- Advertisement -
ନୂଆଦିଲ୍ଲୀ : ଦେଶରେ କରୋନା ସଂକ୍ରମଣ ସଂଖ୍ୟା ହୁ ହୁ ହୋଇ ବଢିଚାଲିଛି।ଫଳରେ ଗାଁରୁ ସହର ସବୁଠି ଭୟର ବାତାବରଣ।ହେଲେ ଏଥିମଧ୍ୟରେ ଏକ ଖୁସି ଖବର ଆସିଛି। ଆସନ୍ତା ଅଗଷ୍ଟ ୧୫ ତାରିଖରେ ଲଞ୍ଚ ହୋଇପାରେ ଦେଶର ପ୍ରଥମ କରୋନା ଟୀକା । ଯାହାକୁ ବିକଶିତ କରୁଛି ଫାର୍ମାସ୍ୟୁଟିକାଲ୍ କମ୍ପାନୀ ଭାରତ ବାୟୋଟେକ୍ । ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ ସହ ମିଳିତ ଭାବରେ ଟୀକା ପ୍ରସ୍ତୁତ ପାଇଁ କାମ ଜାରି ରହିଛି ।
ଆଇସିଏମଆର ପକ୍ଷରୁ ଭାରତ ବାୟୋଟେକକୁ ଏକ ଚିଠି ଲେଖାଯାଇଛି । ଯେଉଁଥିରେ ଉଲ୍ଲେଖ ରହିଛି, ସ୍ୱଦେଶୀ କରୋନା ଭାଇରସ ଟୀକାର ଟ୍ରାଏଲ୍ ଫାଷ୍ଟଟ୍ରାକ୍ ମୋଡରେ କରାଯାଉ । ଯାହାଦ୍ୱାରା ଅଗଷ୍ଟ ୧୫ ଭିତରେ କ୍ଲିନାକାଲ୍ ଟ୍ରାଏଲ ରିପୋର୍ଟକୁ ଲଞ୍ଚ କରାଯାଇ ପାରିବ ।ଏହାକୁ ପରୀକ୍ଷା କରିବା ପାଇଁ ଆଇସିଏମଆର୍ ଦେଶରେ ୧୨ଟି ଅନୁଷ୍ଠାନକୁ ମନୋନୀତ କରିଛି । ସୂଚନା ଅନୁସାରେ ଜୁଲାଇ ୭ ତାରିଖ ପରେ ମଣିଷ ଦେହରେ ଟ୍ରାଏଲ୍ କରାଯିବ।
