ବ୍ୟାସନଗର : ସ୍ଥାନୀୟ ଫେରୋକ୍ରମ୍ କଲୋନୀରେ ଥିବା ଶ୍ରମିକଙ୍କ କ୍ଲବ୍ ଠାରେ ଘଟିଯାଇଛି ଏକ ଦୁଃଖଦ ଘଟଣା । ଯେଉଁ କାରଣରୁ ସ୍ଥାନୀୟ ଅଞ୍ଚଳରେ ଖେଳିଯାଇଛି ଶୋକର ଛାୟା । ପ୍ରାପ୍ତ ଖବର ଅନୁଯାୟୀ ଫେରୋକ୍ରମ୍ ଫାଟକ ନିକଟରେ ରୁହନ୍ତି କାମରାଜ ପ୍ରଧାନଙ୍କ ପୁଅ ଶଦାଶିବ ପ୍ରଧାନ (୪୨) । ସେ ପ୍ରତିଦିନ କଲୋନୀ ମଧ୍ୟରେ ଥିବା କ୍ଲବକୁ ବ୍ଯାଡମିଣ୍ଟନ୍ ଖେଳିବାକୁ ଯାଆନ୍ତି । ସେଦିନ ମଧ୍ୟ ପ୍ରତିଦିନ ଭଳି ଖେଳିବାକୁ ଯାଇଥିଲେ କିନ୍ତୁ ଘରକୁ ଫେରିବା ବଦଳରେ ପହଞ୍ଚିଥିଲା ଶଦାଶିବଙ୍କ ମୃତ୍ୟୁ ଖବର । ଖେଳୁଥିବା ସମୟରେ ଅସୁସ୍ଥ ଅନୁଭବ କରିବାରୁ ଠିଆ ହୋଇ ଯାଇଥିଲେ ଶଦାଶିବ । ତାଙ୍କ ମୁଣ୍ଡ ଘୁରେଇ ଦେବାରୁ ସେ ତଳେ ହଠାତ୍ ତଳେ ପଡିଯାଇଥିଲେ । ଉପସ୍ଥିତ ଅନ୍ଯ ସାଥି ଖେଳାଳିମାନେ ସଙ୍ଗେ ସଙ୍ଗେ ସ୍ଥାନୀୟ ହସ୍ପିଟାଲକୁ ନେଇଯାଇଥିଲେ । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ଖବର ସମଗ୍ର ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଥିଲା । ଶଦାଶିବ ୨୦୦୪ ମସିହାରୁ ନୀଳାଚଳ ଇସ୍ପାତ ନିଗମଠାରେ ୱିନ୍ ଟେକ୍ ନାମକ ଏକ ଠିକା ସଂସ୍ଥା ରେ ସୁପରଭାଇଜର୍ ଭାବେ କାର୍ଯ୍ୟ କରୁଥିଲେ । ଖବର ପାଇ ଠିକା ସଂସ୍ଥାର ମୂଖ୍ୟ ହସ୍ପିଟାଲ ଯାଇ ଯଥା ସମ୍ଭବ ସହାୟତା ପ୍ରଦାନ କରିଥିଲେ । ଏଥିସହ ନିୟମ ଅନୁଯାୟୀ ବାକି ସମସ୍ତ ଆର୍ଥିକ ସହାୟତା ଯୋଗାଇ ଦେବା ପାଇଁ ମତ ଦେଇଛନ୍ତି ।
