ଭୁବନେଶ୍ୱର: ୨୦୨୦ । ଦୁଇ ଶୂନ ଦୁଇ ଶୂନ । ଡ଼ିଜିଟାଲ ନମ୍ବର ଆରମ୍ଭରୁ ସଭିଁଙ୍କୁ ଆକର୍ଷଣ କରିଥିଲା । ଆରମ୍ଭକୁ ସମସ୍ତେ ଭଲ ସ୍ୱାଗତ କରି କରିଥିଲେ । ଆଉ କିଏ ଜାଣିଥିଲା ଏହି ବର୍ଷ ଏତେ ଚର୍ଚ୍ଚିତ ,ଏତେ ଭୟଙ୍କର ଓ ଏତେ ଯନ୍ତ୍ରଣା ଦାୟକ ହେବ ବୋଲି । କିଏ ଜାଣିଥିଲା ୨୦୨୦ ବର୍ଷଟା ଶୂନଶାନ ବର୍ଷ ହେବ । ଅଧିବର୍ଷ ସହ ଜୋଡ଼ା ଆଷାଢ ବି ଏହି ବର୍ଷ ପଡ଼ିଥିଲା । ମାର୍ଚ୍ଚମାସ ପରେ କିନ୍ତୁ ସବୁ ଏପଟ ସପେଟ ହୋଇଯାଇଥିଲା ।
ପୁରା ଦୁନିଆର ହାହାକାର ହୋଇଥିଲା । ଚାରିକାନ୍ଥ ଭିତରେ ସମସ୍ତେ ଆବଦ୍ଧ ହୋଇ ରହିଗଲେ । ଏପରିକି ଭଗବାନ ଓ ଭକ୍ତଙ୍କ ମିଳନ ବି ହୋଇପାରିଲା ନାହିଁ । ସଭିଁଏ ମୁହଁରେ ତୁଣ୍ଡି ବାନ୍ଧିବାକୁ ବାଧ୍ୟ ହେଲେ । ଅକାଳରେ ଅନେକ ଜୀବନ ଚାଲିଗଲା । ଆଉ କିଏ କିଏ ଏଯାଏ ବି ଜୀବନ ଯୁଦ୍ଧ ସହ ସଂଗ୍ରାମ କରୁଛନ୍ତି । ପୁରା ୯ ମାସ ଧରି ସବୁ କାର୍ଯ୍ୟରେ ବ୍ରେଜ ଲାଗିଲା । ନୂଆ ଶଦ୍ଦ ବ୍ୟବହାର ହେଲା । ଏକ ଡ଼ାଉନ, ସଟଡ଼ାଉନ, ହୋମ କ୍ୱାରାଣ୍ଟାଇନ ଏମିତି କେତେ କଣ ନାଁ । ନିଜର ଓ ପର ସବୁ ସମାନ ହୋଇଗଲେ । ଯେମିତି ଏ ଜାତି ଓ ଦେଶ ଏକ ଅଛୁଆ ସଭ୍ୟତା ଦେଇ ଗତିକଲା ମାସ ପରେ ମାସ । ଆଉ ଏସବୁ ଚୀନରୁ ଆସିଥିବା ଏକ ଅଦୃଶ୍ୟ ଭୂତାଣ ପାଇଁ । ଯାହାର ନାଁ କରୋନା । ତାର ନାଁ କୋଭିଡ଼ ୧୯ । ଏ ଭୂତାଣୁ ସମୟ ଅନୁସାରେ ମହାମାରୀର ପରିଣତ ହେଲା । ସାରା ବିଶ୍ୱରେ ଏହି ରୋଗରେ ଆକ୍ରାନ୍ତ ହେଲେ ୮କୋଟି ୩୦ଲକ୍ଷରୁ ଅଧିକ ଲୋକ । ୧୮ ଲକ୍ଷ ୧୦ହଜାରୁ ଅଧିକ ଲୋକ ମୃତ୍ୟୁବରଣ କଲେ । ୫କୋଟିରୁ ଅଧିକ ଲୋକ ରୋଗରେ ଆକ୍ରାନ୍ତ ହୋଇ ସୁସ୍ଥ ହେଲେ । ୧୩୨ରୁ ଅଧିକ ଦେଶରେ ଏହି ଭୂତାଣୁ ତାହାର କାୟା ବିସ୍ତାର କରି ଅନେକ ଜୀବନ ନେଲା । ପ୍ରତ୍ୟେକ ଦିନ ଖାଲି ସଂକ୍ରମିତ , ମୃତ୍ୟୁ କଥା ଶୁଣିଶୁଣି ପୁରା ବିଶ୍ୱ ଚିନ୍ତାରେ ରହିଲା । ଭାରତରେ ମଧ୍ୟ କୋଟିରୁ ଅଧିକ ଲୋକ ଏହି ଭୂତାଣୁ ଦ୍ୱାରା ଆକ୍ରାନ୍ତ ହେଲେ । ଓଡ଼ିଶାରେ ଭୂତାଣୁ କାୟା ବିସ୍ତାର କଲା । ପ୍ରଥମ ଥର ଏପରି ଏକ ଅଜଣା ଭୂତାଣୁ ସହ ଲଢିଥିଲା ପୁରା ବିଶ୍ୱ ।ଆଉ ଆଜି ଯାଏ ବି ଲଢୁଛି। ପୁରା ବିଶ୍ୱର ଆର୍ଥକ ଅବସ୍ଥା ବି ଦୋହଲି ଯାଇଥିଲା । ଭୁଟାଣୁର ଓ ଓଡ଼ିଶା ଅବା ଏଥିରୁ କିପରି ବଂଚିତ ହୋଇଥାନ୍ତା । ପ୍ରତ୍ୟେକ ଲୋକଙ୍କ ପାଇଁ ଏକ ନୁଆ ଅନୁଭୂତି ଆଣିଥିଲା କରୋନା । ସାନିଟାଇଜର, ମାସ୍କ , ସାମାଜିକ ଦୂରତା ପାଲଟିଲା ସଭିଁଙ୍କ ଜୀବନର ମୂଳମନ୍ତ୍ର । ସବୁଠାରୁ ଯନ୍ତ୍ରଣା ଦାୟକ ଥିଲା ଅକାଳରେ ଅନେକ ପ୍ରିୟ ଜନକଙ୍କ ଜୀବନ ଯିବ । ବାହାରଘ, ବ୍ରତଘର, ଜନ୍ମଦିନ, ସାଙ୍ଗ ସାଙ୍ଗସାଥି ମସ୍ତି , ଘରକୁ ଆସିବା ଓ ଘର ଲୋକଙ୍କ ସହ ବି ସର୍ମ୍ପକ ଛିନ୍ନ କରିଥିଲା ଏହି ମହାମାରୀ ଭୂତାଣୁ । ସବୁଠି ଭୟର ବାତ୍ତାବରଣ । ଜୀବନଟା ୨୦୨୦ ବର୍ଷ ସରିଗଲା ବୋଲି ସଭିଁଏ ଅନୁଭବ କଲେ । ଏହି ଅଦୃଶ୍ୟ ଶକ୍ତିକୁ କିପରି ହରାଯିବ ସେନେଇ ଆରମ୍ଭ ହେଲା ପ୍ରସ୍ତୁତି । ବୈଜ୍ଞାନିକମାନଙ୍କ ଠାରୁ ଆରମ୍ଭ କରି ଡ଼ାକ୍ତର ଓ ସରକାର ସଭିଁଏ ଉଦ୍ୟମ ଆରମ୍ଭ କରିଦେଲେ । କୌଣସି ଔଷଧ ଏ ରୋଗ ପାଇଁ ଏଯାଏ ବାହାରିଲା ନାହିଁ । ହେଲେ ରୋଗକୁ ନିୟନ୍ତ୍ରଣ କରିବା ପାଇଁ ବିଶେଷଜ୍ଞଙ୍କ ପରାମର୍ଶ କ୍ରମେ ଲଡ଼ଡ଼ାଉନ, ସଟଡ଼ାଉନ ଓ ଘରେ ରହିବାକୁ ଲୋକଙ୍କୁ ଅନୁରୋଧ କଲେ ସରକାର । ଯିଏ ଏହି ନମାନିଲେ ତାଙ୍କ ୁପରେ କାର୍ଯ୍ୟାନୁଷ୍ଠାନ ମଧ୍ୟ ହେଲା । ପ୍ରଥମଥର ପାଇଁ ଏପରି ଅଦୃଶ୍ୟ ଶକ୍ତିର ମୁକାବିଲାରେ ସରକାର ନେଇଥିବା ଅନେକ ପଦକ୍ଷପ ପ୍ରଶଂସା ସାଉଁଟିଥିବା ବେଳେ କେତେକ କ୍ଷେତ୍ରରେ ମାତ୍ରାଧିକ କାର୍ଯ୍ୟନୁଷ୍ଠାନ ପାଇଁ ମଧ୍ୟ ସମାଲୋଚନାର ସୀକର ହେବାକୁ ପଡ଼ିଲା ସରକାରଙ୍କୁ । ମହାମାରୀର କେତେକ ମୁକାବିଲା ନିଷ୍ପତି ନେଇ ମଧ୍ୟ ପ୍ରଶ୍ନ ଉଠିଲା । ବର୍ଷ ଶେଷ ବେଳକୁ କରୋନା ମହାମାରୀ ଭାରତ ବର୍ଷରେ ନିୟନ୍ତ୍ରଣରେ ଆସିଲା । ସାରା ବିଶ୍ୱରେ ବି ପ୍ରଭାବ କମିଲା । ହେଲେ ପୁଣି ବିଟ୍ରେନ ପରି ଦେଶରୁ ଯେଉଁ ନୂଆ କରୋନା ରୂପ ଆସିଲା ତାହା ବି ଚିନ୍ତାରେ ପକାଇଲା । ଏମିତି ଚିନ୍ତା ଚିନ୍ତାରେ ୨୦୨୦ ବର୍ଷକୁ ଆଜି ବିଦାୟ ଦେଉଛି ପୁରା ଦୁନିଆ । ବର୍ଷ ସାରା ଭାଇରସର ଭୟ ଘରିଲା । ଦେହ ଓ ମନ ବତ ଭୟରେ କଟିଲା । ନିଜର ପର ହେଲେ, ଓ ପର ନିଜର ହେଲେ ଏହି ବର୍ଷ । ତେବେ ୨୦୨୦ ବର୍ଷ ଯେଉଁ ଯନ୍ତ୍ରଣା ଦେଇଛି ଇଶ୍ୱରଙ୍କ ପାଖରେ ପ୍ରାର୍ଥନା ୨୦୨୧ ବର୍ଷ ସଭିଁଙ୍କ ଜୀବନରେ ଶାନ୍ତି ଓ ଆନନ୍ଦ ଭରିଦେଉ । ସଭିଁଏ ସୁଖରେ ରହୁନ୍ତୁ , ସାମାଜ ଶାନ୍ତିରୁ ଚାଲୁ । ଏହାହିଁ ଭଗବାନଙ୍କ ପାଖରେ ପ୍ରାର୍ଥନା । କାରଣ ୨୦୨୦ ବର୍ଷ ଟିକେ ବି ଛାଇ ଯେମିତି ନୂଆ ବର୍ଷ ଉପରେ ନପଡ଼ୁ ତାହା ହିଁ ପ୍ରଭୃଙ୍କ ପାଖରେ ପ୍ରାର୍ଥନା । ହଁ ଏକଥା ତ ଯେ ୨୦୨୦ ବର୍ଷ ପୁରା ମଣିଷ ସମାଜକୁ ନୂଆ ଦିଗ ଦେଖାଇଛି ଓ ଅନେକ କ୍ଷେତ୍ରରେ ଆମକୁ ସଚେତନ କରିଛି । ଲୋକେ ବି ଅନେକ କିଛି ଶିଖିଛନ୍ତି ଏବର୍ଷ । ହେଲେ ଏବର୍ଷ ଯେହେତୁ ଆରମ୍ଭ ଯନ୍ତ୍ରଣା ଓ ଭୟଙ୍କର ଥିଲା ଓ ସଭିଁଙ୍କୁ ଏକ ନୂଆ ଭୟର ଦୁନିଆକୁ ନେଇଯାଇଥିଲା ତେଣୁ ପୁରା ବିଶ୍ୱ ଏବେ କହୁଛି ମନେ ରହିବ ୨୦୨୦ ।
