ଭୁବନେଶ୍ବର:ଥାଲାସେମିଆରେ ପୀଡିତ ଦୁଇ ଭଉଣୀଙ୍କୁ ସହଯୋଗର ହାତ ବଢାଇଲେ ଯୁବ ସମାଜସେବୀ । ଯୁବ ସମାଜସେବୀ ହେଉଛନ୍ତି ବାପୁନ୍ ମେକପ । ଭୁବନେଶ୍ବରରେ ରହୁଥିବା ବାପୁନ ଚନ୍ଦକାର ଫିରିକିନାଳୀରେ ରହୁଥିବା ପୂଜା ଦେଓଗାମ୍,ନନ୍ଦିନୀ ଦେଓଗାମଙ୍କୁ ସହଯୋଗର ହାତ ବଢାଇଛନ୍ତି । ଏ ଦୁଇ ଭଉଣୀଙ୍କ ବାପା ଚକ୍ରଧର ଦେଓ ଗାମ୍ ହେଉଛନ୍ତି ଦିନ ମଜୁରିଆ । ଭାରି କଷ୍ଟରେ ଚଳୁଚି ପରିବାର । ପୂଜାକୁ ବୟସ ୭ ଓ ନନ୍ଦନୀଙ୍କୁ ୪ ବର୍ଷ ହୋଇଥିବା ବେଳେ ତାଙ୍କ ମା’ ତୁଳସୀ ବର୍ଷକ ତଳେ ଆରପାରିକୁ ଚାଲିଯାଇଛନ୍ତି । ଏବେ ଦୁଇ ଝିଅଙ୍କୁ ନେଇ ଚକ୍ରଧର ପରିବାର ପ୍ରତିପୋଷଣ କରୁଛନ୍ତି । ପାଖ ପଡୋଶୀଙ୍କ ଘରେ ଛୁଆକୁ ଛାଡିଦେଇ ମୂଲ ମଜୁରୀ ଲାଗି ପ୍ରତି ମାସରେ ରକ୍ତ କିଣୁଛନ୍ତି ଚକ୍ରଧାର । ପ୍ରତି ମାସରେ ରକ୍ତ ଦେବା ସଂଭବ ହେଉନାହିଁ । କୋରନା ଯୋଗୁ ରୋଜଗାର ବନ୍ଦ ହୋଇଥିବାରୁ ଘରର ଜିନିଷ ପତ୍ର ମଧ୍ୟ ବିକ୍ରି କରି ନିଜ ଦୁଇ କନ୍ୟାଙ୍କ ପାଇଁ ରକ୍ତ କିଣିଛନ୍ତି ଚକ୍ରଧର । ଏବେ ବାପୁନ୍ ସହଯୋଗର ହାତ ବଢାଇବା ପରେ ଚକ୍ରଧର ଖୁସିବ୍ୟକ୍ତ କରିଛନ୍ତି । ପ୍ରତି ମାସରେ ରକ୍ତ ଦେବା ସହ ଦୁଇ ଭଉଣୀଙ୍କର ଯେଭଳି କିଛି ଅସୁବିଧା ହେବନି ସେଥିପାଇଁ ଗୁରୁତ୍ବ ଦେବେ ବୋଲି କହିଛନ୍ତି ବାପୁନ୍।
