ଭୁବନେଶ୍ୱର : କୋଭିଡ୍ ନିୟମ ମାନିବାକୁ ରାଜି ନୁହନ୍ତି ରାଜନେତା ମାନେ l କଟକଣା ଏବଂ ଦଣ୍ଡିନୀୟ ଅପରାଧ ବ୍ୟବସ୍ଥା ଥିବା ଜାଣି ମଧ୍ୟ ଶାସକ ଓ ବିରୋଧୀ ଦଳର ନେତା ମାନେ କୋଭିଡ୍ ନିୟମକୁ ଫୁର କରି ଉଡେଇ ଦେଉଛନ୍ତି l ଭୁବନେଶ୍ୱର ସାସଂଦ ଅପରାଜିତା ଷଢଙ୍ଗୀ ବାରମ୍ବାର କୋଭିଡ୍ ଆଇନ କୁ ଉଲଙ୍ଘନ କରୁଥିବା ଅଭିଯୋଗ ଓ ଜନ୍ମଦିନରେ ପୁଣି ନିୟମ ଉଲଘଂନ କରିଥିବାରୁ ଆଜି ତାଙ୍କ ଅଫିସ କୁ ବିଏମସି ପକ୍ଷରୁ ସିଲ୍ କରାଯାଇଛି l ଯାହାର କଡା ଜବାବ ଦେଉଛନ୍ତି ସାସଂଦ ଅପରାଜିତା । ନିଜ ଦୋଷକୁ ରାଜନୀତି ବୟାନ ଦେଇ ବିଜେଡି ଉପରେ ପ୍ରଶ୍ନ ଉଠାଇଛନ୍ତି l ଯାହାକୁ ନେଇ ସରଗରମ ହୋଇଛି ରାଜନୀତି l
ତେବେ ତିନି ପ୍ରମୁଖ ଦଳ ଏନେଇ କଣ ପ୍ରତିକ୍ରିୟା ରଖିଛନ୍ତି ନଜର ପକାନ୍ତୁ….
ପ୍ରତାପ ଦେବ, ବିଜେଡି ବିଧାୟକ : ସେ କାହିଁକି କୋଭିଡ୍ ନିୟମ ସେ କାହିଁକି ମାନୁନାହାନ୍ତି ତାଙ୍କୁ ପଚାରିଲେ ଭଲ ହେବ ।ସେ ବାରମ୍ବାର କୋଭିଡ୍ ନିୟମ ଉଲଙ୍ଘନ କରୁଛନ୍ତି ।ଅନେକ ସମୟରେ ନିତି ନିୟମ କଥା କୁହନ୍ତି ଅପରାଜିତା ଉତ୍ତର ଦେବା କଥା ।ସମସ୍ତେ କୋଭିଡ୍ ନିୟମ ମାନିବା ଉଚିତ ।
ସନ୍ତୋଷ ସିଂହ ସାଲୁଜା, କଂଗ୍ରେସ ବିଧାୟକ : ଯିଏ ଆଇନ ଭାଙ୍ଗୁଛି, ତାଙ୍କୁ ଆଇନ ଅନୁଯାୟୀ ଦଣ୍ଡ ଅନୁସାରେ ଦଣ୍ଡ ହେବା ଉଚିତ ,ଯଦି ସେମାନଙ୍କ ଭିତରୁ କାହାର କୋଭିଡ୍ରେ ମୃତ୍ୟୁ ହୁଏ ,ଏହି ମୃତ୍ୟୁ ପାଇଁ ଅପରାଜିତା ଙ୍କ ବିରୋଧରେ ୩୦୨ ଦଫା ଲଗାଇବା ଉଚିତ ।ଏହାସହ କଂଗ୍ରେସ ପାଇଁ ଗୋଟିଏ ନିୟମ ବିଜେଡି ବିଜେପି ଆଉ ଗୋଟିଏ ନିୟମ କରିଛନ୍ତି । ଶାସକ ଦଳର ନେତା ମନ୍ତ୍ରୀ ଓ ସାସଂଦ ମାନେ ଉଲଙ୍ଘନ କରୁଛନ୍ତି ତାଙ୍କ ବିରୋଧରେ କୈଣସି କାର୍ଯ୍ୟାନୁଷ୍ଠାନ ହେଉନାହିଁ ।
ପୃଥିରାଜ୍ ହରିଚନ୍ଦନ, ବିଜେପି ସାଧାରଣ ସମ୍ପାଦକ : ନିୟମ ସମସ୍ତେ ମାନିବା ଉଚିତ ,ଜନ ପ୍ରତିନିଧି ମାନେ ଆଇନ ମାନିଲେ ଜନତା ମାନେ ମାନିବେ l
ସୁଲତା ଦେଓ, ମୁଖପାତ୍ର, ବିଜେଡି ମୁଖପାତ୍ର : କୌଣସି ଘର ବା କୋଠା ସିଲ କରାଯିବା ନିଷ୍ପତ୍ତି ପ୍ରଶାସନର, bjd ର ନୁହେଁ। ଧନ ଜୀବନକୁ ଗ୍ରୁରୁତ୍ବ ଦେଇ ଅତୀତରେ ଅନେକ କୋଠା, ଅନେକ ହୋଟେଲ ମଧ୍ୟ ସିଲ ହୋଇଛି। ଆଗକୁ ମଧ୍ୟ ହେବ। କୋଭିଡ କୌଣସି ଦଳ ଦେଖି ଆସେନାହିଁ। ଆମେ ସମସ୍ତେ କୋଭିଡ ଲଢେ଼ଇ ଲଢ଼ୁଛେ। ଏହାକୁ ନେଇ ରାଜନୀତି ନହେବା ଉଚିତ।
