ଭୁବନେଶ୍ୱର : ଓଡ଼ିଶା ହେଉଛି ବିଦ୍ୟୁତ ବଳକା ରାଜ୍ୟ । ଏକଥା ଦିନେ ଗଳା ଫଠାଇ ଶକ୍ତିମନ୍ତ୍ରୀ ବାରମ୍ବାର କହୁଛନ୍ତି । ବିଧାନସଭାରେ ମଧ୍ୟ ପ୍ରଶ୍ନକାଳ ସମୟରେ କହିଥିଲେ । ହେଲେ ଏବେ ଓଡ଼ିଶା ବିଜୁଳି କିଣୁଛି ଅନ୍ୟ ରାଜ୍ୟରୁ । ତେବେ ବଳକା ବିଜୁଳି ରାଜ୍ୟରେ କାହିକଁ ବିଜୁଳି କିଣିବାକୁ ପଡ଼ିଲା ତାହାର ଉତ୍ତର ଏବେ ଖୋଜୁଛନ୍ତି ବିରୋଧୀ । ଶକ୍ତିମନ୍ତ୍ରୀଙ୍କ ଯୁକ୍ତି ହେଉଛି ଏମସିଏଲରେ ଚାଲିଥିବା ଆନ୍ଦୋଳନ ଯୋଗୁଁ କୋଇଲା ଅଭାବ ଦେଖାଦେଇଥିଲା । ଫଳରେ ଏନ୍ଟିପିସି ବିଦ୍ୟୁତ ଉତ୍ପାଦନରେ ବାଧା ସୃଷ୍ଟି ହୋଇଥିଲା । ତେଣୁ ବିଜୁଳୁ ସଭ୍କଟ ଦେଖାଦେଇଛି ।
ରାଜ୍ୟରେ ପିକ ଆୱାରରେ ବିଦ୍ୟୁତ ଚାହିଦା ପୂରଣ କରିବା ପାଇଁ ରାଜ୍ୟ ସରକାର ବାହାର ରାଜ୍ୟର ଏକ୍ସଚେଜ ଜରିଆରେ ବିଦ୍ୟୁତ କିଣୁଛନ୍ତି । ବର୍ତ୍ତମାନ ପିକ ଆୱାରରେ ୪୧୦୦ ମେଗାୱାଟ ଆବଶ୍ୟକ ରହିଛି । ହେଲେ ବିଭିନ୍ନ କ୍ଷେତ୍ରରେ ଓଡ଼ିଶା ୩୦୦୦ ମେଗାୱାଟ ଉତ୍ପାଦନ କରୁଛି । ତେଣୁ ବିଦ୍ୟୁତ ଚାହିଦାକୁ ପୂରଣ କରିବା ପାଇଁ ବାଧ୍ୟହୋଇ ଅନ୍ୟ ରାଜ୍ୟରୁ ପ୍ରତିଦିନ ୧୨ରୁ ୧୬କୋଟି ଟଙ୍କା ଦେଇ ୧୦୦୦ ମେଗାୱାଟ ବିଦ୍ୟୁତ କିଣୁଛନ୍ତି ରାଜ୍ୟ ସରକାର ବୋଲି ଶକ୍ତିମନ୍ତ୍ରୀ ଦିବ୍ୟ ଶଙ୍କର ମିଶ୍ର କହିଛନ୍ତି । ଏନଟିପିସି ୯୦୦ ମେଗାୱାଟ ବିଦ୍ୟୁତ ଦେବା କଥା ହେଲେ ଦେଉଛି ୩୫୦ମେଗାୱାଟ ବିଜୁଳି , ସେହିପରି ଟିଟିପିଏସ ୪୦୦ ମେଗାୱାଟ ବିଜୁଳି ଦେବା କଥା ହେଲେ ଦେଉଛି ୧୧୦ ମେଗାୱାଟ , ହାଇଡ଼୍ରୋରେ ମିଳୁଛି ୧୪୫୦ ମେଗାୱାଟ ବିଦ୍ୟୁତୁ କ୍ୟାପଟିଭରୁ ୪୦୦ ମୋଗାୱାଟ,ୟୁଆରସିରୁ ୩୦୦,ଅନ୍ୟାନ୍ୟ କ୍ଷେତ୍ରରୁ ୪ଶହ ମେଗାୱାଟ ବିଜୁଳି ମିଳୁଛି । ଯାହାକି ଚାହିଦା ପୂରଣ କରିପାରୁନାହିଁ ।
ବର୍ଷା ଦିନରେ ଯଦି ଏପରି ସଙ୍କଟ ଦୂର ନହେବ ତେବେ ଆଗାମୀ ଦିନରେ ପରିସ୍ଥିତି ଭୟଙ୍କର ହେବା । ତେବେ ଏେଇ ରାଜ୍ୟ ସରକାରଙ୍କ ତ୍ରୃଟିପୂର୍ଣ୍ଣ ବିଦ୍ୟୁତ ବଣ୍ଟନ ଦାୟୀବୋଲି ବିରୋଧୀ ଅଭିଯୋଗ କରିଛନ୍ତି । ରାଜ୍ୟ ସରକାର ଯାହା କହନ୍ତି ତାହା କରନ୍ତି ନାର୍ହି ବୋଲି ବିରୋଧୀ କହିଛନ୍ତି ।
