ଏଥିରୁ ଅନୁମାନ କରାଯାଇପାରେ ରଥଯାତ୍ରାକୁ ନେଇ ସମସ୍ତେ ଏବେ ବେଶ ତତ୍ପର।
ଏହାର କିଛି ସମୟ ପୂର୍ବରୁ ରାଜ୍ୟ ଓ କେନ୍ଦ୍ର ସରକାର ମଧ୍ୟ ରଥଯାତ୍ରା କରିବାକୁ ସମର୍ଥନ ଜାଣିଛନ୍ତି।ଯାହାକି ପୁରୀରେ ରଥଯାତ୍ରା ହେବାକୁ ନେଇ ନୂଆ ଆଶା ସଞ୍ଚାର ହୋଇଛି। ରାଜ୍ୟ ସରକାର ଏବେ ରଥଯାତ୍ରା କରିବାକୁ ପକ୍ଷ ଭୁକ୍ତ ହୋଇଛନ୍ତି।ସରକାରଙ୍କ ତରଫରୁ ରେସିଡେଣ୍ଟ କମିଶନର ସଂଜୀବ ମିଶ୍ର ଏହି ସତ୍ୟପାଠ ଦାଖଲ କରିଛନ୍ତି। ବିନା ଭକ୍ତରେ କେବଳ ପୁରୀରେ ଏହି ରଥଯାତ୍ରା ହେଲେ ରାଜ୍ୟ ସରକାର ସମସ୍ତ ପ୍ରକର ବ୍ୟବସ୍ଥା ଗ୍ରହଣ କରିବେ ବୋଲି ଏହି ସତ୍ୟପାଠରେ ଦର୍ଶାଇ ଅଛନ୍ତି। ତେବେ ସୁପ୍ରିମକୋର୍ଟର ରାୟ ଉପରେ ଏବେ ସଭିଙ୍କୁ ନଜର।
