ଯାଜପୁର : ୭୪ ତମ ସ୍ବାଧୀନତା ଦିବସ ଯାଜପୁର ଵରୁଆଁ ସେଣ୍ଟ ଜାଭିୟର ସ୍କୁଲରେ ପାଳିତ ହୋଇଛି। ମୁଖ୍ୟ ଅତିଥି ଭାବେ ସ୍କୁଲ କମିଟିର ଅଧ୍ୟକ୍ଷ ହିମାଂଶୁ ଭୂଷଣ ମହାପାତ୍ର ଯୋଗ ଦେଇ ପତାକା ଉତ୍ତୋଳନ କରିଥିଲେ। ଅଗଷ୍ଟ 15 ତାରିଖ 1947 ଆମ ଦେଶ ଇଂରେଜ ମାନଙ୍କ ଠାରୁ ସ୍ୱାଧୀନତା ପାଇଥିଲା l ସେହିପରି ସ୍ୱାଧୀନତା ସଂଗ୍ରାମୀ ମାନଙ୍କ ବଳିଦାନକୁ ସମ୍ମାନ ଦେବା ପାଇଁ ପ୍ରତିବର୍ଷ ଆମେ ସ୍ୱାଧୀନତା ଦିବସ ପାଳନ କରୁଛେ l ହେଲେ ପ୍ରଥମ ଥର ପାଇଁ ଛାତ୍ରଛାତ୍ରୀଙ୍କ ଅନୁପସ୍ଥିତିରେ ସ୍କୁଲ ପରିସରରେ ସ୍ଵାଧୀନତା ଦିବସ ପାଳିତ ହେଉଛି ବୋଲି ମୁଖ୍ୟ ଅତିଥି ତାଙ୍କ ଅଭିଭାଷଣରେ କହିଥିଲେ । ସେହିପରି ସ୍କୁଲର ଅଧ୍ୟକ୍ଷ ହିମାଂଶୁ ଶେଖର ପଣ୍ଡା ଦେଶ ସ୍ଵାଧୀନରେ ସ୍ବାଧୀନତା ସଂଗ୍ରାମୀଙ୍କର ବଳିଦାନକୁ ମନେ ପକେଇଥିଲେ। ସ୍କୁଲର ଶିକ୍ଷିୟତ୍ରୀ ପୁଷ୍ପଲତା ଦାସ ସ୍ୱାଧୀନତା ଦିବସରେ ପ୍ରତ୍ୟେକ ବ୍ୟକ୍ତିର କର୍ତ୍ତବ୍ୟ କଣ ହେବା ଦରକାର ତାହା ଉଲେଖ୍ୟ କରିଥିଲେ। ସେଣ୍ଟ ଜାଭିୟର ସ୍କୁଲ ଵରୁଆଁର ନିର୍ଦେଶକ ଧ୍ରୁବ କୁମାର ମହାପାତ୍ର କହିଥିଲେ ଯେ ଦେଶ ୭୪ ତମ ସ୍ବାଧୀନତା ଦିବସ ପାଳନ କରୁଛି । ଏହା ୧୩୦ କୋଟି ଭାରତୀୟଙ୍କ ପାଇଁ ଗର୍ଵ ଓ ଗୌରବର ଦିନ । ଗୋଟେ ସୁସ୍ଥ ସମାଜ ଗଠନ କରିବାକୁ ହେଲେ ଭବିଷ୍ୟତର ପିଢ଼ିକୁ ଉତ୍ତମ ଭାବେ ଗଢି ତୋଳିବାର ଆବଶ୍ୟକତା ରହିଛି। ଯାହା ଶିକ୍ଷା ଦ୍ଵାରା ହିଁ ସମ୍ଭବ ହୋଇ ପାରିବ। ତେଣୁ ସେଣ୍ଟ ଜାଭିୟର ସ୍କୁଲ ଏ ଦିଗକୁ ସବୁବେଳେ ଗୁରୁତ୍ୱ ଦେଇ ଗୁଣାତ୍ମକ ଶିକ୍ଷା ପ୍ରଦାନ କରି ଆସୁଛି। କୋଭିଡ କଟକଣା ଯୋଗୁଁ ଆଜି ସ୍କୁଲ ଛାତ୍ରଛାତ୍ରୀମାନେ ସାମିଲ ହୋଇ ପାରିନାହାନ୍ତି । ହେଲେ ସ୍କୁଲର ପ୍ରତେକ ଛାତ୍ରଛାତ୍ରୀ ଏକ ସୁସ୍ଥ ସମାଜ ଗଠନର ଜଣେ ଜଣେ ସେନାପତି ହେବେ ବୋଲି ନିର୍ଦ୍ଦେଶକ ଆଶା ରଖିଥିବା କଥା କହିଛନ୍ତି ।ଶେଷରେ ଶିକ୍ଷିୟତ୍ରୀ ନିବେଦିତା ପଣ୍ଡା ଧନ୍ୟବାଦ ଅର୍ପଣ କରିଥିଲେ। ସ୍କୁଲର ସମସ୍ତ ଶିକ୍ଷକ ଶିକ୍ଷିୟତ୍ରୀ ମାକ୍ସ ପିନ୍ଧିବା ସହ ସାମାଜିକ ଦୂରତା ବିଜୟ ରଖି ସମସ୍ତ କାର୍ଯ୍ୟକ୍ରମର ଆୟୋଜନ କରାଯାଇଥିଲା।
