ଦେବଗଡ଼ : ୭୧ତମ ଵନମହୋତ୍ସଵ ସପ୍ତାହ ଅବସରରେ ଦେବଗଡ଼ ଜିଲ୍ଲାରେ ଜଙ୍ଗଲ ବିଭାଗ ପକ୍ଷରୁ ୩୩ହଜାରରୁ ଉର୍ଦ୍ଧ ଚାରା ରୋପଣ କରାଯିବା ସହ ୯ହଜାରରୁ ଉର୍ଦ୍ଧ୍ବ ବ୍ୟକ୍ତି ଙ୍କୁ ଚାରା ରୋପଣ ପାଇଁ ଯୋଗାଇ ଦିଆଯାଇଥିବା ଜଣାଯାଇଛି । ଦେବଗଡ଼ ଡ଼ି ଏ ଫୋ (DFO. T) କ୍ଷମା ଷଢ଼ଙ୍ଗୀ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ଏହି ବନ ମହୋତ୍ସବ ରେ ସାତ ଦିନ ଧରି ଜିଲ୍ଲାର ପାୟ ୪୦ ରୁ ଉର୍ଦ୍ଧ୍ବ ସ୍ଥାନ ରେ ୩୩ ହଜାର ୫୨୭ଟି ଚାରା ରୋପଣ କରାଯାଇଥିଲା ।ସାମାଜିକ ଦୂରତ୍ୱ ଅବଲମ୍ବନ କରି ଅନୁଷ୍ଠିତ କାର୍ଯ୍ୟକ୍ରମ ରେ ଦେବଗଡ଼ ବିଧାୟକ ସୁବାସ ଚନ୍ଦ୍ର ପାଣିଗ୍ରାହୀ, ଦେବଗଡ଼ ଜିଲାପାଳ ସୁଧାଂଶୁ ମୋହନ ସାମଲ ଙ୍କ ସମେତ ବହୁ ଲୋକ ପ୍ରତିନିଧି, ବିଦ୍ୟାଳୟ ର ଶିକ୍ଷକ ଶିକ୍ଷୟିତ୍ରୀ, ବୁଦ୍ଧିଜୀବୀ, ପରିବେଶ ବିତ, ସମାଜସେବୀ ପ୍ରମୁଖ ବିଭିନ୍ନ ସ୍ଥାନରେ ଅନୁଷ୍ଠିତ କାର୍ଯ୍ୟକ୍ରମ ରେ ଯୋଗ ଦେଇ ଚାରା ରୋପଣ କରିଥିଲେ ।ସେହିପରି ସରକାର ଙ୍କ ନିର୍ଦ୍ଦେଶ ଅନୁଯାୟୀ କୋଭିଡ୧୯କୁ ଦୃଷ୍ଟି ରେ ରଖି ଜିଲ୍ଲାର ୭ଟି ନର୍ସରୀ ରୁ ବିଭାଗ ପକ୍ଷରୁ ସ୍ୱତନ୍ତ୍ର ଗାଡ଼ି ଯୋଗେ ଗାଁ କୁ ଗାଁ ଯାଇ ପ୍ରାୟ ୯ହଜାର ରୁ ଉର୍ଦ୍ଧ୍ବ ବ୍ୟକ୍ତି ଙ୍କୁ ଚାରା ରୋପଣ ପାଇଁ ଯୋଗାଇ ଦିଆଯାଇ ଥିବା ବିଭାଗ ପକ୍ଷରୁ ସୂଚନା ଦିଆଯାଇଛି ।
