ଓଡ଼ିଶାରେ ବିଜୁ ଲିଗାସି ଜାରୀ ରଖିବା ପାଇଁ ଖୁବଶୀଘ୍ର ରାଜନୀତିକୁ ଏଣ୍ଟ୍ରି କରୁଛନ୍ତି ବିଜୁଙ୍କ ନାତି ଅରୁଣ ପଟ୍ଟନାୟକ । ୨୦୧୯ ବିଜେପୁର ଉପ ନିର୍ବାଚରେ ନବୀନ ତାଙ୍କୁ ବିଜେଡ଼ିର ବିଧାୟକ ପ୍ରାର୍ଥୀ କରି ବିଜେଡ଼ିରେ ବିଧିବଦ୍ଧ ଭାବେ ସାମିଲ କରିବେ । ଏନେଇ ଦଳ ପକ୍ଷରୁ ପ୍ରସ୍ତୁତ କରାଯାଇଛି ବ୍ଲୁପ୍ରିଣ୍ଟ । ନବୀନ ବିଜେପୁର ଆସନ ଛାଡିବା ପରେ ଏ ସସ୍ପେନ୍ସ ଆଜିବି ଜାରି ରହିଛି । ହେଲେ ସୋସିଆଲ ମିଡିଆରେ ବିଭିର୍ନ ସାଇଟରେ ବିଜେପୁରରେ କିଏ ହେବ ବିଜେଡି ପ୍ରାର୍ଥୀ ତାହାକୁନେଇ ବହୁ ନେତାଙ୍କ ନାଁ ଚର୍ଚା ହେଉଥିବା ବେଳେ ଖୋଦ ନବୀନ ପଟ୍ଟନାୟକ ଫ୍ୟାନ କ୍ଲବରେ ଅରୁଣ ପଟ୍ଟନାୟକଙ୍କ ଫଟୋ ପୋଷ୍ଟ କରାଯଇଉଛି । ଯେଉଁ ପୋଷ୍ଟରେ ଲେଖାଯାଇଛି ବିଜେପୁର ଉପନିର୍ବାଚନ ମାଧ୍ୟମରେ ଅରୁଣ ପଟ୍ଟନାୟକ ଏଣ୍ଟ୍ରି କରିବେ ଓଡିଶା ରାଜନୀତିକୁ । ବିଜୁଙ୍କ ଦାୟାଦ ଭାବରେ ଅରୁଣ ଓଡିଶା ରାଜନୀତିରେ ପ୍ରବେଶ କରି ନବୀନଙ୍କ ପରେ ବିଜେଡିର ଚେହେରା ହେବାକୁ ଯାଉଛନ୍ତି । ମଝିରେ ମଝିରେ ଅରୁଣଙ୍କୁ ନେଇ ଚର୍ଚା ମଧ୍ୟ ଜୋର ହେଉଛି । ଆନନ୍ଦ ଭବନ ଯେତବେଳେ ସର୍ବସାଧାରଣଙ୍କ ପାଇଁ ଉତ୍ସର୍ଗିକୃତ କରାଗଲା ସେହି ସମୟରେ ନବୀନଙ୍କ ସହ ଅରୁଣଙ୍କୁ ଦେଖିବାକୁ ମିଳିଥିଲା । ସେହିଦିନଠାରୁ ଚର୍ଚା ହେଉଥିଲା ଓଡିଶା ରାଜନୀତିରେ ବିଜେଡିର ମୁଖ୍ୟ ସୂତ୍ରଧର ହେବେ ଅରୁଣ, ଯାହାକୁ ନେଇ ବିଜେଡି ଆଗେଇବ ।
୨୦୧୯ ସାଧାରଣ ନିର୍ବାଚନରେ ନବୀନ ଦୁଇ ଦୁଇଟି ଆସନରୁ ନିର୍ବାଚନ ଲଢ଼ିଥିଲେ ।ବିଜେପୁର ଓ ହିଞ୍ଜିଳିରେ ନବୀନ ବିଜୟଲାଭ କଲେ । ଏହାପରେ ବିଜେପୁର ଆସନ ଛାଡିଥିଲେ ନବୀନ । ହେଲେ ବିଜେପୁର ଯେହେତୁ ତାଙ୍କ ଦ୍ୱିତୀୟ ନିର୍ବାଚନୀ ମଣ୍ଡଳୀ ତେଣୁ ଏହାର ସ୍ୱତନ୍ତ୍ର ଦେଖାଶୁଣା ସେ କରିବେ ବୋଲି କହିଛନ୍ତି । ଖାସ ସେଥିଲାଗି ଅରୁଣଙ୍କୁ ନେଇ ହୋଇଥିବା ଚର୍ଚାକୁ ନବୀନଙ୍କ ଏହି କଥା ଖୋରାକ ଯୋଗାଇଛି । ଆଉ ବର୍ତମାନ ଏହାହିଁ ହେଉଛି ଉପଯୁକ୍ତ ସମୟ । ଯେଉଁ ସମୟରେ ବିଜେଡି ରାଜନୀତିରେ ଅରୁଣ ଏଣ୍ଟ୍ରିକଲେ ତୃଣମୂଳ ସ୍ତରରୁ ରାଜ୍ୟର ନେତୃତ୍ୱ ପର୍ୟ୍ୟନ୍ତ ସମସ୍ତେ ତାଙ୍କୁ ନବୀନଙ୍କ ପୁତୁରା ଭାବେ ଗ୍ରହଣ କରିନେବେ ଦଳରେ । ବିଜେଡିର ଭବିଷ୍ୟତକୁ ନେଇ ନାନା ସମୟରେ ଅନେକ ପ୍ରଶ୍ନ ଉଠୁଛି । ନବୀନଙ୍କ ଅନ୍ତେ ବିଜେଡିର ଭବିଷ୍ୟତ କ’ଣ ତାହା ମଧ୍ୟ ଅନେକ ପ୍ରଶ୍ନବାଚୀ ସୃଷ୍ଟି କରୁଛି । ବିରୋଧୀ ତ ସିଧାସଳଖ କରୁଛନ୍ତି ନବୀନ ଥିବା ପର୍ୟ୍ୟନ୍ତ ବିଜେଡି, ତାହାପରେ ବିଜେଡି ଓଡିଶା ରାଜନୀତିରୁ ଲିଭିଯିବ । ଏହି କଥାକୁ ନେଇ ବିଜେଡି ନେତାମାନେ ବେଶ ଚିନ୍ତିତ । କାହା ହାତରେ ବିଜେଡିର ଗୁରୁ ଦାୟିତ୍ୱ ଦେବେ ନବୀନ ଏ ପ୍ରଶ୍ନ ଅନେକ ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାମ୍ବାଦିକମାନେ ପ୍ରଶ୍ନ କରିଛନ୍ତି । ଯାହାର ଉତ୍ତରରେ ନବୀନ କହିଛନ୍ତି ଯେ, ମୋ ଉତ୍ତରାଧିକାରୀ ଓଡିଶା ଲୋକ ବାଛିବେ । ତେଣୁ ଦଳ ଭିତରେ ଗୋଟିଏ ଗୋଷ୍ଠୀ ବିଜେପୁର ଉପନିର୍ବାଚନରେ ଅରୁଣ ପଟ୍ଟନାୟକଙ୍କୁ ପ୍ରାର୍ଥୀକରି ଦଳର ଭବିଷ୍ୟତକୁ ସୁରକ୍ଷିତ କରିବାପାଇଁ ଏକ ବଡ ବାର୍ତା ଓଡ଼ିଶାବାସୀଙ୍କୁ ଦେବାକୁ ଚାହୁଁଛନ୍ତି । ତେବେ ନବୀନ କି ନିଷ୍ପତି ନେଉଛନ୍ତି ତାହା ଉପରେ ଏବେ ସମସ୍ତଙ୍କ ନଜର ।
