ଭୁବନେଶ୍ୱର : 2019 ପରେ ପୁଣି ଥରେ ବିଜେଡି ଖାତାକୁ ଆସିଲା ବାଲେଶ୍ୱର ସଦର l ଉପ ନିର୍ବାଚନରେ ବିଜେପିକୁ ପରାଜିତ କରି ବିଜେଡି ପ୍ରାଥୀ ସ୍ୱରୂପ ଦାସ ବିଜୟ ହେବା ପରେ ମୁଖ୍ୟମନ୍ତ୍ରୀ ବାଲେଶ୍ୱରବାସୀଙ୍କୁ ଧନ୍ୟବାଦ ଦେଇଥିଲେ l ଏହାପରେ ପ୍ରତି ପଂଚାୟତରେ ଲୋକଙ୍କ ପାଖକୁ ଯାଇ ଧନ୍ୟବାଦ ଦେବା ସହ ଲୋକଙ୍କ ସମସ୍ୟା ବୁଝି ସମାଧାନ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦେଶ ଦେଇଥିଲେ l ସେହି ଅନୁସାରେ ବାଲେଶ୍ୱରରେ ବିଜେଡିକୁ ବିଜୟୀ କରିଥିବା ସାରଥୀ ମାନେ ଆଜି ଅପରାହ୍ନରେ ଜିଲ୍ଲା କାର୍ଯ୍ୟାଳୟ ଠାରେ ଅନୁଷ୍ଠିତ ସଦର ନିର୍ବାଚନ ମଣ୍ଡଳୀର ଏକ ବୈଠକରେ ଯୋଗଦେଇଥିଲେ l ରାଜ୍ୟର ବରିଷ୍ଠ ନେତୃବୃନ୍ଦ ଉପସ୍ଥିତ ନେତା ଓ କର୍ମୀ ମାନଙ୍କୁ ଧନ୍ୟବାଦ ଦେଇଥିଲେ l ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ପର୍ଯ୍ୟବେକ୍ଷକ ମାନେ ଆସନ୍ତା କିଛି ଦିନ ମଧ୍ୟରେ ସମସ୍ତ ପଞ୍ଚାୟତ ଏବଂ ମ୍ୟୁନିସିପାଲିଟିର ପ୍ରତ୍ୟେକ ୱାର୍ଡକୁ ଯାଇ କିପରି ଜନସାଧାରଣଙ୍କୁ ଧନ୍ୟବାଦ ଦେବେ ସେ ବିଷୟରେ ବ୍ଲୁପ୍ରିଣ୍ଟ ପ୍ରସ୍ତୁତ କରିଥିଲେ l ଏହି ବୈଠକରେ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ, ମନ୍ତ୍ରୀ ପ୍ରତାପ ଜେନା, ବିଧାୟକ ଦେବୀ ପ୍ରସାଦ ମିଶ୍ର, ପ୍ରତାପ ଦେବ, ବିଜେଡି ନେତା ଅରୁଣ ଦେ, ବରିଷ୍ଠ ବିଧାୟକ ଅନନ୍ତ ଦାସ, ଜିଲ୍ଲା ସଭାପତି ରବୀନ୍ଦ୍ର ଜେନାଙ୍କ ସହ ଦଳର ନେତା ଓ କର୍ମୀ ଏକାଠି ହୋଇ ଆଗାମୀ ଦିନର ରଣନୀତି ପ୍ରସ୍ତୁତ କରିଥିଲେ l
