- Advertisement -
ଯାଜପୁର: ରାଜ୍ୟରେ ୮ ମାସ କରୋନାର ପ୍ରକୋପ କମିବା ପରେ ଅଟକି ଥିବା ବିକାଶ ମୂଳକ କାମ ପୁଣି ଆଗେଇଛି । ଶ୍ରୀକ୍ଷେତ୍ର ପୁରୀରୁ ନବୀନ ଏହି ବିକାଶ କାର୍ଯ୍ୟକ୍ରମକୁ ଆଗେଇଥିଲେ । ଆଉ ସମାନ ଢଙ୍ଗରେ ବିରଜା କ୍ଷେତ୍ରର ବିକାଶ ମୂଳକ କାମକୁ ବିଜେଡି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ (ବବି) ପୁନର୍ବାର ଆରମ୍ଭ କରିଛନ୍ତି । ପୁରା ଜିଲ୍ଲାରେ କରୋନା ପାଇଁ ଅଟକି ଥିବା ଉନ୍ନୟନ କାମ ପୁଣି ଥରେ କିପରି ଜୋରଦାର ହେବ ତାର ସମୀକ୍ଷା କରିବା ସହ ଗ୍ରାଉଣ୍ଡକୁ ଯାଇ ଭିତ୍ତିଭୂମିର ଅନୁଧ୍ୟାନ କରିଛନ୍ତି । ସାଙ୍ଗରେ ଯାଜପୁର ଜିଲ୍ଲାପାଳ ଚକ୍ରବର୍ତ୍ତି ସିଂ ରାଠୋର ଓ ସ୍ଥାନୀୟ ବିଧାୟକଙ୍କ ନେଇ ଅଧାପାନ୍ତରା କାମକୁ ସାରିବା ପାଇଁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛନ୍ତି । ଯାଜପୁରରେ ମେଡିକାଲ କଲେଜ , ପାର୍କ, ଟ୍ରମା କେୟାର ସେଣ୍ଟର, ଧର୍ମଶାଳାରେ ଦ୍ୱିତୀୟ କୁସୁମା, ଖେଳ ପଡିଆ ଓ ବିଭିନ୍ନ ପର୍ଯ୍ୟଟନ କ୍ଷେତ୍ରର ବିକାଶକୁ ପରଖିଛନ୍ତି ।
